2021 جىل تاۋەلسىزدىكتىڭ 30 جىلدىعى
قازاقستان پرەزيدەنتى قاسىم-جومارت توقايەۆ 2021 جىلدى تاۋەلسىزدىكتىڭ 30 جىلدىعى رەتىندە جاريالادى.
«ۇلتتىق قوعامدىق سەنىم كەڭەسىنىڭ IV وتىرىسىندا 2021 جىلدى تاۋەلسىزدىكتىڭ 30 جىلدىعى دەپ جاريالاۋ تۋرالى شەشىمىمدى ايتتىم. بۇل وتكەن جولىمىزدى زەردەلەۋگە جاقسى مۇمكىندىك. مەرەيتوي ساياسي-ەكونوميكالىق رەفورمالار، سيفرلاندىرۋ، بالالار مەن مۇگەدەكتەردىڭ قۇقىعىن قورعاۋ، ەكولوگيا ماسەلەسىن شەشۋ اياسىندا وتەدى»، - دەپ جازدى قاسىم-جومارت توقايەۆ.
تاۋەلسىزدىك – كەز كەلگەن حالىقتىڭ ەڭ ۇلكەن قۇندىلىعى. ويتكەنى تاۋەلسىزدىك جوق جەردە ەركىن دامۋ مۇمكىن ەمەس. تاۋەلسىزدىكتى قادىرلەۋ، ونى باعالاي ءبىلۋ، ساقتاي ءبىلۋ – بارشامىزدىڭ باستى پارىزىمىز. بىلتىر تاۋەلسىزدىك كۇنىن اۋىر جاعدايدا قارسى الدىق. كوروناۆيرۋس ىندەتى بىزگە عانا ەمەس، بۇكىل ادامزاتقا ۇلكەن شىعىن اكەلدى. دەگەنمەن پاندەميا كەزىندەگى قيىندىقتارعا قاراماستان ەل قامباسى استىققا تولدى. جاڭا جولدار سالىندى، تۇرعىن ۇيلەر مەن ينفراقۇرىلىمدىق نىساندار بوي كوتەردى. ءبىر سوزبەن ايتقاندا، تىرشىلىك توقتاپ قالعان جوق. ءومىر ءوز اعىسىمەن جالعاسىپ جاتىر. بيىل ديقاندارىمىز 20 ميلليون توننا بيداي جينادى. بۇل ىشكى سۇرانىستى قامتاماسىز ەتۋگە، سونداي-اق شەتەلگە ەكسپورتتاۋعا دا جەتەدى. 10 ميلليون شارشى مەتردەن استام تۇرعىن ءۇي سالىندى. 2600 شاقىرىم تاس جول پايدالانۋعا بەرىلدى. ەلىمىزدىڭ 10 ميلليونعا جۋىق تۇرعىنى كوگىلدىر وتىنعا قول جەتكىزدى. سيفرلاندىرۋ بارىسىندا جۇزدەگەن اۋىل ينتەرنەتكە قوسىلدى.
پرەزيدەنت تاۋەلسىزدىكتىڭ 30 جىلدىعىن مەرەكەلەۋگە دايىندىق جونىندەگى مەملەكەتتىك كوميسسيانى قۇرۋ تۋرالى جارلىققا قول قويدى. كوميسسيا قۇرامى بەلگىلى مەملەكەتتىك جانە قوعام قايراتكەرلەرى، ساياسي پارتيالار مەن ۇكىمەتتىك ەمەس سەكتور وكىلدەرىنەن تۇرادى. مەملەكەتتىك كوميسسيا ءتوراعاسى – ەل پرەزيدەنتى. تاۋەلسىزدىڭ كۇنىنە ارنالعان مەملەكەتتىك ناگرادالار مەن سىيلىقتار تاپسىرۋعا ارنالعان سالتاناتتى راسىمدە:
«ءبىز قاستەرلى تاۋەلسىزدىكتىڭ وتىز جىلدىعىنا قادام باسامىز. بۇل – بارشامىزعا ورتاق ونەگەلى ولشەم، تاعىلىمدى كەزەڭ. جاڭا مەملەكەت قۇرۋعا اتسالىسقان بۇكىل حالقىمىزدىڭ ەرەن ەڭبەگىنىڭ تاريحي شەجىرەسى. سوندىقتان، مەن كەلەسى جىلدى «تاۋەلسىزدىكتىڭ 30 جىلدىعى» دەپ جاريالادىم. وتكەن ءاربىر ون جىلدىق اتقارعان ميسسياسى تۇرعىسىنان عاسىردىڭ جۇگىن ارقالاپ تۇر.العاشقى ون جىلدىق ەگەمەن قازاقستاننىڭ ءوز دەربەستىگىن قالىپتاستىرۋ كەزەڭى بولدى. ەكىنشى ون جىلدىقتا ەلىمىز تۇعىرىن نىقتاپ، كەرەگەسىن كەڭەيتىپ، ىرگەسىن بەكىتتى. ءۇشىنشى ون جىلدىقتا مەملەكەتىمىز شىن مانىندە كەمەلىنە كەلىپ، الەمدىك ساياساتتىڭ تورىنە وزدى. الداعى ءتورتىنشى ون جىلدىقتا ءبىزدى جاڭا مىندەتتەر كۇتىپ تۇر.»-دەدى قاسىم-جومارت توقايەۆ
ۋ.م.دجولدىبايەۆا ءال-فارابي اتىنداعى ءقازۇۋ-نىڭ قازاقستان تاريحى كافەدراسىنىڭ دوسەنتى
ەركەنوۆا ا.ك. ءال-فارابي اتىنداعى ءقازۇۋ-نىڭ شىعىستانۋ فاكۋلتەتىنىڭ 1 كۋرس ستۋدەنتى
You Might Also Like
-
مەنىڭ ويىمشا، ءبىز حالىق جانە جەكە مەملەكەت بولۋى سەبەپتەرىنىڭ ءبىرى، بۇل ءبىزدىڭ تاريحىمىزدى، ءتىلىمىزدى، داستۇرلەرىمىزدى ەجەلگى زاماننان بەرى اتا-بابالارىمىزدان مۇرا رەتىندە ساقتاپ كەلە جاتقانىمىزعا ...
