ءبىلىم مينيسترلىگى قوتارىپ العان جوباسى ارقىلى كىمدى الداعىسى كەلەدى؟
ق ر ءبىلىم جانە عىلىم ءمينيسترى ەرلان ساعادييەۆتىڭ 2016 جىلعى 29 تامىز كۇنگى بۇيرىعىمەن ەلىمىزدەگى بارلىق مەكتەپتەردە ارنايى «كۇندەلىك» جوباسىنىڭ پيلوتتىق نۇسقاسى دايىندالۋى كەرەك بولعان. ءبىر قىزىعى بۇكىل ەلىمىزدەگى مەكتەپتەردىڭ بارلىعىن قامتيتىن جوبا نە بارى ءۇش كۇننىڭ ىشىندە 2016 جىلدىڭ 1 قىركۇيەگىنە دەيىن دايىن بولۋى كەرەك ەدى.
العاشقى نۇسقاسى اپتاعا جەتپەيتىن ۋاقىتتىڭ ىشىندە دايىن بولعان جوباعا سول كەزدە قارجى دا بولىنگەن ەكەن.
دەگەنمەن وسىنشا از ۋاقىتتىڭ ىشىندە دايىن بولعان «كۇندەلىكتىڭ» قايدان كەلگەنى كوپ ۇزاماي-اق اشىلىپ قالدى.
«باقسام باقا ەكەن» دەمەكشى ءمينيستردىڭ تاپسىرماسىن دەر كەزىندە ورىنداۋعا تىرىسقان جاندايشاپتار رەسەيلىك «دنيەۆنيك» سايتىن ايناقاتەسىز، سوزبە ءسوز قوتارىپ الادى. بۇل تۋرالى تانىمال بلوگەر، ءارى ۇستاز اياتجان احمەتجان ءوزىنىڭ الەۋمەتتىك جەلىدەگى پاراقشاسىندا جازدى.
«جىلايىن با، كۇلەيىن بە؟ ءبىزدىڭ مينيسترلىك ءبىر مەملەكەتتە ەسى دۇرىس ءبىر سايت جاسايتىن ءبىر ادام جوق دەپ ويلايتىن سەكىلدى شە؟
سوندا دەيمىن دە مەملەكەتتەن نەشە ميلليارد تەڭگە بولىنگەن جوبانى تۋرا رەسەيدىڭ جوباسىن قازاقشاعا اينالدىرىپ كوشىرە سالۋ ۇيات ەمەس پە؟ قىلمىس ەمەس پە؟
ايتارعا ءسوزىم جوق، ەلەكتروندى جۋرنالعا، كۇندەلىككە وتەمىز دەپ جىل بويى جىر قىلعاندا تەك بىرەۋدىكىن كوشىرە سالۋ عانا قولدان كەلدى مە؟
نەگىزى ءسوزىم جوق... ايتۋدىڭ ءوزى ۇيات...
ءتىپتى بۇكىل مينيسترلىكتە وزىنشە ويلاي الاتىن، كوشىرمەگە اينالدىرمايىق دەيتىن ءبىر ادام جوق پا؟
سەنبەسەڭدەر مىنا ەكى سىلتەمەنى سالىستىرىڭدارشى...
بىزدىكى: https://kundelik.kz/
رەسەيدىكى: https://dnevnik.ru/
قايران ەلدىڭ ەسىل قازىناسى....
ەگەر دايار شابلونعا كوشىرۋگە ميللياردتاپ اقشا بولسە، مەنىڭ دە قولىمنان كەلەدى» - دەيدى اياتجان احمەتجان.
اياتجاننىڭ الەۋمەتتىك جەلىدەگى جازباسىنا پىكىر جازعاندار مينيسترلىكتىڭ بۇل جوبانى قوتارىپ الۋمەن قويماي دۇرىس جۇمىس ىستەمەيتىندىگىن دە العا تارتادى. "وسى كۇندەلىكتە ءبىر انا ءبىر بالانىڭ عانا اناسى بولىپ كورسەتىلەدى. ەكىنشى بالاعا اكەسى، ءۇشىنشىسى اتا نەمەسە اپاسى ت.ب. ال بەس بالاسى بارلارعا تۋىستارىن ىزدەپ وتىراسىڭ سول» - پىكىر قالدىرىپتى الەۋمەتتىك جەلى قولدانۋشىسى.
سونىمەن قاتار تاعى ءبىر ازامات «تاعى ءبىر قىزىق جەرى، رەسەيدەگى «دنيەۆنيك» جوباسى سانكت-پەتەربۋرگتا جاسالعان كوممەرسيالىق جوبا - رف مينيسترلىگىنە مۇلدەم قاتىسى جوق، ەشقانداي مەملەكەتتىك ەمەس رەسۋرس. ال بىزدىكىلەر بۇل جوبانى مەملەكەتتىك جوبا رەتىندە ءبىلىم جۇيەسىنە ەنگىزگىسى كەلەدى.
ول دەگەنى - مەملەكەتتىك ءبىلىم ساياساتى، ءبىلىم بازاسى مەن دەرەكتەرى ۋاقىتتىڭ وتۋىمەن شەتەلدىك كوممەرسيالىق كومپانيانىڭ مەنشىگىنىڭ قولاستىندا بولادى دەگەن ءسوز» - دەپ ءوز ويىن جازىپتى.
قالاي دەگەنمەن دە قىرۋار قارجى ءبولىپ، ەل يگىلىگى ءۇشىن قولعا العان جوبانىڭ ءوزىمىزدىڭ ۇلتتىق ەرەكشەلىگىمىزگە، مەملەكەتتىك ۇستانىمىمىزعا ساي بولعانىنا نە جەتسىن. وزگەنىڭ قاڭسىعى، بىزگە تاڭسىق بولعاننان ۇتارىمىز نە؟
ال وسى جوبا قولعا الىناتىن بولسا، ەلىمىزدەگى مەكتەپتەردىڭ جەكەلەگەن سايتتارى جابىلىپ قالۋى مۇمكىن، ءتىپتى قازىردەن ءبىلىم سالاسىنداعى وزگە سايتتارعا، وزگە جوبالارعا جۇمىس ىستەۋگە مۇمكىندىك بەرىلمەي جاتىر دەگەن پىكىرلەر دە ايتىلعان ەكەن.
دەرەككوز: baq.kz
You Might Also Like
-
وقۋشىنى ۇرعان ۇستاز باس بوستاندىعىنان ايرىلۋى مۇمكىن. الماتى وبلىسىندا 20 جىلدان ارتىق ەڭبەك ءوتىلى بار حيميا ءپانىنىڭ ءمۇعالىمى شاكىرتىن جەلكەلەيمىن دەپ ءىستى بولىپ جاتىر دەپ حابارلايدى كتك ارناسى.
-
كوپ جاعدايدا ءوزىمىز ۇعىنا بەرمەيتىن قاتەلىكتەرگە بىرەۋلەردى كىنالاپ جاتامىز. وسى ادەتتەن ارىلتۋعا كومەكتەسەتىن وڭاي جول بار.
