InfoHub Logo

2020/2021 وقۋ جىلىنىڭ باسىنا قازاقستان رەسپۋبليكاسىندا فيليالدارىن قوسا العاندا 129 جوعارى وقۋ ورنى جۇمىس ىستەيدى. 33 جوو — مەملەكەتتىك، 92ء-سى — جەكەمەنشىك، 4-ەۋى — شەتەلدىك مەنشىك نىسانى.

ق ر ستاراتەگيالىق جوسپارلاۋ جانە رەفورمالار اگەنتتىگى ۇلتتىق ستاتيستيكا بيۋروسىنىڭ اقپاراتىنا سايكەس، جوو-لارداعى ستۋدەنتتەردىڭ جالپى سانى 576 557ء-نى قۇرايدى. ولاردىڭ ىشىندە قىزداردىڭ سانى - 306 799 نەمەسە 53،2%.

بيىلعى وقۋ جىلىندا ستۋدەنتتەردىڭ سانى وتكەن وقۋ جىلىمەن سالىستىرعاندا 4،6% تومەندەگەن. بارلىعى وقۋعا 152 789 ادام قابىلداندى. 115 186 ادام ءتۇرلى سەبەپپەن وقىتۋ مەرزىمى اياقتالعانعا دەيىن جوو-دان شىعارىلعان، بىتىرگەندەر سانى — 153 627.

ستۋدەنتتەردىڭ جالپى سانىنان 83% كۇندىزگى بولىمدە وقيدى، 7،6% — قاشىقتان، 7،3% — سىرتتاي جانە 2% — كەشكى.

مەملەكەتتىك ءبىلىم بەرۋ گرانتتارىنىڭ ەسەبىنەن 196 084 ادام ءبىلىم الۋدا، بۇل ستۋدەنتتەردىڭ جالپى سانىنىڭ 34% قۇرايدى، اقىلى نەگىزدە — 380 473 ادام نەمەسە 66% وقيدى.

مەملەكەتتىك تىلدە وقيتىن ستۋدەنتتەردىڭ ۇلەسى - 64،9%، ورىس تىلىندە - 29،6% جانە اعىلشىن تىلىندە 5،5% قۇرادى.

بىتىرگەن بىلىكتى ماماندار 153 627 ادامدى قۇرادى، بۇل 2019/2020 وقۋ جىلىمەن سالىستىرعاندا 8% (142435 ادام) ارتتى.

شتاتتاعى پروفەسسورلىق-وقىتۋشىلىق قۇرامنىڭ سانى 36 307 ادامدى قۇرايدى، سونىڭ ىشىندە قوسا اتقارۋشىلىقپەن 6137 وقىتۋشى جۇمىس ىستەيدى. جالپى پروفەسسورلىق-وقىتۋشىلىق قۇرامنان 8،1% قىزمەتكەرلەردىڭ عىلىم دوكتورى عىلىمي دارەجەسى بار، عىلىم كانديداتى — 31،7%، پروفەسسور اتاعى — 6،3% جانە دوسەنت — 14،7%. ماگيستر اكادەميالىق دارەجەسى بار وقىتۋشىلاردىڭ سانى — 13067 ادام نەمەسە 36%، فيلوسوفيا دوكتورى (PhD) جانە بەيىن بويىنشا دوكتور — 3079 ادام نەمەسە 8،5%.

---