InfoHub Logo

داۋىس: تىڭداڭىزدار، تىڭداڭىزدار! قۇرمەتتى قوناقتار، اتا - انالار! بالالاردىڭ بالاباقشامەن قوشتاسۋ ەرتەڭگىلىگىنە قاندىاعاش قالاسىنىڭ №24 "كۇنشۋاق" بالاباقشاسىنىڭ "قۇلاگەر" توبىنىڭ تۇلەكتەرى "باقىتتى بالالىق شاق" ۇشاعىمەن كەلىپ قوندى. ەرتەڭگىلىك بارىسىندا قول تەلەفوندارىڭىزدى ءوشىرىپ، دابىر ءسوزدى قويدىرىپ، قولدارىڭىزدان كەلگەنشە ءار بالامىزدى قوشەمەتتەپ، ءار سوزدەرىن مۇقيات تىڭداپ، ونەرلەرىنە تامسانىپ، قۋانىشتارىن بولىسۋلەرىڭىزدى سۇرايمىز.

زالعا بالالار اۋەنمەن كىرىپ كىرەدى.
جاقسىلىققا قۇمارمىز
جاقسى ادام بوپ شىعامىز
تازا ءسابي جۇرەكتەن
قابىلداڭىز مىڭ العىس

1 - جۇرگىزۋشى:
بىزگە سىيلاپ سىڭعىرلاعان كۇلكىڭدى
سابيلەرىم جۇزدەرىڭدە نۇر تۇندى
بىزدەن ۇشىپ قانات قاعىپ ەسەيىپ
وزدەرىڭمەن قوشتاساتىن كۇن تۋدى

2 - جۇرگىزۋشى
ءبارىڭدى دە ءسابيىم دەپ سۇيەتىن
وزدەرىڭدى ساعىنىپ ءبىز جۇرەيىك
قۇتتى بولسىن قادامدارىڭ اتتاعان
ءبىز سەندەرگە ءساتتى ساپار تىلەيىك

1 - جۇرگىزۋشى:
قىمباتتى اتا - انالار، ۇجىمداستار، قوناقتار بۇگىن ءبىزدىڭ بىرنەشە جىل ماپەلەپ، تاربيەلەپ وسىرگەن بۇلدىرشىندەرىمىزدى مەكتەپ تابالدىرىعىنا شىعارىپ سالعالى وتىرمىز.

2 - جۇرگىزۋشى:
مەرەكەدە سىزىلتىپ ءان سالادى
ءان ايتىپ بي دە بيلەپ جان سالادى
بۇل ۇلى مەرەكەدە ءان سالعاندا
بۇكىل ەل شاپالاقتاپ قارسى الادى

ءان: "بىرىنشىگە بارامىن"

اقتىلەك:
تاربيە بەرگەن ۇيامىز
ءتارتىپتى بالا بولامىز
قوشتاسىپ بالا باقشامەن
مەكتەپكە ءبىز بارامىز

نۇرايىم:
مەكتەپكە ەندى بارامىز
ۇلگىلى وقۋشى بولامىز
جاقسى وقىپ ساباقتى
كىلەڭ بەستىك الامىز

1 - جۇرگىزۋشى:
بوبەك ەدى ول راس
كىپ-كىشكەنتاي كەشەگى
بۇگىن مىنە ازامات
بولدى ءبارى دەسەدى
2 - جۇرگىزۋشى:
ءتىل دامىتىپ سۋرەت سالىپ
جاتتىقتىردى قولدارىن
مەكتەبىنە شىعارىپ ساپ
تىلەيىك اق جولدارىن

بي: "مى مالەنكيە زۆەزدى"

تاقپاقتار:
بەكسۇلتان:
ماپەلەگەن انامىز
باقشا بولدى پانامىز
مەكتەپكە ەندى بارامىز
وقىپ ءبىلىم الامىز

كاۋسار:
مەكتەپكە ەندى بارامىز
وقيمىز ساۋىق قۇرامىز
قاشىق ەمەس ارامىز
باقشاعا كەلىپ تۇرامىز

1 - جۇرگىزۋشى:
كوتەرىپ كەلىپ قولىمەن
جەتەكتەپ ۇيگە قايتاتىن
ءسابيى ەدى بىلدىرلاپ
ساعىنىشىن ايتاتىن

2 - جۇرگىزۋشى:
ءتىلى تازا بۇگىندە
جۇگىرمەيدى اپتىعىپ
جۇرەكتەرى تۇرما الدە
قوشتاساتىن شاقتى ۇعىپ

بي: يسپان

تاقپاق:
اقبالا:
بالاباقشام قوش ەندى
اركەز امان بول دەيمىن
اكەم مەنەن شەشەمدى
ەندى ەرتىپ كەلمەيمىن

كاميلا:
بالاباقشا بازارلى ءۇي
كوشەدەگى اجارلى ءۇي
شاتتىعى بار شۋاقتا
ءوز ءۇيىمىز سياقتى

سانجار:
قوشتاسىپ مەن بۇگىن بالالىقپەن
قوشتاسامىن سيقىرلى بالا باقپەن
تانىسىپ مەكتەپ دەگەن الەممەنەن
دوستاسامىن بىلىممەن دانالىقپەن

(كوڭىلدى اۋەنمەن اتقا مىنگەسىپ قوجا مەن سۇلتان كەلەدى)
جۇرگىزۋشى: اۋ بۇل كىمدەر شاڭداتىپ جىبەردىڭدەر عوي مىنا جەردى؟
قوجا: مەنىڭ اتىم قوجا، ال مىناۋ مەنىڭ دوسىم - سۇلتان.
ءبىز كورشى اۋىلعا سابان تويعا بارا جاتىرمىز.
جۇرگىزۋشى: قايداعى توي ساباق قايدا؟
سۇلتان:- باسىڭدى قاتىرىپ نەگە كەرەك، مەن مەكتەپتە وقىعان ەمەسپىن، سوندادا اشتان ءولىپ كوشتەن قالعان جوقپىن، اكەمنىڭ جىلقىلارىن باعامىن.
جۇرگىزۋشى: سوندادا، قالايشا اتا - اناڭ مەكتەپكە اپارمادى ما؟