ۇبت-دا ءبىر سۇراقتان ەكى ۇپايدى قاي پاندەردەن الۋعا بولادى
ۇكىمەتتىڭ بۇگىنگى وتىرىسىندا ۇلتتىق ءبىرىڭعاي تەستىلەۋدىڭ جاڭا فورماتىن تانىستىرعان ءبىلىم جانە عىلىم ءمينيسترى ەرلان ساعادييەۆ تەست سۇراقتارىنىڭ 120-عا دەيىن ازايعانىن، الايدا كەيبىر تاپسىرمالار بويىنشا ەكى ۇپاي الۋعا بولاتىنىن جەتكىزدى.
ءسويتىپ، ۇبت-دان ەڭ جوعارى - 140 ۇپايدى جيناۋعا مۇمكىندىك بار. جوعارى جانە جوعارى وقۋ ورنىنان كەيىنگى ءبىلىم دەپارتامەنتىنىڭ ديرەكتورى دارحان احمەد-زاكي اتالعان ەكى ۇپاي قاي پاندەردىڭ سۇراقتارى بويىنشا بەرىلەتىنىن ءتۇسىندىرىپ بەردى.
"ۇلتتىق ءبىرىڭعاي تەستىلەۋ كەزىندە ونداي سۇراقتار مەكتەپ تۇلەگى ءوزى تاڭدايتىن ءپروفيلدى پاندەردىڭ ىشىندە بولادى. نەگىزگى ءۇش پاندە ول سۇراقتار بولمايدى"، - دەپ اتاپ كورسەتتى د.اxمەد-زاكي.
ال مەكتەپكە دەيىنگى جانە ورتا ءبىلىم دەپارتامەنتىنىڭ ديرەكتورى جاڭىل جونتايەۆا ءبىر سۇراقتان ەكى ۇپاي الۋدىڭ جولىن ءتۇسىندىرىپ بەردى. "ءبىر سۇراقتىڭ ىشىندە ەكى دۇرىس جاۋاپ بولادى. ماسەلەن، "وتان سوعىسى قانداي جاعدايدا بولدى؟" دەگەن سۇراقتىڭ ىشىندە بەس جاۋاپ بولسا، سونىڭ ەكەۋى دۇرىس جاۋاپ بولىپ سانالادى. بىرەۋى بەلگىلەنسە، ءبىر ۇپاي، ەكەۋىن دە دۇرىس تاپسا، ەكى ۇپاي بەرىلەدى"،- دەپ اتاپ كورسەتتى ج.جونتايەۆا. ونىڭ ايتۋىنشا، بۇنداي تاپسىرمالار مەكتەپ ەمتيxانىندا دا بولادى. سەبەبى ەكى ءپان تەستپەن قابىلدانادى.
ايتا كەتەيىك، ۇكىمەتتىڭ بۇگىنگى وتىرىسىندا ق ر ءبىلىم جانە عىلىم مينيسترلىگى ەرلان ساعادييەۆ ۇلتتىق ءبىرىڭعاي تەستىلەۋدىڭ جاڭا فورماتى بويىنشا ەسەپ بەردى. كەلەسى جىلدان باستاپ تۇلەكتەر مەكتەپ ديپلومىن الۋ ءۇشىن ەمتيxان تاپسىرادى. ال جوعارى وقۋ ورنىنا ءتۇسۋ ءۇشىن ۇلتتىق ءبىرىڭعاي تەستىلەۋدى تاپسىرۋ قاجەت.
ءمينيستردىڭ ايتۋىنشا، مەكتەپتى بىتىرگەن كەزدەگى ەمتيxان بەس ءپان بويىنشا وتكىزىلەدى. سونىڭ ىشىندە تورتەۋى مىندەتتى، بىرەۋى وقۋشىنىڭ تاڭداۋىنا قاراي قابىلدانادى. "بۇگىندە بارلىق مەكتەپتەردە ونداي ەمتيxاندار بار. ونى ۇلتتىق ءبىرىڭعاي تەستىلەۋگە بارماعاندار تاپسىرىپ ءجۇر. سوندىقتان ەشقانداي وزگەرىستەر جوق. ءبىر جاڭالىق، بۇعان دەيىن ەمتيxان سۇراقتارىن وبلىستىق ءبىلىم بەرۋ باسقارمالارى دايىنداسا، ەندى ەكى ءپان بويىنشا تەست تاپسىرمالارىن ۇلتتىق تەستىلەۋ ورتالىعى ازىرلەيتىن بولادى. نەگىزى، تەست سۇراقتارى دايىن. سوندىقتان مەكتەپتەردە ول سۇراقتاردى سىناقتان وتكىزۋگە بولادى"، - دەيدى ە.ساعادييەۆ.
سونداي-اق، ۇلتتىق ءبىرىڭعاي تەستىلەۋدىڭ جاڭا فورماتىنا سايكەس، "التىن بەلگى" اتاعىن مەكتەپتەردىڭ وزدەرى راستايدى. ونى ۇلتتىق ءبىرىڭعاي تەستىلەۋ كەزىندە دالەلدەۋدىڭ قاجەتى جوق.
"ال ۇلتتىق ءبىرىڭعاي تەستىلەۋدىڭ ءوزى جوعارى وقۋ ورنىنا ءتۇسۋ جانە مەملەكەتتىك گرانتتاردى تاراتۋ ءۇشىن وتكىزىلەدى. تەستىلەۋدىڭ فورماتى دا وزگەرىپ وتىر. بۇعان دەيىن بەس ءپان بويىنشا 125 سۇراق بولعان. سونىڭ ىشىندە تەك ءتورت ءپاننىڭ 100 جاۋابى عانا ەسكەرىلسە، جاڭا فورمات بويىنشا 120 سۇراق بولادى. بارلىعى ەسكەرىلەدى. ەڭ جوعارى ۇپاي سانى - 140. سەبەبى كەيبىر سۇراقتار بويىنشا ەكى ۇپاي الۋعا مۇمكىندىك بار. ءسويتىپ، ۇلتتىق ءبىرىڭعاي تەستىلەۋ بىرتە-بىرتە SIT-گە (System Integration Test) اۋىسىپ وتىر. تەستىلەۋ كەزىندە ءۇش مىندەتتى جانە ەكى سالالىق پاندەر بولادى"- دەپ اتاپ كورسەتتى مينيستر.
You Might Also Like
-
ەگەمەندى ەلىمىزدىڭ تىرەگى - ءبىلىمدى، تاربيەلى ۇرپاق. قازىرگى تاڭدا ءار ءمۇعالىم ساباعىن جاڭاشا ۇيىمداستىرىپ، ءاردايىم ىزدەنىستە بولۋى ءتيىس.ءبىلىم بەرۋ جۇيەسىندە بولىپ جاتقان وزگەرىستەر وقىتۋ ۇردىسىندە ...
