بەيجىن سارى
ەرتەدە مالمەن عانا كۇن وتكىزگەن قازاق حالقى تىرشىلىككە قاجەتتى باسقاداي زاتتاردى الۋ ءۇشىن باسقا ەلدەرمەن ساۋدا-ساتتىق جاساپ تۇرعان. باسقا ەلدەرگە مالداردىڭ دايار ونىمدەرىن بەرگەندە ول ەلدەردەن ءارتۇرلى بۇل شاي، قانت سياقتى زاتتار العان. سونداي ساۋدا-ساتتىق جۇرگىزگەن قالالارىنىڭ ءبىرى بەيجىن (پەكين) بولسا كەرەك. بەيجىنگە دەيىن تۇيەمەن بارىپ قايتاتىن بولعان. ساۋدا-ساتتىق جاساۋ نيەتىمەن اتتانعان ءبىر توپ كەرۋەن تالاي ءشولدى، تالاي بەلدى باسىپ ۇزاق جول جۇرەدى. ادامدار دا قاجيدى، مال دا قاجيدى، بوتەن جەردى جەرسىنبەگەن مال جول-جونەكەي بىرلەپ-ەكىلەپ ءولىپ تە وتىرادى. قاجىعان كەرۋەن جول ورتاسىنان استىق-اۋ دەگەن مولشەردە تاعى تىنىعادى. كەرۋەنشىلەر تۇيەنى ماتاپ-بايلاپ، جۇكتەرىن جيىپ تاستايدى دا، وزدەرى ۇيىقتايدى. كەرۋەنشىلەر جول بويىندا ارتىنا ءجيى-جيى قاراپ، ۇزاق جولدى بوزداۋمەن وتكىزگەن سارى اتاندى «وسى قاشىپ كەتۋى مۇمكىن» دەپ ويلايدى دا، جۇگىمەن قويىپ، مۇرىندىعىنان قازانداي تاسقا بايلاپ تاستايدى. ءتۇن ورتاسى بولعان مەزەتتە سارى اتان بايلاعان تاستى تىسىمەن كوتەرىپ، جۇگىمەن قاشادى. وسكەن جەرىن ساعىنعان سارى اتان وسىلايشا تۋعان جەرىنە كەلەدى. تۇيە ەكەش تۇيەنىڭ تۋعان جەرگە دەگەن ساعىنىشىنا تاڭدانعان سىبىزعىشى وسى كۇيدى شىعارىپتى.
You Might Also Like
-
ەل پرەزيدەنتى قاسىم-جومارت توقايەۆ ەلىمىزدىڭ جوعارى ساپالى وقۋ ورنىنا ساپارى كەزىندە ءال-فارابي اتىنداعى قازۇۋ-عا بارىپ، ۋنيۆەرسيتەتتىڭ وسى كۇنگە دەيىن جەتكەن جەتىستىكتەرىمەن تانىسىپ، ستۋدەنتتەرگە قى...
-
جەتىنشى قارا سوزىندە اباي : «جاس بالا انادان تۋعاندا ەكى ءتۇرلى مىنەزبەن تۋادى: بىرەۋى- ىشسەم، جەسەم، ۇيىقتاسام دەپ تۇرادى. بۇلار – ءتاننىڭ قۇمارى، ەكىنشىسى –بىلسەم، كورسەم، ۇيرەنسە...
