تۇلكىباي باتىر جايىنداعى اڭىز-اڭگىمە
حVءىى-حVءىىى عاسىرلاردا بۇل توڭىرەك قوقان حانىنىڭ قولاستىندا بولعان ەكەن. قوقان اكىمدەرىنىڭ بۇيرىعى بويىنشا سول جەردىڭ تۇرعىندارى كۇن سايىن سالىق رەتىندە ءبىر قىز جانە ءبىر تۇيە جوڭىشقا مەن استىق اكەلىپ اكىمدەرگە تاپسىرىپ وتىرعان. بۇل كەزەك تۇلكىباي ۇيىنە دە جەتكەن. تۇلكىباي — الاشا رۋىنىڭ ەل نامىسىن قورعايتىن باتىرى بولعان. قوقان ۋازىرلەرىنىڭ بۇيرىعىن ورىنداۋعا كەلگەن جەندەتتەردى تۇلكىباي قايتارىپ جىبەرگەن. قارىنداسىن جانە وزىنە تيەسىلى سالىقتى «ءوزىم اپارامىن» دەيدى، ءبىراق ول تاڭ سارىدە ساۋىت-سايماندارىن اسىنىپ الىپ، ورداعا جالعىز ءوزى كەلەدى. بۇل وردادا تۇلكىباي باتىردىڭ قوقان حاندىعىنا ساتىلىپ كەتكەن اعاسى بولعان. ول داربازانى اشىپ تۇلكىبايدىڭ ورداعا كىرۋىنە مۇمكىندىك بەرەدى. ورداعا كىرگەن سوڭ تۇلكىباي اكىمدەرىنىڭ بارلىعىن ولتىرەدى، ءبىراق سول اكىمدەرىنىڭ ءبىرى قاشىپ قۇتىلادى. ول قاشىپ، قىزىلورداعا بارىپ حابار بەرەدى. بۇل كەزدە تۇلكىباي ەلىنەن پانا ىزدەپ، باسقا جەرگە قاشىپ شىققان ەدى. قوقان حانىنىڭ ۋازىرلەرى تۇلكىبايدى قارماقشى كوپىرىنىڭ تۇسىندا تۇتقىنعا الىپ، باسىن شاپقان. سودان ولار تۇلكىباي باتىردىڭ باسىن نايزانىڭ ۇشىنا ءىلىپ، ەلىنە كورسەتپەكشى نيەتپەن الىپ كەلگەن. بۇنى كورگەن جارى داۋىس شىعارىپ جىلايدى. سول مەزەتتە باتىردىڭ شەشەسى بىلاي دەگەن:
— قاراعىم، بوسقا كوز جاسىڭدى سارقىما. ول — جەرى ءۇشىن، ەلىنىڭ نامىسى ءۇشىن قۇربان بولعان باتىر. ءوزى ولگەنمەن دە، ەرلىگى ساقتالادى، — دەيدى.
قالماقتار قىزىلورداعا كەتكەن سوڭ، قازاق جىگىتتەرى تۇلكىباي باتىردىڭ كەگىن الۋعا اتتانادى. ورداعا جەتپەي قالماق (قوقان) جەندەتتەرىنىڭ كۇل-تالقانىن شىعارعان.
وقۋعا كەڭەس بەرەمىز:
You Might Also Like
-
رەسەيدەن قاشقان تورعاۋىتتاردى قۋالاعان قىرعىزدار (قازاقتار) اشىق دالادا دامىلداپ، قازانعا سۇرلەنگەن جىلقى ەتىن اسىپ، تورسىققا قۇرت ەزىپ، كۇنى بويىنا ءنار بولاتىنداي ەتىپ تاڭعى استارىن ءىشىپ وتىرادى. ...
-
تۇگەل باتىر قاتىسقان ءبىر سوعىستا جوڭعارلاردىڭ بىت-شىتى شىعىپ، جاۋدىڭ مال-مۇلكى ولجالانىپ، ادامدارى تۇتقىنعا تۇسەدى. مول ولجانىڭ ىشىندە قالماقتىڭ اتاقتى ءبىر بەگىنىڭ بويجەتكەن سۇلۋ قىزى دا بار ەكەن. ...
