ءبىلىم مينيسترلىگى جەكە ۇلگىدەگى ديپلوم بەرۋدىڭ ارتىقشىلىعىن اتادى
2021 جىلدان باستاپ جوعارى وقۋ ورىندارى جەكە ۇلگىدەگى ديپلومدار بەرەدى.
ق ر ءبىلىم جانە عىلىم مينيسترلىگىنىڭ Telegram كانالىندا جاريالانعان اقپاراتقا سايكەس، جەكە ۇلگىدەگى ديپلومدار جۇمىس بەرۋشىلەرگە مامان دايارلاۋ ساپاسىن باعالاۋعا مۇمكىندىك بەرەدى. ديپلومداردا جوعارى وقۋ ورنى، ءبىلىم بەرۋ باعدارلاماسىنىڭ اتاۋى، ءبىتىرۋشىنىڭ دەرەكتەرى، وقىتۋ نىسانى كورسەتىلۋى ءتيىس. بەرىلگەن ديپلومعا دەربەس جاۋاپتى بولاتىن رەكتوردىڭ قولى بولۋعا مىندەتتى. ءار ديپلومدا بعم جاساعان بىرەگەي سايكەستەندىرۋ ءنومىرى بولادى.
«ءبىلىم تۋرالى» زاڭعا سايكەس ءار ديپلومدا قورعانىس بەلگىلەرى بولۋى كەرەك. جوعارى وقۋ ورنىنىڭ وسى وقۋ ورنىندا وقىماعان، ءبىلىم بەرۋ باعدارلاماسىن اياقتاماعان ادامعا ديپلوم بەرۋى ليسەنزيادان ايىرۋ جانە اككرەديتتەۋدى كەرى قايتارىپ الۋ ءۇشىن نەگىز بولادى. جەكە ۇلگىدەگى ديپلومداردى قولدان جاساۋ رەسمي قۇجاتتاردى قولدان جاساۋ بولىپ سانالادى. مۇنداي ارەكەت ءۇشىن قىلمىستىق كودەكستىڭ 385-بابى بويىنشا جاۋاپكەرشىلىك كوزدەلگەن»، — دەپ اتاپ وتەدى مينيسترلىكتەن.
You Might Also Like
-
قازاقتىڭ ۇلتتىق كيىمى - قازاق مادەنيەتىنىڭ اجىراماس بولىگى. بۇرىنعى زاماندا اتا-بابالارىمىز ۇلتتىق كيىم ارقىلى جانىنداعى ادامداردىڭ مارتەبەسىن، داۋلەتىن، ءتىپتى شامامەن جاسىن دا اڭعارا العان. قازاق ...
-
مەكتەپ باعدارلاماسىنا «ادالدىق الىپپەسى» ەنگىزىلۋى مۇمكىن. بۇل تۋرالى ق ر سىبايلاس جەمقورلىققا قارسى ءىس-قيمىل اگەنتتىگىنىڭ ءتوراعاسى اليك شپەكبايەۆ ايتتى.
