ءبارى ءبىز ءۇشىن
— تاعى دا ءىشىپ كەلدىڭ بە؟
— ءتىرى كەلگەنىمە راقمەت ايت!
— وسى ساعان نە جەتپەيدى؟
— قان ىشكىم كەلەدى دە تۇرادى.
— ەندى سوعان ماستارعا بارۋ كەرەك پە؟
— ناعىز جاقسى ادامدار سولار عوي. ەڭ شىنايى، وتىرىگى جوق. ماستار ماسكا كيمەيدى.
— قويساڭشى، ايەل باسىڭمەن بۇلاي جۇرگەن جاراسپايدى عوي...
— باسىندا ميى ازداردىڭ ۋايىمدارى دا كىشكەنتاي، سول ءۇشىن ولار ىشكىلىككە جيىركەنىشپەن قارايدى. ىشكەننىڭ وننان ءبىرى عانا بۇل جولعا جاي قىزىعۋشىلىقپەن تۇسكەن. قالعانى باسىنداعى ويلارىن كوتەرە الماي، كەلگەن.
— ەندى ونىڭ نە قاتىسى بار؟
— سەن بالالارىڭنىڭ اقىلدى بولۋىن قالايسىڭ عوي.
— سوڭعى كەزدە سەنى تۇسىنۋدەن قالدىم.
— ول مەنىڭ تاڭداۋىم.
— مەن سەننەن كەتەتىن شىعارمىن.
— ول سەنىڭ تاڭداۋىڭ.
— ساعان ءبارىبىر مە؟
— ماسقا نە كەرەك؟! كوڭىلى تىنىش بولسا جەتكىلىكتى.
— سەن ءتۇسىنشى، ءبىز سارى اياق ماسامىز! سەن بۇلاي ىشكەندەردىڭ قانىن سورىپ جۇرگەندە بىرەۋ سەنى مىجىپ قويسا، ءبىتتىڭ. سەن عانا ەمەس، مەنىڭ وتباسىمنىڭ ك ۇلى كوككە ۇشادى.
— ەندى سەن دە تۇسىنسەڭشى. ساۋ ادامدارعا بارسام، ولار ءتۇرلى جولدارمەن مەنى ءولتىرۋدى ويلاستىرىپ قويعان. ساسىق ءيىس تاراتاتىن اپاراتتارىنان باستاپ، شاڭ سورعىشپەن سورىپ ولتىرۋگە شەيىن بارادى. ماس ادامدار قانىن ءىشىپ جاتقانىڭدى دا بىلمەيدى جانە ول اقىلدى بولسا، ەرتەڭ ءبىزدىڭ بالالارىمىزدا ءتۇرلى ايلامەن ءومىر سۇرۋگە بەيىم بولىپ تۋىلادى. ءبارى دە "ءبىز" ءۇشىن.
— بۇگىنەن باستاپ ەشقانداي «ءبىز» جوق. از ءومىرىمدى ىشكەنىنە دە سىلتاۋ تاباتىن ماساعا جۇمساعىم كەلمەيدى.
— ەسىككە جول نۇسقايىن دەسەم، ول دا جوق. ۇشقاندا جەل جولداسىڭ بولسىن!
You Might Also Like
-
بۇل قىستىڭ كۇنى ەدى؛ قۇمىرسقالار دىمقىل تاماقتارىن شىعارىپ، كۇنگە كەپتىردى. سيكادالاردىڭ ءبىرى قاتتى اشتى دا، كەلىپ قۇمىرسقالاردان تاماق سۇرادى. - جازدا ازىق جيناپ الساڭشى! ءسىز ءقازىر سونشا اش بولماس...
