InfoHub Logo

ءال-فارابي اتىنداعى قازاق ۇلتتىق ۋنيۆەرسيتەتى ەلىمىزدىڭ ەڭ تانىمال، ءبىلىمى جوعارى، ءارى ەڭ كونە ۋنيۆەرسيتەتتەرىنىڭ ءبىرى ەكەنىن ءبارىمىز بىلەمىز. QS World University 2021 بويىنشا قازۇۋ الەمنىڭ ەڭ مىقتى 200 ۋنيۆەرسيتەتىنىڭ قاتارىنا ەنگەن العاشقى قازاقستاندىق جوعارى وقۋ ورنى بولدى. بۇل تەك ءبىلىم ورداسى ءۇشىن عانا ەمەس، سونىمەن قاتار قازاقستان ءۇشىن دە ۇلكەن جەتىستىك.

قازاق ۇلتتىق ۋنيۆەرسيتەتى فيلوسوفيا جانە ساياساتتانۋ فاكۋلتەتى ءار ايماقتىڭ ستۋدەنتتەرىن، ماگيسترانتتار مەن دوكتورانتتاردى بايلانىستىرىپ قانا قويماي، شەتەلدەن كەلگەن، اتاپ ايتقاندا اۋعانستان، جۇڭگو حالىق رەسپۋبليكاسى، تۇركمەنستان جانە وزگە دە ەلدەردەن كەلگەن ستۋدەنتتەردى وقىتۋدا.

«جوعارى وقۋ ورنىنىڭ ۇزدىك وقىتۋشىسى 2020»  نوميناسياسىن فاكۋلتەتىمىزدىڭ بەدەلدى ءارى بىلىكتى وقىتۋشىسى، تاريح عىلىمدارىنىڭ كانديداتى راحيمبەكوۆا باقىت قۋانىشبەك قىزى جەڭىپ الدى. ال بيىل 2021 جىلى ق ر ءبىلىم جانە عىلىم مينيسترلىگى «قازاقستان رەسپۋبليكاسىنىڭ عىلىمىن دامىتۋداعى قىزمەتى ءۇشىن»  تاريح عىلىمدارىنىڭ دوكتورى، پروفەسسور حافيزوۆا ش.س.، فيلوسوفيا عىلىمدارىنىڭ دوكتورى، پروفەسسور ابديگالييەۆا گ.ك.، LLM، زاڭ عىلىمدارىنىڭ كانديداتى (حالىقارالىق قۇقىق) كاۋكەنوۆ ا.س. السا، «قازاقستان رەسپۋبليكاسى ءبىلىم بەرۋ ءىسىنىڭ قۇرمەتتى قىزمەتكەرى» اتتى ماراپاتقا الەۋمەتتانۋ عىلىمدارىنىڭ كانديداتى يلەۋوۆا گ.ت.، ساياساتتانۋ عىلىمدارىنىڭ دوكتورى مۇساتايەۆ س.ش.، جانە ساياساتتانۋ عىلىمدارىنىڭ دوكتورى، پروفەسسور ناسيموۆا گ.ءو. يە بولدى.

سونىمەن قاتار الەمگە ايگىلى كونراد ادەناۋەر اتىنداعى قوردىڭ ستيپەندياسى جىل سايىن ەڭ ۇزدىك ستۋدەنتتەرگە بەرىلەدى. 2020 جىلى بۇل قوردان 37 ستيپەنديا ءبولىنىپ، سونىڭ   4ء-ىن قازۇۋ ستۋدەنتتەرى قانجىعاسىنا بايلادى، ونىڭ 2ء-ى ستيپەندياسىن فيلوسوفيا جانە ساياساتتانۋ فاكۋلتەتىنىڭ ماگيسترانتى مەن دوكتورانتى ۇتىپ الدى. ءبىزدىڭ فاكۋلتەتتىڭ ستۋدەنتتەرى مەن جاس زەرتتەۋشىلەرى گەرمانيانىڭ فريدريح ەبەرت قورىنىڭ قولداۋىمەن كەزدەسۋلەر، ونلاين/وفلاين كونفەرەنسيالار وتكىزەدى، سونىمەن قاتار جاس عالىمدارعا قارجىلاي تا كومەك بەرىلەدى.

قازاقستان رەسپۋبليكاسىنىڭ ءبىلىم جانە عىلىم مينيسترلىگى جىل سايىن ۇيىمداستىراتىن «ستۋدەنتتەر/ماگيسترانتتاردىڭ عىلىمي-زەرتتەۋ جۇمىسى» اتتى كونكۋرسىنان  2020 جىلى ماگيسترانتىمىز 1ء-شى ورىندى يەلەندى.

 «ساياساتتانۋ» ماماندىعى بويىنشا ستۋدەنتتەردىڭ رەسپۋبليكالىق وليمپياداسى جىل سايىن ەلىمىزدىڭ ۇزدىك جوو اراسىندا وتەدى. ءبىزدىڭ فاكۋلتەتتىڭ ستۋدەنتتەرى قاتارىنان 8 رەت ءبىرىنشى ورىندى يەلەنىپ، وليمپيادا وتكىزۋ قۇقىعىنا يە بولۋدا. بۇل جەتىستىك ءبىزدىڭ فاكۋلتەتىمىزدىڭ بىردەن-بىر ماقتانىشى بولىپ تابىلادى. قازۇۋ فيلوسوفيا جانە ساياساتتانۋ فاكۋلتەتى الەمنىڭ ءتۇرلى مىقتى ۋنيۆەرسيتەتتەرى جانە زەرتتەۋ ورتالىقتارىمەن تىعىز عىلىمي ىنتىماقتاستىق بايلانىسىن قۇرىپ كەلەدى. ەرازمۋس مۋندۋس، دااد جانە وزگە دە ستيپەنديا/گرانتتاردىڭ ارقاسىندا ستۋدەنتتەرىمىز شەت ەلدىڭ ۋنيۆەرسيتەتتەرىندە ءبىلىم الۋدا. فاكۋلتەتىمىزدىڭ جەتىستىكتەرى وتە كوپ، مۇعالىمدەرىمىز دە بولاشاق باعدارلاماسى ارقىلى جىل سايىن شەتەلدە تاعىلىمدامالاردان وتەدى. قازىرگى تاڭدا open.kaznu ونلاين پلاتفورماسى بەلسەندى جۇمىس جاساپ جاتىر، پسيحولوگيادان باستاپ ساياساتتانۋ، فيلوسوفيا، الەۋمەتتانۋ، ءدىنتانۋ عىلىمدارىنا ارنالعان ءتۇرلى ونلاين كۋرستاردى تەگىن كورۋگە بولادى.

ءال-فارابي اتىنداعى قازاق ۇلتتىق ۋنيۆەرسيتەت ەلىمىزدىڭ ەڭ مىقتى ۋنيۆەرسيتەتىنىڭ ءبىرى بولسا، ساياساتتانۋ ماماندىعى ۋنيۆەرسيتەتىمىزدىڭ ەڭ مىقتى ماماندىقتارىنىڭ ءبىرى بولىپ تابىلادى. سەبەبى، مىقتى ۇستازدار مەن پروفەسسورلاردىڭ قۇرامى، ستۋدەنتتەرگە دەگەن ەرەكەشە قارىم - قاتىناس جانە ءبىلىم بەرۋدىڭ يننوۆاسيالىق ءادىس - تاسىلدەرى، ستۋدەنتتەرگە، ماگيسترانتتارعا، جاس عالىمدارعا دەگەن قولداۋ ەرەكشە. سونىمەن قاتار، كافەدرا، فاكۋلتەت جانە ۋنيۆەرسيتەتىمىزدىڭ تاعى ءبىر ەرەكشەلىگى - بۇل وتە قانىق ستۋدەنتتىك ءومىر. ءار ستۋدەنت/ماگيسترانت وزىنە قىزىقتى، ءارى جۇرەگىنە جاقىن ۇيىمدار مەن بىرلەستىكتەرگە قاتىسىپ ءوزىن تانىتا الاتىنى ءسوزسىز!

---