ۋنيۆەرسيتەتتى قالاي دۇرىس تاڭداۋ كەرەك؟
تالاپكەرلەر ءۇشىن جاقسى ءبىلىم ورداسىن تاڭداۋ - ماڭىزدى ءارى جاۋاپكەرشىلىگى مول قادامداردىڭ ءبىرى. ويتكەنى، ستۋدەنتتىڭ ءقازىر وقىپ جاتقان جوعارعى وقۋ ورنىنىڭ رەيتينگىسى، ءبىلىم بەرۋ ساپاسى ونىڭبولاشاقتا قانداي مامان يەسى بولىپ شىعارىنا تىكەلەي بايلانىستى. العان ءبىلىمىڭ ساپالى بولىپ، ستۋدەنتتىك ءومىرىڭ ءتيىمدى ءوتىپ، ءتورت جىل ۋاقىتىڭدى زايا كەتىرمەس ءۇشىن ءاۋ باستا دۇرىس ۋنيۆەرسيتەت قاراستىرعان ءجون.
بولاشاقتى قامدا. قازىرگى كەزدە ءجوو-نىساتتى ءتامامداپ، ديپلومىن قولىنا السا دا، جۇمىس تابا الماي جۇرگەن ادامدار كوپ. دەمەك، ول ۋنيۆەرسيتەتتە ءوز تۇلەكتەرىن جۇمىسپەن قامتاماسىز ەتۋ باعدارلاماسى جوق. سوندىقتان، جوو-نىڭبىتىرۋشىلەردى ماماندىعى بويىنشا جۇمىسقا ورنالاستىرۋ، وندىرىستىك تاربيە، كاسىبي باعدار بەرۋ مۇمكىندىگىنىڭ بار، جوقتىعىن الدىن-الا ءبىلىپ الۋ كەرەك. بارىنشا جۇمىس بەرۋشىلەر تاراپىنان ۋنيۆەرسيتەت سۇرانىسقا يە بولعانى ابزال.
ءبىلىم الۋشىلارعا قانداي جاعداي جاسالعان؟ ۋنيۆەرسيتەت اياسىنداعى ءارتۇرلى ۇيىمدار مەن ۇيىرمەلەر ستۋدەنتتەردىڭ وقۋدان بوس ۋاقىتىنىڭ الدەقايدا قىزىق، پايدالى وتۋىنە مۇمكىندىك بەرەدى. بولاشاق ۋنيۆەرسيتەتىڭنىڭ قوعامدىق ومىرىنە اتسالىسىپ، بەلسەندىلەر قاتارىنان بولعىڭ كەلسە، شىعارماشىلىق ۇيىمدار، سپورتتىق كلۋبتاردىڭ بولۋى ۇلكەن ارتىقشىلىق. جالپى، ستۋدەنتتەردىڭ ۋنيۆەرسيتەت قابىرعاسىنداعى كوڭىل-كۇيى وقۋ ورنىنىڭ ىشكى اتموسفەراسىنا بايلانىستى. سونىمەن قاتار، جوو-نىڭ جاتاقحاناسىنىڭ مەن اسكەري كافەدراسىنىڭ بولۋىنا دا كوڭىل اۋدار. سەبەبى، قازاقستاننىڭ كوپ ۋنيۆەرسيتتەتەرى بۇل جاعدايلاردى قاراستىرماعان.
وقىتۋشىلار دەڭگەيى. جوو-نىڭ وقىتۋشىلار قۇرامىندا عىلىم كانديداتتارى مەن پروفەسسورلار نەعۇرلىم كوپ بولسا، سوعۇرلىم بىلىكتى مامان بولىپ شىعۋعا مۇمكىندىك ارتادى. بۇنداي ۇستازدان ءتالىم العان ستۋدەنت كەلەشەكتە ەڭبەكقور، باسەكەگە قابىلەتتى مامان اتانارى ءسوزسىز. مۇعالىمدەر ستۋدەنتتەرگە تەك قانا تەوريالىق ءبىلىم ەمەس، ءوز تاجىربيەلەرىمەن ءبولىسىپ، پراكتيكاعا كوبىرەك نازار اۋداعانى ءجون. كەز-كەلگەن وقۋ ورنىنىڭ وقىتۋشىلار قاۋىمىمەن ۋنيۆەرسيتەتتىڭ رەسمي سايتىندا تانىسۋعا بولادى.
كەيدە وقىپ جاتقان فاكۋلتەتىڭدى، ماماندىعىڭدى قانشا ۇناتىپ تۇرساڭ دا، ۋنيۆەرسيتەت تيەسىلى ءبىلىم بەرمەسە، قىزىعۋشىلىعىڭدى جوعالتىپ الۋ دا قيىن ەمەس. سول سەبەپتى، ۋنيۆەرسيتەت تاڭداۋدا ويلانىپ، ءارتۇرلى ادامدارمەن اقىلداسا كەلە، وزىندىك اناليتيكا جاساپ ، دۇرىس تاڭداۋ جاساي ءبىل. ۋنيۆەرسيتتەتەردىڭ الەۋمەتتىك جەلىلەرىنە جازىلىپ، تۇلەكتەرىمەن سويلەسىپ، اشىق ەسىكتەر كۇنىنە بارىپ، بارىنشا زەرتتەۋ جاسا. ساتتىلىك، جاس تۇلەك 2022!
ارۋجان باقبەرگەن. الماتى قالاسى، حاتۋ-دىڭ 1 كۋرس ستۋدەنتى
You Might Also Like
-
قازۇۋ ەلىمىزدىڭ جەتەكشى ۋنيۆەرسيتەتى رەتىندە مەملەكەتىمىز العا قويعان الەمنىڭ ەڭ ۇزدىك 200 ۋنيۆەرسيتەتىنىڭ ساناتىنا ەنۋ بويىنشا ماڭىزدى مەملەكەتتىك مىندەتتى جۇزەگە اسىرۋ ءۇشىن ماقساتتى تۇردە جۇ...
