InfoHub Logo

ءبىلىم بەرۋ رەفورماسىنىڭ اۆتورلارى حالىق الدىندا ەسەپ بەرەدى. بۇل تۋرالى بۇگىن ق ر ءبىلىم جانە عىلىم مينيسترلىگىنىڭ كەڭەيتىلگەن القا ماجىلىسىندە ۆەدومستۆو باسشىسى ەرلان ساعادييەۆ ءمالىم ەتتى.

«پرەزيدەنت ءبىزدىڭ الدىمىزعا بارلىق رەفورمالاردى حالىققا ءتۇسىندىرۋ تۋرالى مىندەت جۇكتەدى. ءبىز -رەفورمالاردىڭ اۆتورلارى، مەكتەپتەر مەن بالاباقشالاردىڭ ديرەكتورلارى، وقىتۋشىلار، جوعارى وقۋ ورىندارىنىڭ رەكتورلارى مەن پرورەكتورلارى حالىق الدىنا شىعىپ، قانداي دا ءبىر وزگەرىستەردى نەلىكتەن دۇرىس دەپ سانايتىندىقتارىن ءتۇسىندىرۋى ءتيىس دەپ سانايمىز»، - دەدى مينيستر.

وسى رەتتە ول ءبىلىم بەرۋ سالاسى قىزمەتكەرلەرىنىڭ ەسكەرتۋلەرى مەن ۇسىنىستارى «بوس ءسوز» بولىپ قالمايتىندىعىن باسا ايتتى.

«سىزدەردىڭ ۇسىنىستارىڭىز بوس ءسوز بولىپ قالمايدى. ولار ءىس-قيمىلدىڭ جەتەكشىسى بولۋى ءتيىس. ەگەر نارازىلىق حاتتار تۇسەتىن بولسا، وندا قايدا، قاي جەردە تۇزەتۋ قاجەتتىگى كورسەتىلسە، ءبىز بىردەن ونىمەن جۇمىس ىستەۋگە كىرىسەمىز. مىندەتتى تۇردە ايتۋ، وزگەرىستەردى ۇسىنۋ كەرەك، وزدەرىنىڭ كەلىسپەيتىندىگىن ءبىلدىرۋى قاجەت. بىزگە حات جازىڭىزدار، مينيسترلىككە كەلىڭىزدەر. بۇل وتە ماڭىزدى جۇمىس»، - دەدى ساعادييەۆ.

---