قازاق ءتىلىن ۇيرەنگىسى كەلەتىن قىتايلىقتاردىڭ لەگى قالىڭ
جۇڭگو ستۋدەنتتەرىنىڭ كوپشىلىگى قازاق ءتىلىن ۇيرەنگىسى كەلەدى. بۇل تۋرالى بۇگىن «ۇلى جىبەك جولىندا بىرگە» بايقاۋىنىڭ جەڭىمپازدارىن ماراپاتتاۋ اياسىندا ب ا ق وكىلدەرىنە سۇحبات بەرگەن قىتايدىڭ قازاقستانداعى توتەنشە جانە وكىلەتتى ەلشىسى چجان حانحۋەي ءمالىم ەتتى.
«مەن قازاق ءتىلىن ۇيرەنگىم كەلەدى. ءبىراق، ءتىل مەڭگەرۋدە قابىلەتىم تومەن بولىپ تۇر. قازاق ءتىلىن ۇيرەنۋدى ءالى باستاعان جوقپىن. ءبىراق الداعى ۋاقىتتا قولعا الاتىن بولامىن»، - دەدى ب ا ق وكىلدەرىنىڭ ساۋالىنا وراي.
جۇڭگو ەلشىسى ورىس ءتىلىن ۇزاق ۋاقىت وقۋدىڭ ارقاسىندا مەڭگەرگەندىگىن باسا ايتتى.
«قازاق ءتىلى قىتايدىڭ جوعارى وقۋ ورىندارىندا وقىتىلادى. ءبىز ءقازىردىڭ وزىندە ونداي مىندەتتى جوعارى ءبىلىم بەرۋ سالاسىنا قوستىق. قىتايدا قازاقستاندى زەردەلەۋمەن اينالىساتىن ءبىرقاتار ورتالىقتار بار ءارى قازاق ءتىلىن ۇيرەنگىسى كەلەتىندەردىڭ دە لەگى قالىڭ. شانحايدا جانە باسقا دا قالالاردا بار. قىتايعا جولدارىڭىز ءتۇسىپ جاتسا بارىپ، ءوز كوزدەرىڭىزبەن دە كورە الاسىزدار. وندا قازاق تىلىنە قىزىعۋشىلىق تانىتاتىن ستۋدەنتتەر وتە كوپ. ءبىزدىڭ قارىم-قاتىناسىمىزدىڭ تۇراقتىلىعى ءۇشىن بۇل قاجەت. مەنىڭشە، جۇڭگو تاراپىنا، بىزگە قازاق ءتىلى ماماندارى وتە كوپ كەرەك»، - دەدى حانحۋەي.
You Might Also Like
-
جاقىن ارادا ستۋدەنتتەردىڭ قىسقى دەمالىستان كەيىنگى وقۋ ماۋسىمى باستالادى. جاڭا زاڭناماعا سايكەس، وسى ساناتتاعى ازاماتتار دا ۋاقىتشا تىركەۋگە تۇرۋى قاجەت.
