مەكتەپ باعدارلاماسىنا «ادالدىق الىپپەسى» دەگەن ءپان ەنگىزىلۋى مۇمكىن
مەكتەپ باعدارلاماسىنا «ادالدىق الىپپەسى» ەنگىزىلۋى مۇمكىن. بۇل تۋرالى ق ر سىبايلاس جەمقورلىققا قارسى ءىس-قيمىل اگەنتتىگىنىڭ ءتوراعاسى اليك شپەكبايەۆ ايتتى.
«پاراساتتىلىق يدەولوگياسىن ناسيحاتتاۋدا ۇزدىكسىز كەشەندى ءبىلىم بەرۋ ماڭىزدى. ءبىز قازىرگى تاڭدا ءبىلىم مينيسترلىگىمەن نەگىزگى مەكتەپ پاندەرىنىڭ باعدارلاماسىنا پاراساتتىلىق يدەولوگياسىن ەنگىزۋدى پىسىقتادىق. وسى رەتتە «ەگەمەن قازاقستان» رەسپۋبليكالىق گازەتىنىڭ باسقارما ءتوراعاسى، اگەنتتىكتىڭ قوعامدىق كەڭەسىنىڭ مۇشەسى دارحان ءقىدىرالىنىڭ «ادالدىق الىپپەسىن» ازىرلەۋ تۋرالى باستاماسى نازار اۋدارۋعا تۇرارلىق. «تاربيە تال بەسىكتەن باستالادى» دەگەندەي، بۇل قادام بالالاردى ەرتە جاستان ادال ءومىر سۇرۋگە باۋلۋعا ىقپال ەتەدى»، — دەدى اليك شپەكبايەۆ اگەنتتىكتىڭ القا وتىرىسىندا.
سونىمەن قاتار ول ازاماتتاردى مەملەكەتتىك ورگانداردىڭ قىزمەتىنە تارتۋ ينستيتۋتتارى مەن تەتىكتەرىن نىعايتۋ ماڭىزدى مىندەت ەكەندىگىن باسا ايتتى.
«اگەنتتىكتە قوعام وكىلدەرى بارلىق اپپاراتتىق كەڭەستەرگە، كادرلىق جانە مەملەكەتتىك ساتىپ الۋ بويىنشا كوميسسيالارعا قاتىسادى، بۇل ءبىزدىڭ قىزمەتىمىزدىڭ اشىقتىعى مەن ايقىندىعىنىڭ جوعارى دەڭگەيىن كورسەتەدى. بۇل بارلىق مەملەكەتتىك اپپاراتقا ءتان بولۋى كەرەك. مەملەكەت باسشىسى ايتقانداي، ازاماتتار — ءبىزدىڭ باستى تۇتىنۋشىلارىمىز، سوندىقتان ءبىز قىزمەتىمىزدى قوعامنان جاسىرماۋىمىز كەرەك. سونىمەن قاتار، مەملەكەتتىك مەكەمەلەردىڭ تاجىريبەسىنە الەۋمەتتىك جەلىلەردى پايدالانا وتىرىپ، كونكۋرستىق كادر كوميسسيالارىنىڭ ونلاين-ترانسلياسياسىن ەنگىزۋ ۇسىنىلادى»، — دەدى ول.
You Might Also Like
-
2021 جىلدان باستاپ جوعارى وقۋ ورىندارى جەكە ۇلگىدەگى ديپلومدار بەرەدى.
