بالاباقشالاردى قارجىلاندىرۋدىڭ جاڭا جۇيەسى ەنگىزىلەدى
اتالعان جۇيەگە سايكەس، بارلىق بالاباقشالاردى بالا سانىنا قاراي قارجىلاندىرادى.
استانا قالالىق ءبىلىم بەرۋ باسقارماسى باسشىسىنىڭ مىندەتىن اتقارۋشى دۋلات جەكەبايەۆتىڭ ايتۋىنشا، جاڭا ادىستەمە اقپان ايىندا كۇشىنە ەنەدى. «وعان سايكەس، بالاباقشالاردى قارجىلاندىرۋ ەرەجەسى وزگەرەدى. سونىڭ اياسىندا ءبىز بارلىق جەكەمەنشىك بالاباقشالارعا، مەملەكەتتىك بالاباقشالارعا بولىنەتىن قارجىنى باسقاشا ەسەپتەيمىز»، - دەدى د.جەكەبايەۆ جۋرناليستەرگە بەرگەن سۇxباتىندا.
ونىڭ ايتۋىنشا، ادىستەمەنىڭ نەگىزىندە جاسالعان بارلىق ەسەپ-قيساپ استانا قالاسى اكىمدىگى جانىنداعى قوعامدىق كەڭەستىڭ تالقىسىنا شىعارىلادى. «ادىستەمەنىڭ جاڭالىعىن مينيسترلىك بىلەدى. مەن دە بىلەمىن. ءبىراق زاڭ بويىنشا سول ادىستەمەنى ازىرلەگەن مەكەمە (ق ر ءبىلىم جانە عىلىم مينيسترلىگى - اۆت.) عانا تۇسىنىكتەمە بەرە الادى. سوسىن جاڭا ادىستەمە ءالى كۇشىنە ەنۋى كەرەك. ونسىز ەشتەڭە ايتا المايمىن. ءتيىستى زاڭ قابىلدانعان. ونىڭ اتاۋى - جان باسىنا قاراي قارجىلاندىرۋ ادىستەمەسى. سونىڭ ىشىندە بالاباقشالار دا، مەكتەپتەر دە بار. ەندى، اتالعان قۇجاتتىڭ كۇشىنە ەنگەنىن كۇتىپ ءجۇرمىز»، - دەپ اتاپ كورسەتتى د.جەكەبايەۆ.
قازاقپارات
You Might Also Like
-
قاراعاندى وبلىسىندا «ديپلوممەن اۋىلعا!» اتتانعان جاستارعا كوتەرمەاقى ەسەبىندە 16 ميلليونعا جۋىق تەڭگە تولەندى، دەپ ءوڭىر باسشىلىعىنىڭ باسپا ءسوز قىزمەتىنە حابارلايدى.
-
ازىق-تۇلىكتى ساقتاۋدىڭ ەش قيىندىعى جوق سياقتى. ساتىپ اكەلىپ، توڭازىتقىشقا قويا سالساڭ بولعانى. ءبىراق كەيدە سول توڭازىتقىشتىڭ وزىندە تۇرعان ازىق داستارحانىمىزعا جەتپەي قوقىس جاشىگىنە تاستالىپ جاتادى....
