بىلمەيمىن
كوشەدە بالاسىن يىعىنا وتىرعىزىپ، ارقالاپ، ءبىر دوس-جار ادامنىڭ بالاسى كەلە جاتىر ەكەن. ماعان بۇرىلىپ كەلىپ سالەم بەردى.
— اكە-شەشەڭ امان با، بالام؟
— امان شىعار، بىلمەيمىن.
— بىلمەگەنىڭ قالاي؟ حابارلاسىپ تۇرمايسىڭ با؟
— اكەي مەن شەشەي تۇرعان جەردە تەلەفون جوق.
— حات جازىپ حابارلاسپايسىڭ با؟
— قول تيمەيدى. ۋاقىت جوق.
— اكە-شەشەڭە قاتىناسپاعانىڭا قانشا ۋاقىت بولدى؟
— ءۇش-تورت جىل بولىپ قالدى.
— اكە-شەشەڭ دە سەندەرگە كەلمەي مە؟
— قاتىناسقان كىسىلەردەن قوي سويىپ، بەرىپ جىبەرىپ تۇرادى.
— يىعىڭداعى بالا ءوزىڭنىڭ بالاڭ با؟
— ءوزىمنىڭ بالام.
— جولىڭ بولسىن! قايدا كەتىپ بارا جاتىرسىڭدار؟
— بالالار باقشاسىنا بارا جاتىرمىز.
— اكەڭ-شەشەڭ سەنى ءوستىپ يىعىنا سالىپ كوتەردى مە جاس كەزىڭدە؟
— كوتەرسە كوتەرگەن شىعار. ۇمىتىپ قالىپپىن، بىلمەيمىن.
— بالاڭ اتاسى مەن اجەسىن تاني ما؟
— بىلمەيمىن.
— امان-ەسەن جۇرگەنىڭە شۇكىرشىلىك ەتەمىن، قاراعىم. ساۋ بول، — دەپ مەن بۇرىلىپ ءجۇرىپ كەتتىم.
You Might Also Like
-
... باسەڭ باتىردىڭ ورتانشى ۇلى ماتىنى قۇلاق ەستيتىن، ات اياعى جەتەتىن جەردەگى ەلدەر وتە سىيلاپ، ەرەكشە قۇرمەتتەيتىن بولىپتى. بۇل اسقان بايلىقتىڭ، جومارتتىقتىڭ، شەشەندىكتىڭ، باتىرلىقتىڭ نەمەسە جوعارى...
-
اكەسى ەل-جۇرتىن شاقىرىپ توي جاساپ، تەڭىن توعىز تۇيەگە ارتىپ، قىزىن ۇزاتىپ جاتقاندا، قىزى جىلايدى.
