InfoHub Logo

ۇرمە بۇرشاق (فاسول) – بۇرشاق تۇقىمداسىنا جاتاتىن داقىل. ونىڭ دانىندە اقۋىز 17-23%، كراحمال 50-60% بولادى. سول سەبەپتى ۇرمە بۇرشاق جۇعىمدى ءارى ءدامدى تاعام، اقۋىزى ادام اعزاسىنا وڭاي (90%) سىڭەدى. سونىمەن قاتار قۇرامىندا كراحمال، كومىرسۋلار مەن ءنارۋىزدار، س، B1، ۆ2، ۆ6، رر دارۋمەندەرى، ماكرو جانە ميكروەلەمەنتتەر (اسىرەسە، مىس، تەمىر، كۇكىرت، حلور)، فوسفور، كاليي، ناتريي، ماگنيي، كالسيي، ليزين، ارگينين، گيستيدين، تيروزين، تريپتوفان بار. ۇرمە بۇرشاقتىڭ كاسيەتتەرى ەت پەن بالىققا جاقىن كەلەدى. ونىڭ اعزانى تازالاۋشى جانە نەسەپ ايداۋشى قاسيەتى بار. بۇيرەك، قۋىق، باۋىر، جۇرەك جەتكىلىكسىزدىگى، اسقورىتۋ اۋرۋلارىنا ديەتالىق تاعام رەتىندە قولدانىلادى. قۇرامىندا تەمىر مولشەرى كوپ. ول ەريتروسيتتەردىڭ (قاننىڭ قىزىل تۇيىرشەكتەرى) تۇزىلۋىنە كومەكتەسەدى، جاسۋشالارعا وتتەگىنىڭ كەلۋىن قامتاماسىز ەتىپ، يممۋندىق جۇيەنى نىعايتادى. اق ۇرمە بۇرشاقتىڭ قۇرامىندا ءتىس، سۇيەكتى قاتايتاتىن ماگنيي مەن كالسيي بار. اق ۇرمە بۇرشاقتى قايناتۋ كەزىندە ارالاستىرماۋ كەرەك. قايناعان سوڭ سۋىن توگىپ تاستاپ،سالقىن سۋ قۇيسا، بارىنشا قۇنارلى دا، ءدامدى بولادى. ۇرمە بۇرشاقتاردىڭ قۇرامىندا تيروزين، تريپتوفان، مەتيونين جانە ت.ب. امينقىشقىلدارىنىڭ كوپ بولۋىنا بايلانىستى دەپرەسسياعا قارسى داقىل سانالادى. ول ءتىپتى قاتەرلى ىسىكپەن اۋرۋ ءقاۋپىن ازايتادى. بۇرشاقتى شيكى كۇيىندە جەۋ ۋلانۋعا اكەپ سوقتىرۋى مۇمكىن. كوپتەگەن ادامدارعا ۇرمە بۇرشاق جاقپايتىندىقتان، ءىشتىڭ كەبۋى مۇمكىن. مۇنى بولدىرماس ءۇشىن، ۇرمەبۇرشاقپەن بىرگە اسكوك نەمەسە جەبىرشوپ جەگەن دۇرىس. قىزىل ۇرمەبۇرشاققا قاراعاندا اق ۇرمەبۇرشاق ءىش كەبۋدى از تۋدىرادى. ۇرمەبۇرشاقتى قارت كىسىلەرگە، گاستريتپەن، توق ىشەگى قابىنعان، اسقازان جاراسى، ءوت قابىنۋى، ارتىق تۇزدىڭ جينالۋىمەن اۋىراتىن ناۋقاستارعا جەۋگە بولمايدى.

---