ويباي، بەگىم بەر!
باي بالاسى مەن كەدەي بالاسى سەرىكتەسىپ بەك تەرۋگە شىعادى. ىشەر اس پەن مىنەر كولىككە قىسىلىپ كورمەگەن باي بالاسى ەر-تۇرمانى كەلىسكەن اتقا ءمىنىپ شىعادى دا، اياق ارتارى جوق كەدەي بالاسى جاياۋ شىعادى.
ءبىراق باي بالاسى ارتىنان ەرىپ جاياۋ سالپاقتاپ، بولدىرىپ كەلە جاتقان كەدەي بالاسىنا بايلىعى مەن سالتاناتىن كورسەتكەندەي ات ۇستىندە شالقالاي وتىرىپ، ونى مىنگەستىرىپ تە المايدى. تۋعاننان تاقىرشىلىق ازابىن كورىپ وسكەن كەدەي بالاسى اتتىلى باي بالاسىنان قالىسپاي ءجۇرىپ وتىرىپ بەك تەرەتىن جەرگە دە جەتەدى.
تۋعاننان ءشوپ باسىن سىندىرىپ كورمەگەن باي بالاسى ماڭدىتىپ بەك تەرە المايدى، كەدەي بالاسى ودان الدەقايدا ارتىق بەك تەرىپ الادى. دايار تۇرعان بەكتى تەرىپ الۋدان ەرىنگەن باي بالاسى كەدەي بالاسىنىڭ دورباسىنداعى بەككە كوزىن ءسۇزىپ قارايدى، سونى ولجالاۋدىڭ امالىن قاراستىرادى. بەك تەرىپ بولعاننان كەيىن ەكى بالا كەلگەن ىزىمەن قايتادى. زالىم باي بالاسى كەدەي بالاسىنىڭ بەگىن الۋدىڭ جولىن ويلاپ، دورباداعى بەگىن كوتەرىپ جاياۋ كەلە جاتقان كەدەي بالاسىنىڭ بىردە سوڭىنان ەرىپ، بىردە قاتارلاسىپ اياڭدايدى دا وتىرادى. جول ورتاسىنان اسقان كەزدە جاياۋ بالامەن قاتارلاسىپ كەلە جاتقان باي بالاسىنىڭ بەگىن ءىلىپ الادى دا، اتىن تەبىنىپ قاپ، شابا جونەلەدى. ءبىرشاما جەر ءجۇرىپ شارشاعان كەدەي بالاسى ونىڭ ارتىنان «ويباي، بەگىم بەر»، — دەپ ايقايلاي قۋادى. اتتىلى جاياۋعا قايدان جەتكىزسىن. باي بالاسى بەكتى سول كۇيى الىپ قاشىپ كەتەدى. كەدەي بالاسىنىڭ: «ويباي، بەگىم بەر»، — دەپ ايعايلاعانىن ەستىگەن كۇيشى بالا زارىن بەينەلەپ، وسى كۇيدى شەرتكەن ەكەن دەيدى.
You Might Also Like
-
ءبىزدىڭ ەلىمىز – جاس مەملەكەت. تاۋەلسىزدىك العانىمىزعا نەبارى 28-اق جىل بولدى. وسى 28 جىلدا ەلىمىزدى باسقارىپ، ونىڭ اياعىنان نىق تۇرۋىنا وزىندىك ۇلەسىن قوسقان تۇڭعىش پرەزيدەنتىمىز، ەلباسىمىز &n...
