بالالىقتىڭ – بال داۋرەنى
جەتىنشى قارا سوزىندە اباي : «جاس بالا انادان تۋعاندا ەكى ءتۇرلى مىنەزبەن تۋادى: بىرەۋى- ىشسەم، جەسەم، ۇيىقتاسام دەپ تۇرادى. بۇلار – ءتاننىڭ قۇمارى، ەكىنشىسى –بىلسەم، كورسەم، ۇيرەنسەم دەگەن جان قۇمارى» -دەي كەلىپ، بالانىڭ كورگەنىنە تالپىناتىنىن، كوزى كورگەن مەن قۇلاعى ەستىگەننىڭ ءبارىن بىلگىسى كەلەتىنىن جاقسى سيپاتتايدى. شىنىندا دا، بالا كەزدە ءبارىمىز دە دۇنيەنىڭ بار سىرىن تانىپ –بىلگىمىز كەلىپ، العا ۇمتىلىپ، تەزىرەك وسكىمىز كەلىپ، ۇلكەندەرگە ەلىكتەپ جۇرەتىنىمىز انىق. مۇمكىن، سونىسىمەن دە بالالىق شاقتى بال داۋرەنگە تەڭەگەن بولار؟! ايتەۋىر، ۇلكەندەر بالا كەزدەرىن ەسكە السا، ەرىكسىز جىميىپ نە قاتتى قيالعا باتىپ، قايتا اينالىپ كەلمەس بال داۋرەندى اڭساپ جاتادى. سەبەبى بالالىق شاق – ادام ءومىرىنىڭ ەڭ اياۋلى، ەڭ ءتاتتى، ەڭ قىزىق ءساتى. ءيا، بال شاقتىڭ ءقادىرىن ەركە كەزدە اڭعارماي وتكىزىپ الامىز. مەن دە ءقازىر سول ءبىر اتا-انامنىڭ باسىمنان سيپاپ، قىڭقىلداپ سۇراعانىمنىڭ ءبارىن دە الىپ بەرىپ، استى-ۇستىمە تۇسكەن كەزدەرىندەگى شات كوڭىلىم مەن سابيلىك ەركەلىگىمدى ەسكە الىپ وتىرمىن. سول كەزدە مۇقاعالي اقىننىڭ «ءسابي بولعىم كەلەدى» دەگەن ءانى ەرىكسىز ەسكە تۇسەدى. شىنىندا دا، «تۇلىمىندا كۇن ساۋلەسى ويناقتاعان، اۋزىنان انا ءسۇتى ارىلماعان ءسابي» بولۋ قانداي باقىت دەسەڭشى، شىركىن! اتا- انا ءۇشىن سول ءسابيدىڭ اماندىعىنان ارتىق باقىت بولمايدى، بار الەم وعان باس ءيىپ تۇرعانداي. بالا كەزدە دوس بولۋ دا وڭاي، دوس تابۋ دا وڭاي. سەبەبى بالا كوڭىلى اپپاق قارداي تاپ-تازا بولادى. سول كىرشىكسىز سەزىمنەن تازا دوستىق، جاقسى نيەت، ادال كومەك تۋىنداپ جاتادى. بىرەۋدىڭ جىلاعانىن كورىپ، ءوزى دە جىلاي سالاتىن دا سول بالا كوڭىلى ەمەس پە؟! سول سياقتى قولىنداعىسىن ويلانباي بەرە سالاتىن اق كوڭىل جومارت پەن دارقان جۇرەكتىڭ يەسى دە – كوبىنە ءتاپ-تاتتى بالدىرعاندار. ولاردىڭ ءتىلىن ايتساڭىزشى! ويىنداعىسىن ىركۋدى نە الداۋدى بىلمەيتىن بالداي تىلدەن شىققان ءسوز كوپكە دەيىن جانىمىزدى جادىراتىپ، جاقسى كوڭىل كۇي سىيلاپ جاتادى.
ەندەشە، ءسابيىنىڭ قايتىپ كەلمەس بال شاقتارىن قولدان كەلگەنشە باقىتتى وتكىزۋگە ءار ادام تالاپتانۋى قاجەت. ارينە، بۇعان مەملەكەت تە بارىنشا قامقورلىق جاساپ وتىر. ەلىمىزدە «بالالار قۇقىعىن قورعاۋ كونۆەنسياسى» سياقتى ماڭىزدى قۇجاتتار جۇمىس جاسايدى. سونىمەن قاتار بالالاردىڭ وقۋىنا، دەمالۋىنا، وسىپ-وركەندەۋى مەن جان-جاقتى دامۋىنا بار جاعداي جاسالعان دەۋگە ابدەن بولادى. سوندا بالالىق شاقتىڭ دا، باقىتتى زامانىمىزدىڭ دا ءقادىر –قاسيەتىن تەرەڭ ءتۇسىنىپ، ونى بارىنشا قورعايتىن بولامىز. بال داۋرەننىڭ، بال شاقتارىنىڭ ەستەلىكتەرىن قايتا قاراپ، تاڭىرىمىزگە تاۋبە ەتەيىك!
اقتوبە وبلىسى حرومتاۋ اۋدانى اباي اۋىلى
اباي نەگىزگى شاعىن جيناقتالعان مەكتەبى
9 سىنىپ وقۋشىسى شالعىنبايەۆ جەڭىس
You Might Also Like
-
ەرتەدە مالمەن عانا كۇن وتكىزگەن قازاق حالقى تىرشىلىككە قاجەتتى باسقاداي زاتتاردى الۋ ءۇشىن باسقا ەلدەرمەن ساۋدا-ساتتىق جاساپ تۇرعان. باسقا ەلدەرگە مالداردىڭ دايار ونىمدەرىن بەرگەندە ول ەلدەردەن ءارتۇر...
-
ەل اۋزىنداعى اڭىزداردا «كوك توبەت» كۇيىنىڭ شىعۋى ءارتۇرلى ايتىلادى. سونىڭ ءبىرى، التايدى مەكەندەگەن زۋقا باتىردىڭ اۋىل ماڭىنا بوتەن ادام باستىرمايتىن، اتتى ادامنىڭ دىبىسىن كۇنشىلىك جەردەن...
