ءبىلىم ءمينيسترى وقۋشىلاردىڭ ەدەن جۋۋىنا قاتىستى پىكىر ءبىلدىردى
بۇگىن ۇكىمەت وتىرىسىنان كەيىن ق ر ءبىلىم جانە عىلىم ءمينيسترى اسحات ايماعامبەتوۆ مەكتەپتە وقۋشىلاردىڭ سىنىپ ەدەنىن جۋۋى باستاماسىنا قاتىستى پىكىر ءبىلدىردى.
«ەڭ الدىمەن مۇنداي ماسەلە ءبىلىم جانە عىلىم مينيسترلىگىنىڭ كۇن تارتبىندە تۇرعان جوق. ەكىنشىدەن، بۇگىنگى كۇنى ەل اۋقىمىندا جۇزەگە اسىرىلمايدى. ۇشىنشىدەن، مەكتەپ بيۋدجەتىندە ءتيىستى قاراجات پەن اكىمشىلىك-تەحنيكالىق قىزمەتكەر شتاتى قاراستىرىلعان. تورتىنشىدەن، مۇنداي جۇمىستارعا وقۋشىلاردىڭ باستاماسىمەن جانە اتا-انالاردىڭ كەلىسىمىمەن عانا رۇقسات ەتىلەدى»، - دەدى مينيستر ب ا ق وكىلدەرىنە.
ونىڭ اتاپ وتۋىنشە، قازاقستاندا ءماجبۇرلى جۇمىسقا ءتيىستى ورگاندار عانا تارتا الادى.
«ارينە، ەڭبەككە باۋلۋ مەكتەپتەگى وقۋ-تاربيە جۇمىسىنىڭ وتە ماڭىزدى بولىگى ەكەندىگى ءسوزسىز. مەكتەپ تە، وتباسى دا ەڭبەككە باۋلۋى ءتيىس. سوندىقتان مۇنداي جۇمىس جۇرگىزىلەدى جانە مەكتەپتەردە ءتۇرلى شارالار ارقىلى جۇزەگە اسىرىلادى. وسى شارالار ارقىلى عانا بىردەن ەڭبەككە دەگەن سۇيىسپەنشىلىك وياتۋعا بولادى دەپ ويلاۋ ءجون ەمەس. دەگەنمەن، بۇل دا ماڭىزدى ماسەلە»، - دەدى ول.
اسحات ايماعامبەتوۆتىڭ اتاپ وتۋىنشە، اتا-انالار ۇيلەرىندە بالالارىنا ىدىس-اياق، ەدەن جۋعىزۋ، ءۇي جيناۋ سىندى جۇمىستارعا ارالاستىرىپ وتىرۋى قاجەت.
«بۇل بالالاردى كىشكەنتاي كەزىنەن تاربيەلەۋدىڭ قاراپايىم عانا دۇنيەسى. تولىقتاي العاندا، وتە دۇرىس ماسەلە كوتەرىلىپ وتىر دەپ ەسەپتەيمىز. دەگەنمەن، ونى ناۋقانشىلدىققا اينالدىرىپ جىبەرمەۋ كەرەك. بۇل رەتتە اتا-انالار مەن بالالاردىڭ باستاماسى بولۋى ءتيىس»، - دەدى ول.
You Might Also Like
-
وتكەن زاماندا ءادبىلحاميت دەگەن پاتشانىڭ ۋاقىتىندا ءبىر ادام ەكىنشى ءبىر ادامنان جەر ساتىپ الىپتى. الگى جەر ساتىپ العان ادام جەرىن ايداپ جاتسا، ايداعان جەرىنەن ءبىر قۇمىرا التىن تاۋىپ الىپتى. جەر ساتىپ...
-
اۋەستىك، يننوۆاسيا جانە سيقىر تۋرالى...
