باستاۋىش سىنىپتا وقىتۋ ءۇشىن باعالاۋ، وقۋدى باعالاۋ ءمودۋلىن قولدانۋ
ەگەمەندى ەلىمىزدىڭ تىرەگى - ءبىلىمدى، تاربيەلى ۇرپاق. قازىرگى تاڭدا ءار ءمۇعالىم ساباعىن جاڭاشا ۇيىمداستىرىپ، ءاردايىم ىزدەنىستە بولۋى ءتيىس.ءبىلىم بەرۋ جۇيەسىندە بولىپ جاتقان وزگەرىستەر وقىتۋ ۇردىسىندە جاڭا ءادىس تاسىلدەردى ەنگىزۋدى تالاپ ەتەدى.
ءۇش ايلىق كۋرستى اياقتاعاننان كەيىن تىزبەكتەلگەن ساباقتار توپتاماسىن قۇرىپ، ونداعى ءاربىر ساباق كەزەڭىنە ءفورماتيۆتى (قالىپتاستىرۋشى) باعالاۋ ءتۇرىن ەنگىزدىم. باعا - وقىتۋ ۇدەرىسىندەگى قوزعاۋشى كۇش. سىني تۇرعىدان ويلاپ قاراساق، وقۋشىلار وزدەرىنىڭ جۇمىسىنىڭ ناتيجەسىن ساباقتىڭ سوڭىندا ەمەس ءار كەزەڭىندە ءبىلىپ، ءوزىن-وزى باعالاي الادى. «باعالاۋ» تەرمينى «جاقىن وتىرۋ» دەگەندى بىلدىرەتىن لاتىن سوزىنەن شىققانداعى كەزدەيسوق ەمەس، سەبەبى باعالاۋدىڭ نەگىزگى سيپاتى ءبىر ادام باسقا ادامنىڭ نە ايتىپ، نە ىستەگەنىن نەمەسە ءوزىن-وزى باقىلاۋ جاعدايىندا ءوزىنىڭ دەربەس ويلاۋىن، تۇسىنىگىن نەمەسە ءتارتىبىن مۇقيات باقىلاۋى بولىپ تابىلادى.
ءوزىن-وزى باعالاۋ جانە سىنىپتاستارىن باعالاۋ ستراتەگياسى بويىنشا وقۋشىلار وقىتۋدىڭ ناقتى كريتەريلەرىنە جانە ماقساتتارىنا سايكەس وزىنە دە، سونداي اق سىنىپتاستارىنا دا باعا قويا الادى. بۇل كريتەرييلەردى ساباق بارىسىندا جاتتىعۋ رەتىندە بەرۋگە بولادى؛ بۇل جاتتىعۋ ءمۇعالىمنىڭ وقۋشىلاردان نە كۇتەتىنىن ايقىنداپ، وقۋشىلاردى وزدەرىنىڭ جۇمىستارىنىڭ وسى ۇمىتكە سايكەستىگى تۋرالى ويلانۋعا يتەرمەلەيدى. مەن ءوز تاجىريبەمدە باستاۋىش سىنىپ وقۋشىلارى بولعاندىقتان ءفورماتيۆتى باعالاۋدىڭ ءتيىمدى ءادىسى رەتىندە باعدارشام سيگنالدارى: جاسىل سيگنال= مەن جاقسى ورىندادىم، سارى= مەن جارتىلاي ورىندادىم، ءبىراق تاعى جۇمىس ىستەۋ قاجەت جانە قىزىل سيگنال= ماعان كومەك كەرەك جانە دە سمايليكتەر، قولپاشتاۋ، يشارالار: «باس بارماقتى جوعارى كوتەرۋ»، «تومەن ءتۇسىرۋ» نەمەسە «قيمىل باعىتىن اۋىستىراتىن باس بارماق ت.ب. تۇرلەرىن قولدانامىن. وسى باعالاۋدىڭ تۇرلەرى وقۋشىعا جاقسى جىگەر بەرەدى. وزدەرىن سەنىمدى ۇستاپ، كەلەسى ساباققا جاقسى كوڭىل-كۇيمەن كەلەدى. بۇل ءادىس ۇلگەرىمى تومەن وقۋشىلاردىڭ دا ءوزىن-وزى باعالاپ، ءبىلىم الۋىنا ىقپال ەتەدى دەپ ويلايمىن. ءمۇعالىمنىڭ قالىپتاستىرعان كەرى بايلانىسى وقۋشىعا ءوزىن جەتىلدىرۋگە كومەكتەسەدى. باستاۋىش سىنىپ وقۋشىلارىنىڭ ءبىلىم دەڭگەيىن كوتەرۋدە «وقىتۋ ءۇشىن باعالاۋ جانە وقۋدى باعالاۋ» ءمودۋلى باستاۋىش سىنىپ مۇعالىمدەرى ءۇشىن قولايلى ءتاسىل.
پايدالانعان ادەبيەتتەر:
1. مۇعالىمدەرگە ارنالعان نۇسقاۋلىق
2. «باستاۋىش سىنىپ» جۋرنالى
You Might Also Like
-
سوڭعى جىلدارى مەكتەپتەردە ءمۇعالىم مەن وقۋشى اراسىنداعى كيكىلجىڭ كوبەيىپ كەتتى. كۇندەلىكتى جاڭالىقتان ەستيتىنىمىز «ءمۇعالىم وقۋشىعا قول كوتەردى»، «وقۋشى ۇستازىنا ءتىل تيگىزدى» ...
-
ۇكىمەتتىڭ بۇگىنگى وتىرىسىندا ۇلتتىق ءبىرىڭعاي تەستىلەۋدىڭ جاڭا فورماتىن تانىستىرعان ءبىلىم جانە عىلىم ءمينيسترى ەرلان ساعادييەۆ تەست سۇراقتارىنىڭ 120-عا دەيىن ازايعانىن، الايدا كەيبىر تاپسىرمالار بويىن...
