InfoHub Logo

ءبىلىم جانە عىلىم ۆيسە-مينيسترى شولپان قارينوۆا قاشىقتان وقىتۋ كەزىندە وقۋشىعا ءۇي تاپسىرماسىن بەرۋدىڭ ادىستەمەلىك قۇرالى بەكىتىلگەنىن ءمالىم ەتتى.

«ءسوزدىڭ شىنى كەرەك، ءتورتىنشى توقساننىڭ سوڭىنا قاراي اتا-انالار وقۋ جىلىنىڭ اياقتالعانىن كۇتەدى. ءمۇعالىم دە ونى بىلەدى. وسىعان بايلانىستى ءوزىمىزدىڭ شەشىمىمىزدى جەتكىزدىك. سونىڭ ىشىندە بيىل قورىتىندى اتتەستاتتاۋدىڭ بولمايتىنىن ايتتىق. بۇل 9-11 سىنىپتاعى بالالارعا قاتىستى اقپارات. ءۇش توقساننىڭ قورىتىندىسى جاسالعان. ءتورتىنشى توقساندا قاشىقتان وقىتۋدا جيىنتىق باعالاۋ وتكىزىلەدى. وسىلاردىڭ نەگىزىندە جىلدىق باعا شىعارىلىپ، 9-11 سىنىپتارداعى قورىتىندى باعالاۋ جانە اتتەستاتتاۋ الدىڭعى باعالاردىڭ نەگىزىندە قويىلادى»، — دەدى شولپان قارينوۆا مينيسترلىكتىڭ ونلاين رەجيمدە وتكەن قاشىقتان وقىتۋدىڭ ارالىق كورسەتكىشتەرى تۋرالى بريفينگىندە.

شولپان قارينوۆا سونىمەن قاتار تەلەساباق تۋرالى دا ءسوز قوزعادى.

«ەل ارنا جانە «Balapan» تەلەارناسىندا ساباقتاردىڭ ءتۇسىرىلىمى جاسالىپ، قازىرگى ۋاقىتتا كورسەتىلىپ جاتىر. ساپاسىنا قاتىستى پىكىرلەردى ەستىپ جاتىرمىز. مۇعالىمدەردىڭ دە، اتا-انالاردىڭ دا باسىم كوپشىلىگى بۇل جۇيەنىڭ وتە ءتيىمدى ەكەنىن ايتتى. نۇر-سۇلتان قالاسىندا جۇمىس ىستەپ جاتقان مۇعالىمدەر، نزم مۇعالىمدەرى وسى تۇسىرىلىمدەرگە قاتىسىپ، كوپ جۇمىس اتقارعانىن اتاپ وتكىم كەلەدى»، — دەدى ول.

ءبىلىم جانە عىلىم ۆيسە-مينيسترى تەلەساباق اسىعىس تۇسىرىلگەنىمەن تەلەساباققا تۇسكەن مۇعالىمدەر وزدەرىنىڭ جاۋاپكەرشىلىگىن تانىتا بىلگەنىن جەتكىزدى.

«ساباق بەرۋدە ءداستۇرلى فورماتتا كەستەگە، ساباقتىڭ نەشە باستالىپ، نەشەدە اياقتالاتىنىنا ۇيرەنىپ كەتتىك. ال ءقازىر قاشىقتان وقىتۋدا ساباقتىڭ بەلگىلەۋدىڭ قاجەتى جوق. جالپى ءمۇعالىم مەن بالانىڭ اراسىنداعى قاشىقتان وقىتۋدا بايلانىستىڭ ءتۇزۋ ورناتىلۋى ماڭىزدى بولىپ وتىر. ەكىنشىدەن وسىعان دەيىنگى بەرىلگەن ءۇي تاپسىرمالارى وزگەردى. قازىرگى بەرىلىپ جاتقان تاپسىرمالاردىڭ ءبارىن وقۋ تاپسىرمالارى دەيمىز. وقۋ تاپسىرمالارىنىڭ كولەمى، ونىڭ قاي ۋاقىتتا بەرىلۋى، قاي ۋاقىتتا وقۋشىدان كەرى بايلانىستىڭ بولۋى – وسى بويىنشا ءبىلىم جانە عىلىم مينيسترلىگى ناقتى ادىستەمەلىك قۇرالدى بەكىتتى. شىنىندا وسىعان دەيىن بۇلاي بولماعاندىقتان كەي مۇعالىمدەر قينالىپ ءجۇر»، — دەدى ول.

---