ءبىر باۋ ءجۇزىم
وسمان پاتشاسى قانۋني سۇلتان سۋلەيمان حان اسكەرلەرىمەن ءبىر حريستيان اۋىلىنان ءوتىپ بارا جاتىپ، جول تار بولعاندىقتان اسكەرلەرىنىڭ ءبىر بولىگىنە ءجۇزىم باقشاسىنىڭ ىشىمەن جۇرۋگە تۋرا كەلەدى.
اسكەرلەردىڭ ءبىرى ءبىر باۋ ءجۇزىم جۇلىپ الىپ ورنىنا ءبىر دوربا اقشا بايلاپ كەتەدى. پاتشا اۋىلدان شىعا بەرىستە ازداپ تىنىعىپ الۋ ءۇشىن توقتايدى. سول ساتتە اۋىلدىق حريستيان شارۋا قاستارىنا كەلەدى. قوبالجىپ تۇرعان الگى كىسى باس قولباسشىعا كەلىپ ريزاشىلىعىن بىلدىرەدى. ءبىر اسكەر ءجۇزىم باقشاسىنان العان ءبىر باۋ ءجۇزىمنىڭ ورنىنا اقشا بايلاپ كەتكەندىگىن جانە ولاردىڭ مۇنداي ادامگەرشىلىك قاسيەتتەرىنە تاڭىرقاعانىن ايتادى. الايدا باس قولباسشى بۇل حابارعا قۋانا قويمادى. اسكەرنىنەن بىرەۋىنىڭ وزگەنىڭ مۇلكىن رۇقساتسىز العانىن ءجون كورمەدى. دەرەۋ ول جاۋىنگەردى تاپقىزدى. بۇل ارادا بۇل حابار پاتشانىڭ دا قۇلاعىنا جەتكەن ەدى. پاتشا ول جاۋىنگەردى اسكەر قاتارىنان بوساتىلۋىن ءامىر ەتتى دە: «اسقازانىندا حارام ازىق بولعان جاساقپەن جەڭىس ءناسىپ بولماس» دەدى. الگى حريستيان كىسى ءجۇزىمدى الىپ ورنىنا اقشا بايلاعان جاۋىنگەرگە العىسىن بىلدىرۋگە كەلگەندىگىن، الايدا كەرىسىنشە وعان زيانى تيگەندىگىن ايتقانىندا باس قولباسشى بىلاي جاۋاپ بەرەدى: «ەگەر ول جاۋىنگەر اقشا بايلاماعانىندا، بۇل جاساقتىڭ اتى زالىمدار جاساعى بولار ەدى جانە ول جاۋىنگەر قاجەتتى جازاعا تارتىلار ەدى. ءبىراق اقشا بايلاعانى ءۇشىن تەك جاساقتان قۇتىلۋ جازاسىنا تارتىلدى».
You Might Also Like
-
Cتامبۋلدىڭ الىنۋى ءارى تۇرىك-يسلام تاريحىندا، ءارى ەۋروپا تاريحىندا ۇلكەن وزگەرىس كەزەڭى بولدى. يسلام ءدىنى كەلگەن كەزدە الەمدە ەكى ۇلكەن مەملەكەت بار ەدى. ءبىرىنشى، يران ساساني يمپەرياسى، ەكىنشىسى شىع...
-
جاس اعاشتار ەڭ كارى قاراتال اعاشىنا بالتانى شاعىمدانىپ: «مىنا بالتا ءبىزدىڭ ءناسىلىمىزدى جويىپ بىتىرەتىن بولدى» دەيدى.
