باتىس قازاقستاندا 113 تۇلەك اكىمدىك گرانتىنىڭ يەگەرى اتاندى
بيىل 113 تۇلەك بقو اكىمدىگى گرانتىنىڭ يەگەرى اتاندى.
وبلىس اكىمىنىڭ ورىنباسارى باقىتجان نارىمبەتوۆتىڭ ءمالىم ەتكەنىندەي، وڭىردە جوعارى ءبىلىمدى، بىلىكتى ماماندارعا قاجەتتىلىكتى جابۋ ءۇشىن جەرگىلىكتى بيۋدجەت ەسەبىنەن كادرلاردى دايارلاۋ جۇمىستارى 2017 جىلدان بەرى جۇرگىزىلىپ كەلەدى.
ونىڭ سوزىنە قاراعاندا، وبلىستا دەنساۋلىق ساقتاۋ، ءبىلىم بەرۋ جانە اۋىل شارۋاشىلىعى سالالارى قىزمەتكەرلەرىنە سۇرانىس بار.
بيىلعى وقۋ جىلىنا وبلىستىق بيۋدجەت قاراجاتى ەسەبىنەن 113 جوعارى ءبىلىمدى مامان دايارلاۋعا گرانت بەرىلدى. سونىڭ ىشىندە 56 گرانت دارىگەرلىك، 30-ى مۇعالىمدىك ماماندىقتى تاڭداعان تۇلەكتەرگە ۇلەستىرىلدى.
وبلىس اكىمدىگىنىڭ ءبىلىم بەرۋ گرانتتارى ۇبت نەمەسە كت سەرتيفيكاتتارىنىڭ بالدارىنا سايكەس ءبىلىم بەرۋ گرانتىن بەرۋ تۋرالى كۋالىگىنە ساي، كونكۋرستىق نەگىزدە بەلگىلەندى.
«گرانتتار ماحامبەت وتەمىسوۆ اتىنداعى باتىس قازاقستان ۋنيۆەرسيتەتى، جاڭگىر حان اتىنداعى باتىس قازاقستان اگرارلىق-تەحنيكالىق ۋنيۆەرسيتەتى، ق.ساتپايەۆ اتىنداعى قازاق ۇلتتىق تەحنيكالىق ۋنيۆەرسيتەتى، «نۇر-مۇباراك» ەگيپەت يسلام مادەنيەتى ۋنيۆەرسيتەتى، س.اسفەندياروۆ اتىنداعى قازاق ۇلتتىق مەديسينا ۋنيۆەرسيتەتى جانە م.وسپانوۆ اتىنداعى باتىس قازاقستان مەديسينا ۋنيۆەرسيتەتىنە ورنالاستىرىلىپ كەلەدى. ءار گرانت يەگەرىمەن ءۇش جاقتى كەلىسىمشارت (ءبىلىم باسقارماسى، اتا-انا (كامەلەت جاسىنا تولماعان بىتىرۋشىلەر ءۇشىن)، جوعارى وقۋ ورنى) جاسالادى. كەلىسىمشارتقا سايكەس گرانت يەگەرى جوعارى وقۋ ورنىن اياقتاعاننان كەيىن جەرگىلىكتى اتقارۋشى ورگاننىن جولداماسىنا سايكەس وبلىستا 3 نەمەسە 5 جىل مىندەتتى تۇردە ەڭبەك ەتۋى ءتيىس»، دەدى ب.نارىمبەتوۆ.
You Might Also Like
-
— كەشە كۇيەۋ بالانىڭ تۋعان كۇنىنە باردىق، — دەدى تانىس كەلىنشەك اڭگىمە ۇستىندە، — وڭكەي قايىن اپالار جينالىپپىز. جاقسىلاپ سىيلىق اپاردىق. "كۇيەۋ — دۇشپان" — ...
-
ۇيلەنۋ تويىنىڭ مادەنيەتى قازاقتىڭ عاسىرلار بويى قالىپتاسقان ءسالت-داستۇرى.
