ۇبت وتكەن سوڭ تەستىلەۋ كەزىندەگى ۆيدەوماتەريالدار ءبىراز ۋاقىت تەكسەرىلەدى
ۇبت اياقتالعاننان كەيىن تەستىلەۋ كەزىندەگى ۆيدەوماتەريالدار ءبىراز ۋاقىت بويى تەكسەرۋدەن ءوتىپ، كوشىرۋمەن اينالىسقان تۇلەكتەردىڭ جيناعان ۇپايى جويىلادى. بۇل تۋرالى «Birge oqý» جوباسىنىڭ ارنالارى ارقىلى وتكەن تىكەلەي ەفيردە «ۇلتتىق تەستىلەۋ ورتالىعى» رمقك ديرەكتورىنىڭ ورىنباسارى ناۋجان ديداربەكوۆا ءمالىم ەتتى.
«وسى جىلداعى تاعى ءبىر جاڭالىعىمىزعا توقتالساق، ۇلتتىق ءبىرىڭعاي تەستىلەۋ اياقتالعاننان كەيىن بىزدە اۋديتوريالارداعى ۆيدەوماتەريالدارعا تالداۋ جاسالادى. ەگەر وسى بەينەجازبالار بارىسىندا تەستىلەنۋشىنىڭ تىيىم سالىنعان زاتتى (سمارتفون جانە وزگە دە قۇرىلعىلار) پايدالانعانىن انىقتاساق، ونىڭ تەستىلەۋ ناتيجەسىن (سەرتيفيكاتتى) جوياتىن بولامىز. اتاپ ايتقاندا، ول ءبىلىم بەرۋ گرانتىنىڭ كونكۋرسىنا قاتىسىپ، گرانت العان جاعدايدا، ونىڭ كونكۋرس ناتيجەلەرىن جويۋ مۇمكىندىگى بار»، - دەدى ناۋجان ديداربەكوۆا.
وسى ورايدا ۇلتتىق تەستىلەۋ ورتالىعىنىڭ وكىلى ۇبت تاپسىرۋ كەزىندە بارشا تۇلەكتەردى اشىق ءارى ادال بولۋعا شاقىردى.
بۇدان بۇرىن حابارلانعانداي، ۇبت-دا زاڭسىز ارەكەت جاساعاندار جىل بويى تەستىلەۋ تاپسىرۋ مۇمكىندىگىنەن ايىرىلادى.
You Might Also Like
-
ۇبت كەزىندە زاڭسىز ارەكەت جاساعان تۇلەكتەر جىل بويى تەستىلەۋ تاپسىرۋ مۇمكىندىگىنەن ايىرىلادى. بۇل تۋرالى «Birge oqý» جوباسىنىڭ ارنالارى ارقىلى وتكەن تىكەلەي ەفيردە «ۇلتتىق ...
-
ءبىر التىنبەل دەگەن حان بولعان. حاننىڭ جالعىز ۇلى بار ەدى، اتى — قايشىلى حان. سونان باسقا بالاسى جوق ەدى. ءبىر كۇندەردە حاننىڭ قاتىنى قۇرساقتى بولدى. ءبىر ۋاقىتتا ءبىر قىز بالا كەلتىردى: «ا...
