InfoHub Logo

بەس كۇندىك وقۋ جۇيەسى مۇعالىمدەردىڭ جالاقىسىن قىسقارتۋعا سەبەپ بولمايدى. ءبىلىم مينيسترلىگى قايتا پەداگوگتاردىڭ جالاقىسىن كوتەرۋ جوسپارلانىپ وتىرعانىن مالىمدەدى، دەپ حابارلايدى ۆaq.kz.

ءبىلىم بەرۋ رەفورمالارى مۇعالىمدەردىڭ جالاقىسىنا اسەر ەتپەيدى. بيىلعى جىلدان باستاپ ءبىرىنشى سىنىپ وقۋشىلارى بەس كۇندىك وقۋ جۇيەسىنە كوشەدى. ءبىلىم جانە عىلىم مينيسترلىگىنىڭ مالىمەتىنشە، مەكتەپتەرگە 12 جىلدىق ءبىلىم بەرۋ باعدارلاماسى ەنگىزىلگەننەن كەيىن ءتىپتى مۇعالىمدەردىڭ جالاقىسىن كوتەرۋ جوسپارلانىپ وتىر.

«2019 جىلدان باستاپ ەلىمىزدە جاڭا ءبىلىم بەرۋ باعدارلاماسى ىسكە قوسىلادى. ايتا كەتەيىك، پەداگوگتاردىڭ ەڭبەكاقىسىن قىسقارتپايمىز. ولاردىڭ جالاقىسىن ءوسىرۋ جوسپارىمىزدا بار، ءبىراق بۇل ازىرگە جوسپار عانا. قاشان ەكەنى بەلگىسىز»، - دەپ حابارلادى informburo.kz پورتالىنا مينيسترلىكتەن.

12 جىلدىق ءبىلىم بەرۋ سحەماسى بويىنشا «0 سىنىپ (مەكتەپالدى دايارلىق)+11 سىنىپ» ءپرينسيپى بويىنشا ەنگىزىلەدى. بارلىق سىنىپتاردى جاڭارتىلعان مازمۇنعا كوشىرۋ 2020 جىلعا قاراي اياقتالادى. 12 جىلدىق ءبىلىم بەرۋ جۇيەسى كەزەڭ-كەزەڭىمەن ەنگىزىلەدى. ياعني 2016 جىلى – 1 سىنىپتار، 2017 جىلى – 2،5،7 سىنىپتار، 2018 جىلى – 3،6،8، 10 سىنىپتار، 2019 جىلى – 4،9، 11 سىنىپتار كوشىرىلەدى.

ايتا كەتەيىك، 2016 جىلدىڭ ناۋرىزىندا بعم مەكتەپتەردى بەس كۇندىككە كوشىرۋ سحەماسىن بەكىتتى. قازاقستان پرەزيدەنتى وقۋشىلاردى بەس كۇندىك وقۋ اپتاسىنا كوشىرۋ تۋرالى شەشىمدى قولداپ، ءبىرقاتار ءپاندى بىرىكتىرۋدى ۇسىندى.

 

---