بىرەر ءسوز..

سوڭعى جاڭارتۋ

(وزگەرتىلگەن ۋاقىتى 4 كۇن بۇرىن)

21 قاز. 2019 00:00
174

بىرەر ءسوز..

تۋعان جەر-تۇڭعان شەجىرە

"تۋعان ەلدىڭ ءتۇتىنى كۇيەسىز" دەيدى عوي؟
استە، سۇڭقار دا قياسىن،تورعاي دا ۇياسىن اڭسايتىنى بەلگىلى عوي. سەبەبى سول تابيعاتتىڭ زاڭى وسى. عۇمىر-داريامىزدا ولشەۋسىز تولقىنى تەربەلگەن تۋعان جەر جايلى الىستا تۇرىپ-اق جازارىم جەتەرلىك..ايتارىم كوپ-تى. سەنسەڭىز دە، سەنبەسەڭىز دە مەنىڭ وسكەن جەرىم جۇماق مەكەن. جو-جوق، ءبارى ايتاتىن "جۇماققا" ەمەس مەنىڭ "جۇماعىما" تورلەتىڭىز ەندەشە.!
تۋعان جەر-ادام تابيعاتىنىڭ تىنىسى. مەنىڭ بالالىق شاعىمنىڭ جۇماعىنا اينالعان بۇل مەكەننىڭ اۋاسى تۇگىل شاڭىنان جۇپار اڭقيدى. شۋىلىندا ءبىر جانعا جايلى تىنىشتىق بار. ال،كۇزدەگى ەسكەن سامالىنان ءبىر سىردى ۇزۋعا ءتيىسسىڭ! تەرەزە بويىنداعى تال-تەرەكتەن،
شاشىلعان جاپىراق بەتىنەن شابىت الۋعا ءماجبۇرسىڭ! مال-جاننىڭ، قۇس تىرشىلىكتىڭ، تاۋ-تاستىڭ، قۇبىلعان اۋا-رايىنىڭ ءبىر كۇندىك ىشكى داۋىسىنان حابارىڭىز بولار ما؟ انگە بالادىم ءوز باسىم.تۇنىپ تۇرعان تابيعاتتىڭ تالانتى.ءتىپتى ءبىر شىعارما دەرسىز! اۆتور تابيعات سەكىلدى. ەرىكسىز،سەبەپسىز ەلىڭە دەگەن الاي-دۇلەي بەلگىسىز سەزىمدەرىڭ قالامىڭا تۇساۋلانباي، جۇرەگىڭە ۇستەمدىك ەتپەي تۇرمايدى-اۋ،ءسىرا! قاناتتى كەڭگە، قيالدى شىڭعا اپاراتىن بۇل سەزىمنىڭ رۋحى بيىك قاشان دا.. بۇل ماحاببات-ۋاقىتپەن ساناسپايدى. قارتايمايدى نە جاسارمايدى. بارىنەن تاۋەلسىز! ال از عانا جاقسىلىق ءۇشىن "جاعالارى جايلاۋ"، "كوڭىلدەرى كول-كوسىر" ادامدارىن ايتساڭشى. مۇندا ءسىز مەيىرىم مەكەنىنە ماڭگىگە قونىس ىزدەگەندەردى تاباسىز. قازاقتا بار مىنەزدىلىكتىڭ قاراپايىم ۇشقىنىن كورەسىز.تابيعاتتىڭ ۇيلەسىم تاپقان توپىراققا نە تاسقا تۇسپەس تىلسىمىنان سىر شەرتەرسىز.تۋعان جەرىڭە دەگەن مۇنداي "كوكسوققانىڭ" بۇققان سايىن ىشىڭدە قالاي "اھ" ۇرادى دەسەڭشى! شىبىن جانىڭ قالاي-قالاي شىرىلدايدى! مەندەگى ارمان اتاۋلىنىڭ ءبارى دە وسى شاعىن جەردەن باستالماق. "تاۋەلسىزدىگى تۇراقتالعان بۇل ەلگە ءتىرى بولساق قىزمەت ەتپەي قويمايىق." جان-جاعىنا نۇر شاشىپ وتكەن مۇنداي ومىردەن ارداقتىسى نە بولسىن..

گۇلنۇر قوقان