InfoHub Logo

تاراقتى-بايقوزى ءىرى اتاقتى كىسى بولعان ادام. ءبىر جىلى جۇت بولىپ، جىلقىسى ىعىپ، ەرتىستىڭ مۇزىنا بارىپ ءبىر-اق توقتاپتى. بايقوزى جىلقىمەن بىرگە ەرتىسكە تۇسەدى. جىلقىسىن توعايدان قايىرىپ، كۇن اشىلعان سوڭ، ەلىنە قاراي ايدايدى. كەشكە جاقىن قونۋعا ءبىر باسەنتيىننىڭ ۇيىنە سالەم بەرىپ، كىرىپ كەلسە، ءتوردىڭ الدىندا ءبىر اقساقال وتىر، جاس شاماسى سەكسەننەن اسقان سياقتى، وڭ جاقتا سۇيەكپەن ويۋلاعان اعاش كەرەۋەت تۇرادى. سونىڭ الدىندا قولىندا دومبىراسى بار، ۇكىلى كامشات بورىك كيگەن، ۇستىندە بۇرمەلى ەتەكتى اق كويلەگى بار ءبىر قىز ءان سالىپ، ولەڭ ايتىپ وتىر ەكەن.

بايقوزى كىرىپ كەلگەندە، قىز ءانىن توقتاتىپ، دومبىرانى جۇكتىڭ ۇستىنە قويىپ، قوناقتارعا ابدەن ءيىلىپ ورىن بەرەدى. اقساقال ءجون سۇراپ:

— جىلقىنى قاي جەردەن ىقتىردىڭىز؟ — دەگەندە،

— «جالعان» دەگەن جەردەن، — دەيدى بايقوزى. بۇل ءسوزدى ەستىگەن قىز:

— اۋىلىڭ، ەلىڭ جالعاندا،
جالعىز جارىڭ قالعاندا،
جىلقىمەن ىعىپ جۇرگەندە،
قوينىنا بىرەۋ بارعان دا، —

دەيدى. بايقوزى:

— بەدىرەكتى بەتپاقتىڭ
بادىرايتىپ ايتقان ءسوزىن-اي،
ۇيالماي-اق اتاسىنىڭ جۇزىنەن-اي!
كىم قولمەن باسادى دەيسىڭ، شىراعىم-اي،
قۇداي ءناسىپ بەرمەسە،
كوت يەسىنىڭ وزىنە-اي! —

دەپتى. اكەسى:

— قاراعىم، جەڭدىڭ، شاپان جاپ! — دەگەن ەكەن.

وقۋعا كەڭەس بەرەمىز:

جيدەباي باتىر (ءى نۇسقا)

جيدەباي باتىر (ءىى نۇسقا)

جانىبەك باتىردىڭ ابىلايدىڭ وڭ تىزەسىنەن ورىن الۋى

---