جاڭا عىلىم سالاسىنداعى جاڭا لەپ
ءال-فارابي اتىنداعى قازاق ۇلتتىق ۋنيۆەرسيتەتىنىڭ تاريح، ارحەولوگيا جانە ەتنولوگيا فاكۋلتەتى 2010 جىلدان بەرى «مۇراعاتتانۋ، قۇجاتتانۋ جانە قۇجاتتامامەن قامتاماسىز ەتۋ» ماماندىعى نەگىزىندە باكالاۆريات، ماگيستراتۋرا بويىنشا ماماندار دايارلايتىن ەلىمىزدەگى جالعىز فاكۋلتەت. سونىمەن قاتار، بۇل ماماندىق بويىنشا دوكتورانتۋراعا 2017 جىلى №0137355 ليسەنزيا الىنىپ، قابىلداۋ 2019 جىلى جۇزەگە اسىرىلدى. اتالمىش ماماندىققا 5 مەملەكەتتىك گرانت ءبولىندى.
مۇراعاتتانۋ، قۇجاتتانۋ جانە قۇجاتتامامەن قامتاماسىز ەتۋ ماماندىعى بويىنشا ءبىلىم بەرۋ دوكتورانتۋراسىنىڭ نەگىزگى مىندەتتەرى:
- ارحيۆ ءىسى جانە قۇجاتتانۋ سالاسىندا PhD دوكتورلارىن دايارلاۋ؛
- ارحيۆتانۋ مەن قۇجاتتانۋ بويىنشا تەوريالىق ءبىلىم دەڭگەيلەرىن كوتەرۋ؛
- ارحيۆ ءىسى جانە قۇجاتتانۋ سالاسى بويىنشا عىلىمي ادەبيەتتەردى پايدالانۋ داعدىلارىن جەتىلدىرۋ؛
- عىلىمي ءپانارالىق بايلانىستاردىڭ ادىستەرىن يگەرۋ؛
- مۇراعاتشىلار مەن قۇجاتتانۋشىلاردىڭ كوشباسشىلىق قابىلەتتىلىكتەرىن قالىپتاستىرۋ جانە عىلىمي جوبالاردى جۇزەگە اسىرۋ؛
مۇراعاتتانۋ، قۇجاتتانۋ جانە قۇجاتتاممەن قامتاماسىز ەتۋ ماماندىعىنىڭ دوكتورانتتارىنا اقپاراتتىق تەحنولوگيالارعا بايلانىستى «ارحيۆتانۋ جانە قۇجاتتانۋداعى اقپاراتتىق جۇيەلەر» جانە «ەلەكتروندى قۇجاتتاردىڭ مەتامالىمەتتەرىن باسقارۋ» كۋرستارى بويىنشا تەحنيكا عىلىمدارىنىڭ دوكتورى، پروفەسسور جاپاروۆ بوريس الىكەن ۇلى ءدارىس وقىدى. ارحيۆ ءىسى سالاسىندا وزەكتى ماسەلەلەردىڭ ءبىرى ەلەكتروندى قۇجاتتار مەن اۋديوۆيزۋالدى كوممۋنيكاسيالار تۋرالى «اۋديوۆيزۋالدى جانە ەلەكتروندى قۇجاتتار ارحەوگرافياسىنىڭ پروبلەمالارى» جانە «قازىرگى الەمدەگى اۋديوۆيزۋالدى كوممۋنيكاسيالار» كۋرستارى بويىنشا تاريح عىلىمدارىنىڭ دوكتورى، پروفەسسور سەكسەنبايەۆا گۇلزيرا اشيمحان قىزى ءدارىس وقىسا، كوشباسشىلىق قابىلەتتى دامىتۋ بويىنشا «باسقارۋ ءىسىن مودەلدەۋ» كۋرسىن تاريح عىلىمدارىنىڭ دوكتورى، پروفەسسور جاكيشيەۆا ساۋلە اۋكەن قىزى ءدارىس وقىدى.
«مۇراعاتتانۋ، قۇجاتتانۋ جانە قۇجاتتامامەن قامتاماسىز ەتۋ» ماماندىعىنىڭ دوكتورانتۋراسىنا تۇسكەن دوكتورانتتارىمىزدىڭ دوكتورلىق ديسسەرتاسيالارىنىڭ تاقىرىپتارى ارحيۆ ءىسىنىڭ وزەكتى ماسەلەلەرىن قامتۋعا باعىتتالعان. اتاپ ايتساق «پرەزيدەنت ءارحيۆىنىڭ پارتيالىق قورلارىنداعى “ەرەكشە پاپكالاردىڭ” قۇجاتتارى»، «قازاقستان رەسپۋبليكاسى ارحيۆتەرىندەگى جەكە تەكتىك قورلار: قالىپتاستىرۋدىڭ عىلىمي نەگىزدەرى»، «قازاقستانداعى 1918-1991 جج. ارحيۆ ورگاندارىنىڭ قىزمەتى» تاقىرىپتارى تاڭدالدى. بۇل تاڭدالعان تاقىرىپتار بويىنشا پارتياعا قاتىستى قۇپياسىزداندىرىلعان قۇجاتتار تۋرالى جانە ەلىمىزگە ەڭبەگى سىڭگەن تانىمال تۇلعالاردىڭ جەكە تەكتىك قۇجاتتارى، سونىمەن قاتار ارحيۆ ورگاندارىنىڭ قىزمەتى تۋرالى ماسەلەلەر زەرتتەلىنەدى. ال قۇجاتتانۋ سالاسىندا «مەملەكەتتىك ورگانداردا ەلەكتروندى قۇجات اينالىمىن ەنگىزۋ تاجىربيەسى مەن باسقارۋ تيىمدىلىگى» تاقىرىبىندا الماتى قالاسى اكىمدىگىنىڭ قولدانىسىنداعى ەلەكتروندى قۇجات اينالىمىنىڭ تاجىربيەسى تۋرالى ماسەلە قاراستىرىلسا، ءپانارالىق بايلانىستا «كىتاپحانالار سيفرلىق اقپاراتتىق كەڭىستىكتە: ەۋروپالىق جانە وتاندىق تاجىربيە» تاقىرىبى الىندى.
ەلىمىزدە ەجەلگى داۋىردەن قازىرگى زامانعا دەيىنگى كەزەڭدى قامتيتىن بارلىق وتاندىق جانە شەتەلدىك مۇراعاتتار دۇنيەسىنە ەلەۋلى ىرگەلى زەرتتەۋلەر جۇرگىزۋ ءۇشىن «ارحيۆ-2025» باعدارلاماسى ىسكە قوسىلدى. بۇل باعدارلامانى ىسكە اسىرۋدا ارحيۆ ءىس ماماندارىنىڭ اتقاراتىن قىزمەتى زور. سونىمەن قاتار ەلىمىزدىڭ ەكونوميكالىق، مادەني، ساياسي تاريحىنا قاتىستى جازبا دەرەكتەرىمىزدى ساقتايتىن مۇراعاتتانۋشى ماماندىعىننىڭ دوكتورانتتارىن دايارلاۋ ارحيۆ ءىسى مەن قۇجاتتانۋدىڭ عىلىم رەتىندە دامۋىنا تيگىزەتىن اسەرى مول.
تولەبايەۆ ت.ءا. - ت.ع.د.، ءال-فارابي اتىنداعى قازاق ۇلتتىق ۋنيۆەرسيتەتىنىڭ پروفەسسورى
ماكسىمكانوۆا ا.ح. - ءال-فارابي اتىنداعى قازاق ۇلتتىق ۋنيۆەرسيتەتىنىڭ 1 كۋرس PhD دوكتورانتى
You Might Also Like
-
ءبىلىم جانە عىلىم ۆيسە-مينيسترى شولپان قارينوۆا قاشىقتان وقىتۋ كەزىندە وقۋشىعا ءۇي تاپسىرماسىن بەرۋدىڭ ادىستەمەلىك قۇرالى بەكىتىلگەنىن ءمالىم ەتتى.
-
شىڭعىستى جيىرما جەتى جاسىندا ءشۇرشىت ورتاسىندا حان سايلاپ تاققا وتىرعىزعاندا ءار جۇرتتان بيلەر جيناپ، كوپ ىنتىماعىمەن قويعان ەكەن. سوندا مايقى بي ارباسىن جاياۋ كىسىلەرگە تارتقىزىپ بارىپتى.
