«بايقوڭىردى جالعا بەرگەنىمىزبەن، ازاماتتارىمىزدى جالعا بەرگەن جوقپىز!»
بيىلعى وقۋ جىلىنان باستاپ، بايقوڭىرداعى 6 مەكتەپ قازاقستاندىق ءبىلىم بەرۋ ستاندارتىنا كوشكەن بولاتىن. بۇگىن ورتالىق كوممۋنيكاسيالار قىزمەتىندە وتكەن باسپا ءسوز ماجىلىسىندە قىزىلوردا وبلىسى اكىمىنىڭ ورىنباسارى رۋسلان رۇستەموۆ مەكتەپتەر قازاقستاندىق ستاندارتقا كوشكەلى مۇعالىمدەردىڭ جالاقىسى كوبەيگەنىن ايتتى، دەپ حابارلايدى Baq.kz ءتىلشىسى.
«بيىلعى جاڭا وقۋ جىلىنان باستاپ، 6 مەكتەپ جانە ءبىر بالاباقشا قازاقستاندىق ءبىلىم بەرۋ ستاندارتىنا كوشتى. ايتا كەتەرلىگى، قازاقستاندىق ستاندارتقا كوشكەلى 6 مەكتەپ پەن بالاباقشا دا سوڭعى ۇلگىدەگى جاڭا تەxنولوگيامەن قامتاماسىز ەتىلدى. وعان قارجى وبلىستىق بيۋدجەتتەن ءبولىندى. وسىندا جۇمىس ىستەيتىن ۇستازدار مەن تاربيەشىلەردىڭ جالاقىسى رەسەيدەگى ستاندارتپەن وقىعان كەزدەگىدەن وسكەنى بايقالادى»، - دەدى قىزىلوردا وبلىسى اكىمىنىڭ ورىنباسارى.
ونىڭ ايتۋىنشا، قازىرگى كەزدە بايقوڭىرداعى 6 مەكتەپتە 4755 بالا ءبىلىم الادى. ال ءبىر بالاباقشادا 177 بالا ءوزىمىزدىڭ جۇيە بويىنشا ءبىلىم الۋدا. ەندى، ول مەكتەپتەردى كۇردەلى جوندەۋدەن وتكىزۋ، ماتەريالدىق جاعدايلارىن جاقسارتا بەرۋ نازاردا بولا بەرەدى.
«بۇل جونىندە وبلىس اكىمى قىرىمبەك كوشەربايەۆتىڭ جاقسى ۇستانىمى بار. «ءبىز بايقوڭىر عارىش ايلاعىن جالعا بەرگەنىمىزبەن، ازاماتتارىمىزدى جالعا بەرگەن جوقپىز» ، دەگەن بولاتىن. بۇگىنگى كۇنى بايقوڭىردا 40 مىڭنان استام قازاقستان ازاماتى بار.ولار بولاشاقتا مەملەكەتتەن ءتيىستى الەۋمەتتىك كومەكتەرىن الا بەرەتىن بولادى»، -دەيدى وبلىس اكىمىنىڭ ورىنباسارى.
ايتا كەتەيىك، بايقوڭىردا جالپى ءبىلىم بەرەتىن 14 مەكتەپ بار. وندا 9000-عا جۋىق وقۋشى ءبىلىم الادى. ونىڭ ىشىندە التاۋى قازاق مەكتەبى.
You Might Also Like
-
1492 ج كريستافور كولۋمب تاراپىنان اشىلدى دەپ بىلىنەتىن امەريكا قۇرلىعى نەگىزىندە مۇسىلماندار تاراپىنان تابىلعان. بۇعان بايلانىستى كوپتەگەن دەرەكتەر بار. بىرنەشە مىسال كەلتىرەيىك:
-
ديەتولوگيا ماماندارى سالماق ارتۋىن توقتاتۋدا نەمەسە سالماعىن تۇراقتاندىرۋدا دەنساۋلىق جانە تەرى ءۇشىن ومىرلىك ماڭىزدى بولعان ازىقتاردى ەلەۋسىز قالدىرماۋعا كەڭەس بەرەدى.
