InfoHub Logo

تاكاپپارلىق – ءوزىن باسقالاردان جوعارى دەپ ساناۋ دەگەن ءسوز. حاديس شاريفتە: «تاكاپپارلىق – وزىنىكى قاتە بولسا دا مويىنداماۋ، باسقالاردى وزىنەن تومەن دەپ ساناۋ» دەلىنگەن. (ءمۇسليم)

تاكاپپارلىق – وتە جامان مىنەز، حارام بولىپ تابىلادى. تاكاپپار ادام ساليح (جاقسى) بولا المايدى. «مەن تاكاپپار ەمەسپىن» دەگەن ادام تاكاپپار. تاكاپپارلىق – اللاھۋ تا’الانى ۇمىتۋدىڭ بەلگىسى. تاكاپپارلىق بارلىق جاقسىلىقتارعا توسقاۋىل بولادى، بارلىق جاماندىقتارعا جول اشادى. تاكاپپارلىق شايتاننىڭ سيپاتى جانە ءجانناتتان قۋىلۋىنىڭ سەبەبى. كۇشتى، قۋاتتى ادام قاراپايىم، كىشىپەيىلدى بولادى، ال ءالسىز ادام تاكاپپار بولادى. تاكاپپارلىق پەن كۇپىردىڭ اراسىندا وتە جىڭىشكە پەردە بار. تاكاپپارلىقتىڭ ءبىر قادام ارعى جاعى – كۇپىرشىلىك. ءالسىز ادام نۇقساندىعىن تولىقتىرۋ ءۇشىن تاكاپپار بولادى. پاراساتتى ادامنىڭ تاكاپپارلانۋىنىڭ قاجەتى جوق. بۇكىل جاماندىقتاردىڭ باسى – تاكاپپارلىق. تاكاپپار ادام وتە اقىماق ادام. بارلىق ادام ءوزىنىڭ تاكاپپار نەمەسە تاكاپپار ەمەس ەكەنىن بىلە الادى. مىسالى، تومەندەگى ادەتتەر بار بولسا تاكاپپار بولادى:

1) ادامدارمەن اقىلداسپاۋ، سۇراق سۇراماۋ، قاتەسىن مويىنداماۋ، كەشىرىم سۇراماۋ، ەشكىمنەن دۇعا سۇراماۋ، بولماشى نارسەگە رەنجىپ اشۋلانۋ، ادامداردى جاقتىرماۋ.

2) تۋىستارىنىڭ، كەدەيلەردىڭ، جاعدايى مۇشكىلدەردىڭ حالىنەن حابار الماۋ، ولارمەن ارالاسپاۋ.

3) ۇنەمى وزىنىكىن دۇرىس دەپ ويلاۋ.

4) «مەنىڭ ايتقانىم دۇرىس» نەمەسە «مەنىڭ ايتقانىم بولادى» دەپ ءسوز تالاستىرۋ.

5) تاكاپپارلىعىن جاسىرۋ ءۇشىن كىشىپەيىل جانە ادەپتى كورىنۋگە تىرىسۋ. «ءبىز مۇنداي ىستەردى تۇسىنبەيمىز» دەگەن سياقتى سوزدەر ايتۋ.

6) ناسيحات ايتقان ادامنىڭ ءسوزىن قابىلداماۋ.

7) ادامدارعا قيىندىق تۋعىزىپ، اركىمنەن شاعىمدانۋ.

8) اركىمنەن كەمشىلىك ىزدەپ، ولاردى نادان دەپ ءبىلىپ، ءوزىن ولاردان ۇستەم كورۋ.

9) قىلت ەتسە ءوزىنىڭ جاقسى ەكەنىن ايتىپ، مانسابىن ايتىپ ماقتانۋ.

---