ب ا ق قوعامعا ب ا ق اكەلسىن!
28 ماۋسىم،ياعني بۇگىنگى مەرەكە جايلى اۋىز تولتىرىپ ايتارلىقتاي اڭگىمە، تىلەكتەر جازىلدى. ءالى دە جالعاسىن تاۋىپ، تولاستار ەمەس. قول تيگەنگە قاراي، اسىعىستىق بولسا دا، بىر-ەكى اۋىز ءسوز دات ەتەيىن...
اۋزىن ايعا بىلەگەن ءارقايسىمىز جۋرناليستيكا، ءباسپاسوزدىڭ ءتورتىنشى بيلىك ەكەندىگىن جەردەن جەتى قويان تاپقانداي ءسوز ەتەمىز. سەبەبى، جۇگى اۋىر كاسىپ يەلەرى ءۇشىن بۇل - بىرىنشىدەن، ماقتانىش؛ ەكىنشىدەن، ءوزىن-وزى جەڭىل جۇباتۋدىڭ سيقى(ارتىڭدا قانشاما سەنىم، سوعان ساي بولماق ماقسات جاتىر). زامانىنا ساي ۋاقىتى وزعان سىلدىر ءسوزدى ەمەس، ۋىتتى ءسوزدىڭ ۇتقىرى بولۋ بۇرناعىدان ءتان قابىلەت تە، قاسيەت تە جۋرناليست اۋىزدان شىققان "اھ!" دەگەندى اقيقات ساناپ، جول-جونەكەي حاباردىڭ شىندىعىنا جەتپەستەن جاريالانىمعا ارقاۋ ەتپەس. ۇيىمداسقان سايىن وڭ-سولعا قيسايا، وزگەنىڭ ءومىرىن وسەككە اينالدىرىپ، جەردەگى "جۇلدىزدارىڭ" تىرشىلىگىن تىلگە تيەك ەتۋدى ماقسات تۇتپاس! (ول جاعىن اتالمىش "سارى باسىلىمدار"-اق قاتىرار).
بۇگىندە جوق جەردەن سەنساسيا تۋدىرۋشى قارابايىر انشى-تىلشىلەر، ەل ءومىرىن جۇتاڭدىققا اپارۋشىلار سانى لەك-لەگىمەن ارتقانى تالاس تۋدىرمايتىن اقيقات.وسى جولعا ەلىكتەپ، تابان توزدىرىپ جۇگىرۋ ناتيجە بەرمەيدى
. بالكىم، ولار دا كەلەشەكتە تاعدىر تالكەگىمەن تىلشىلىك تىرشىلىگىنە جولدان قوسىلسا دا (بارلىعى ەمەس)، تالاپ ارقىلى ماماندىق ماحابباتىنىڭ جەمىستى جەڭىسىن كورەر⁉ ءىس تەتىگىن قاشان دا مامان شەشەدى، ياعني "قوي سويسا دا، قاساپشى سويسىننىڭ" نيەتى بۇل...
اتالعان قىسقا دا تولىق ماتىنگە ارقاۋ بولعان، ارلى-ارىپتەستەر!
ۇلت سەنىمىن ارقالاعان، ۇلى جۇرەكتەر! ءار توپ (101، 102، 103) - اقپارات مايدانىنداعى ارميا دەسەك، ءارقايسىمىز سول مايداننىڭ قارۋى - قالام (تەليەۆيزياداعىلار ءۇشىن - ميكروفون)، قالقانى - داپتەر، جازارى مول جاۋىنگەرىمىز. ساناعا ساق بولىپ، حالىققا ب ا ق قوندىرايىق. جۋرناليست قورەك ەتەر تۇيە جانتاقتى - سۇبەلى جاڭعاققا، جامىلار "قار" كورپەنى - ءتور كورپەگە، جاستانار "مۇز" جاستىقتى - قۇس جاستىققا اينالدىرۋلارىڭىزعا تىلەكتەسپىن! اۋىزبەن وراق ورعان ەمەس، اۋزىمەن قۇس تىستەگەندەردىڭ ساناتىنان تابىلىپ، احاڭدار اشقان "ارنا" تىزگىنىن قولدان بەرمەيىك...
P.S: ءبىز، جۋرناليستەر، قوعامعا "مىسىقتىڭ" قاي باعىتقا بەت العاندىعىن كورسەتەمىز...ارى قاراي قوعامنىڭ ءوزى-اق "مىسىقپەن" اينالىسىپ كەتەدى...(سانا ساپاسى مەن وي ۇشقىرلىعىنا ساي)
You Might Also Like
-
شاشقىزىپ شاكىرتىنە جۇرەك كەنىن، وياتقان ىزگىلىككە جۇرەكتەرىن. بۇل كۇندە ەل بىلەدى، قۇرمەتتەيدى مەكتەپتىڭ ماقتانىشى – تۇلەكتەرىن. («قوجاباقى مەكتەبىنىڭ ءۆالسى» انىنەن) مەكت...
-
قىز بالا — ۇلت ۇيىتقىسى، بولاشاق انا، اياۋلى جار. بۇل ۇعىم “قازاق” اتاۋى دۇنيەگە كەلگەننەن كۇنى بۇگىنگە دەيىن امانات ەسەبىندە قالىپتاسىپ كەلەدى. دەگەنمەن، وسى ارۋلار شىن مانىندە سا...
