ءبىلىم ءمينيسترى: ساپاسىز جوعارى وقۋ ورىندارىن جابۋ جۇمىسىن ارى قاراي جالعاستىرامىز
كادرلاردى دايارلاۋعا ارنالعان گرانتتار سۇرانىسقا يە باعىتتارعا عانا بولىنەدى. بۇل تۋرالى ۇكىمەت وتىرىسىندا ق ر ءبىلىم جانە عىلىم ءمينيسترى اسحات ايماعامبەتوۆ ايتتى.
«جوعارى ءبىلىم بەرۋدە كادرلاردى دايارلاۋعا ارنالعان گرانتتار سۇرانىسقا يە باعىتتارعا عانا ءبولىنىپ، كاسىپتىك باعدارلاۋ جۇمىسى كۇشەيتىلەدى. كاسىپتىك ستاندارتتار مەن اتلاس نەگىزىندە جاڭا باعدارلامالاردى ازىرلەپ ەنگىزەمىز»، — دەدى اسحات ايماعامبەتوۆ.
ونىڭ اتاپ وتۋىنشە، جوعارى ءبىلىمنىڭ ساپاسىن ارتتىرۋ ءۇشىن پەداگوگتاردى، دارىگەرلەردى، زاڭگەرلەر مەن ساۋلەتشىلەردى دايارلايتىن ۋنيۆەرسيتەتتەرگە ەرەكشە بىلىكتىلىك تالاپتارى ەنگىزىلەدى.
«بۇعان قوسا اكادەميالىق ادالدىقتى بۇزعانى جانە سىبايلاس جەمقورلىق قۇقىق بۇزۋشىلىقتارى ءۇشىن ليسەنزيادان ايىرۋعا دەيىنگى جاۋاپكەرشىلىكتى نورماتيۆتىك-قۇقىقتارعا بەكىتۋگە دايىندادىق.سونداي-اق مەملەكەتتىك باقىلاۋ جونىندەگى زاڭناماعا ليسەنزيالاۋ جانە تەكسەرۋ ءتارتىبىن وزگەرتۋ، ليسەنزيالاردى قايتارىپ الۋ ءراسىمى بويىنشا نورمالارعا وزگەرىستەر ەنگىزەمىز. ساپاسىز جوعارى وقۋ ورىندارىن جابۋ جۇمىسىن ارى قاراي جالعاستىرامىز»، — دەدى مينيستر.
You Might Also Like
-
مەن كىشكەنتاي كەزىمدە وڭ اياعىم قايسى، سول اياعىم قايسى — اجىراتا الماۋشى ەدىم. وڭ اياقتىڭ، سول اياقتىڭ وزدەرىن ەمەس. ەتىكتى. ەتىكتىڭ قاي سىڭارى قاي اياققا كەلەتىنىن ايىرا بىلمەيمىن. الدىمەن ءبىر ا...
-
وتباسى قوعامنىڭ ءبىر بولشەگى، ال وتباسىنىڭ التىن قازىعى-ايەل ادام.ۇلتىمىزدىڭ اداسپاي، ۇلت بولىپ قالۋى، قوعامنىڭ العا قاراي جىلجۋى، وركەندەپ-وسۋى سوڭىندا كەلىپ ايەلگە، بولاشاقتا انا بولار قىزداردىڭ ق...
