ءبىرالىنىڭ سوزدەن توسىلۋى
تورعاي وڭىرىندە اتاقتى جىلقىلى باي اتانعان ءبىرالى جولاۋشىلاپ كەلە جاتىپ، سەيداحمەت شەشەننىڭ ۇيىنە ءتۇسىپتى. شەشەن وعان ءوز الىنشە قۇرمەت كورسەتسە كەرەك. باي اتتانارىندا:
— سەيدەكە، سىيىڭىزعا راحمەت! بالالارىڭىز دا تاربيەلى ەكەن. وسىنداي بالدىرعانداردىڭ اۋىزىن اققا جارىتپاي قويعان اللانىڭ راقىمسىزدىعىن كورمەيمىسىز، — دەپ اقىننىڭ كەدەيلىگىن بەتىنە سالىق ەتپەك بولىپ، اياۋشىلىق بىلدىرگەنسيدى.
سوندا سەيداحمەت:
— ءبىرالى، شىراعىم-اي! وسى قارا بوربايلارعا ساۋىن بولاتىن ءبىراز بيە ايداتىپ جىبەرىپ، قۇدايدى دا ءبىر ۇيالتساڭشى، — دەگەن ەكەن.
سوزدەن توسىلعان باي ەلىنە بارعان سوڭ، شەشەنگە ساۋىندىق بيە جىبەرىپتى.
You Might Also Like
-
ەرتەدە بولىستىققا تالاسىپ جۇرگەن، ءتىلى وتكىر، سوزگە شەشەن ءابىلقاس دەگەن كىسى ارنايى كەلىپ، قاراجان اۋلىنا ات باسىن تىرەپتى. قاراجان وسى وڭىردەگى اتى شۋلى بارىمتاشى، ۇرى ۇستايتىن ادام بولسا كەرەك.
-
وڭتالاپ جارىلعاسىنوۆ قازاق ءسسر-نىڭ 30 جىلدىعى اتىنداعى كولحوزدا باسقارما پرەسەداتەلى بولىپ كوپ جىل ىستەگەن. حالىقتىڭ كۇيسىز ۋاقىتى. وڭتالاپ كولحوزعا كەلىسىمەن قولدا بار مۇمكىنشىلىگىن تولىق پايدالان...
