InfoHub Logo

قاراعاندى وبلىسىندا «ديپلوممەن اۋىلعا!» اتتانعان جاستارعا كوتەرمەاقى ەسەبىندە 16 ميلليونعا جۋىق تەڭگە تولەندى، دەپ ءوڭىر باسشىلىعىنىڭ باسپا ءسوز قىزمەتىنە حابارلايدى.

«95 جاس مامان «ديپلوممەن اۋىلعا!» جوباسى اياسىندا كوتەرمە اقى الدى. وتكەن جىلى بۇل باعىتقا 15 ميلليون 88 مىڭ تەڭگە بولىنگەن بولاتىن. 

2017 جىلى جوباعا قاتىسقان 39 جاس مامانعا باسپانا ساتىپ الۋ ءۇشىن 131 ميلليون 673 مىڭ تەڭگە ءبولىندى. بيىلعى جىلى بۇل ماقساتقا قانشا قاراجات بولىنەتىنى ازىرگە بەلگىسىز. كوتەرمە اقى مەن باسپانا ساتىپ الۋعا ارنالعا قاراجات باعدارلاماعا قاتىسۋعا نيەت بىلدىرۋشىلەردەن سايكەسىنشە ءوتىنىم تۇسكەن سوڭ رەسپۋبليكالىق بيۋدجەتتەن بولىنەدى»، - دەلىنگەن اكىمدىك سايتىندا. 

جاستار ساياساتى ماسەلەلەرى بويىنشا باسقارما باسشىسى ميراس قۇتتىبايدىڭ ايتۋىنشا،  قالا جاستارى اراسىندا اۋىلدا ەڭبەك ەتەمىن دەۋشىلەردىڭ قاراسى از.

«نەگىزىنەن وقۋ بىتىرگەن سوڭ اۋىلعا باراتىن جاستار - ول اۋىلدان وقۋعا كەلگەن جاس ازاماتتار. ولار ءۇشىن اتالمىش باعدارلاما - اۋىلعا ورالۋعا، جۇمىس تابۋعا، كوتەرمەاقى الىپ، ءوز باسپاناسىنا قول جەتكىزۋگە مۇمكىندىك بولىپ تابىلادى. قالالىق جاستاردىڭ اراسىندا بۇل باعدارلاماعا قاتىسامىن دەۋشىلەر كەمدە-كەم»، - دەدى ول.

ول سونىمەن قاتار اۋىلدىق جەرلەردە كوبىنەسە ءتۇرلى باعىتتاعى دارىگەرلەر مەن وقىتۋشىلار، ونىڭ ىشىندە اعىلشىن ءپانىنىڭ مۇعالىمدەرى تاپشى ەكەنىن اتاپ ءوتتى. «ديپلوممەن اۋىلعا!» باعدارلاماسىنا ءبىلىم، الەۋمەتتىك قامسىزداندىرۋ، دەنساۋلىق ساقتاۋ، ۆەتەريناريا، مادەنيەت جانە سپورت، اگروونەركاسىپ كەشەنىنىڭ ماماندارى دا قاتىسا الادى.

اۋىلدىق جەرلەردە جۇمىستى جوو تۇلەكتەرى وزدەرى تاڭدايدى، سونان سوڭ باعدارلاماعا قاتىسۋ تۋرالى شەشىم قابىلدايتىن اۋداندىق كوميسسياعا قۇجاتتارىن تاپسىرادى. ەگەر كانديداتۋرانى قۇپتايتىن بولسا، قاتىسۋشىعا 70 ايلىق كورسەتكىش كولەمىندە (2018 جىلعا بۇل سوما 168 350 تەڭگەنى قۇرايدى) كوتەرمەاقى بەرىپ، باسپانا سالۋعا نەمەسە ساتىپ الۋعا 15 جىلعا دەيىنگى مەرزىمگە 0،01% جىلدىق سىياقى مولشەرلەمەسىمەن 1500 ايلىق كورسەتكىش كولەمىندە (2018 جىلى 3 607 500 تەڭگە) نەسيە بەرىلەدى.

---