بىلىكتى ۇستاز دايارلاۋ ىسىنە ايرىقشا ءمان بەرىپ وتىرمىز - ق ر پرەزيدەنتى
پرەزيدەنت قاسىم-جومارت توقايەۆتىڭ رەسپۋبليكالىق پەداگوگتەر سەزىندەگى بايانداماسى باستالدى.
«بارشاڭىزدى رەسپۋبليكالىق پەداگوگتەر سەزىنىڭ اشىلۋىمەن قۇتتىقتايمىن. ۇستازدار كۇنى قۇتتى بولسىن! بۇگىن، شىن مانىندە، وتە ماڭىزدى جيىن. سەبەبى ۇستاز – ەڭ الدىمەن، ءقادىرلى مامان. ال، ۇستاز بولۋ – قاستەرلى مىندەت.
بۇگىندە ەلىمىزدىڭ بولاشاعى جارقىن بولىپ، دامىعان مەملەكەتكە اينالۋى ءۇشىن مۇعالىمدەر قاۋىمى ايانباي ەڭبەك ەتىپ ءجۇر. جالپى، كىم-كىمنىڭ دە جاقسى ادام، مىقتى مامان بولۋى ۇستازىنا بايلانىستى.
احمەت بايتۇرسىن ۇلى «ءبىز ەلدى تۇزەۋدى بالا وقىتۋ ءىسىن تۇزەۋدەن باستاۋىمىز كەرەك» دەگەن. ۇلت ۇستازىنىڭ بۇل ءسوزى قاشاندا ورىندى. ءبىلىم مەن عىلىم – تابىسقا جەتۋدىڭ ەڭ باستى كىلتى. وسكەلەڭ ۇرپاققا تاعىلىمدى تاربيە جانە وزىق ءبىلىم بەرۋ – وتە ماڭىزدى مىندەت»، - دەدى ق ر پرەزيدەنتى.
سونداي-اق، ءبىزدىڭ مەملەكەت ەڭ الدىمەن، بىلىكتى ۇستاز دايارلاۋ ىسىنە ايرىقشا ءمان بەرىپ وتىرعانىن اتپ ءوتتى.
«مەنىڭ باستاماممەن 2019 جىلى «پەداگوگ مارتەبەسى تۋرالى» جەكە زاڭ قابىلداندى. سوڭعى ءتورت جىلدا ۇستازداردىڭ جالاقىسى 2 ەسە ءوستى. جاقىندا بالاباقشا تاربيەشىلەرىنىڭ ايلىعى 30 پايىزعا كوبەيدى. ۇستازداردىڭ ەڭبەك دەمالىسى ۇزارتىلدى.
ءمۇعالىمنىڭ مىندەتىنە كىرمەيتىن ارتىق جۇمىستىڭ ءبارى الىنىپ تاستالدى. ۇستازداردىڭ كاسىبي بىلىكتىلىگىن ارتتىرۋ ماسەلەسىنە باسا ءمان بەرىلىپ جاتىر. «بولاشاق» باعدارلاماسىمەن ءۇش جىلدا 220-عا جۋىق پەداگوگ شەتەلدە وقىپ كەلدى. ءمۇعالىم ماماندىعىن تاڭداعان جاستارعا قويىلاتىن تالاپ كۇشەيدى. وسى سالاداعى ستۋدەنتتەردىڭ ستيپەندياسى 2،5 ەسە كوبەيدى.
ءبىر سوزبەن ايتقاندا، ءبىز، ەڭ الدىمەن، بىلىكتى ۇستاز دايارلاۋ ىسىنە ايرىقشا ءمان بەرىپ وتىرمىز»، - دەدى مەملەكەت باسشىسى.
You Might Also Like
-
بيىل العاش رەت مۇعالىمدەر كۇنى مەرەكەسى 5 قازاندا مەرەكەلەنەدى. ءتيىستى قاۋلىنى ق ر ۇكىمەتى بيىل 10 ناۋرىزدا قابىلداعان بولاتىن.
-
ءبىر كۇنى سىرىمنىڭ كەلە جاتقانىن كورىپ، كۇتىنىپ تۇرعان قۇداعيلارى كوز كورىم جەردەن الدىنان شىعادى، قۇداعي حانىم ءتاجىم ەتىپ سالەم بەرىپ، سىرىمنىڭ اتىنىڭ شىلبىرىنان ۇستاپ، ورداعا قاراي جەتەكتەي بەرگەن...
