بايعوزى باتىر
حانتاۋىنداعى بەكىنگەن ۇسەن-سەرەن دەگەن قالماق قونتايشىسىنىڭ شاپقىنشىلارى ارقاداعى قازاق اۋىلدارىنىڭ ادامدارىن بايلاپ، مالدارىن ايداپ اكەتىپ، مازا بەرمەيدى. سونسوڭ بايعوزى باتىر مەن كەرەي جارىلعاپ باتىر كوكشەتاۋداعى ابىلايعا بارىپ، جاعدايدى ايتىپتى.
— حانتاۋىندا قالماقتىڭ كۇشتى قارۋلى اسكەرى جاتىر. وعان ءتيىسۋ ۇلكەن سوعىسقا ۇلاسادى. ودان گورى شاعىن قولمەن قالماقتاردىڭ ورداسىن قاماپ الايىق. قولدى دۇشپاننىڭ كوزىنە تۇسىرمەي، سوعان كىم باستاپ بارادى؟ — دەپتى ابىلاي حان.
— كوزگە تۇسىرمەي مەن باستاپ بارامىن، — دەيدى بايعوزى.
ابىلاي حان ءۇش ءجۇز كىسىلىك قولىمەن ارقادان اتتانىپتى. اسكەرى ءبىرىنىڭ ارتىنان ءبىرى تۇندە ءجۇرىپ، كۇندىز جاتادى. جارىلعاپ باتىر — اسكەردىڭ الدىندا بارلاۋشى. بايعوزى باتىر ارتىندا باكىلاۋشى بولىپ، قولدى حانتاۋىندا بەيقام وتىرعان قالماق ورداسىنىڭ ۇستىنەن ءتۇسىرىپتى. ابىلاي حان قالماقتىڭ قولباسشىسى قونتايشىنىڭ ۇرەيىن ۇشىرىپ، ايداپ اكەتكەن ادامدارىن، مالدارىن قايىرىپ، قونتايشى ايىبىنا حانعا قىزىن بەرەدى. بۇدان بىلاي بىر-بىرىنە تيىسپەۋگە ءبىتىم جاساپ قايتادى.
«قازاقتىڭ ورداسى ۇلىتاۋعا قالماقتار كەلدى» دەگەن حابار بايعوزىعا جەتەدى. 1743 جىلى بايعوزى باتىر ساۋىت كيىمدەرىن كيىپ، قولىنا شاشاقتى نايزاسىن الىپ، جاساقتارىمەن ۇلىتاۋعا اتتانىپ، قالماقتاردى جەڭىپ قايتقان. ەل اراسىندا بايعوزى باتىر تۋرالى:
تاراقتىدا بايعوزى،
بۇ دا اسقان ەر ەدى.
ەل شەتىنە جاۋ كەلسە،
مەن بارايىن دەر ەدى!
بايعوزى باتىر — قازاق حالقىنىڭ تاريحىنداعى ءىرى تۇلعانىڭ ءبىرى.
وقۋعا كەڭەس بەرەمىز:
You Might Also Like
-
تاراقتى-بايقوزى ءىرى اتاقتى كىسى بولعان ادام. ءبىر جىلى جۇت بولىپ، جىلقىسى ىعىپ، ەرتىستىڭ مۇزىنا بارىپ ءبىر-اق توقتاپتى. بايقوزى جىلقىمەن بىرگە ەرتىسكە تۇسەدى. جىلقىسىن توعايدان قايىرىپ، كۇن اشىلعان س...
-
«ۇلى ءجۇز ءۇيسىن ساركوزگە باعىنادى، ساركوز قاتىنعا باعىنادى». وسىناۋ ماقالدىڭ شىعۋىنا مىنا وقيعا سەبەپكەر بولعان. قۇبا قالماق زامانى ءبىر سوعىستا ۇلى ءجۇزدىڭ ساركوز باتىرى قالماقتىڭ قامالىن...
