دۇعا ەتۋ
دۇعا — بۇل ءمۇميننىڭ قارۋى، ونى بارلىق جاماندىقتان ساقتايتىن وق وتپەس ساۋىتى ىسپەتتەس. بۇل تۋراسىندا پايعامبارىمىز الەيھيسسالام: «سەندەرگە دۇشپاننان قورعايتىن ءارى ريزىقتى مولايتاتىن ءبىر نارسەنى ايتايىن با؟ كۇندىز-تۇنى اللاھۋ تا’الاعا دۇعا ەتىڭدەر. ويتكەنى، دۇعا — ءمۇميننىڭ قارۋى» — دەگەن بولاتىن.
ادامنىڭ دۇعا تىلەۋ كەزىندە ىقىلاستى بولۋى دا وتە ماڭىزدى. قالاعانىن «بول!» دەپ قانا بولدىرا سالاتىن اللاھۋ تا’الانىڭ ءار نارسەگە كۇش-قۇدىرەتى جەتەتىنىن، ول ءۇشىن مۇمكىن ەمەس نارسە جوق ەكەنىن جۇرەكپەن سەزىنىپ، مويىنداعان مۇسىلماننىڭ شىن تىلەگەن دۇعاسىن اللاھۋ تا’الا قابىل الادى، سەبەبى ق ۇلىنىڭ قولىن بوس قايتارۋعا ۇيالادى. سوندىقتان، ءاربىر امالىمىزدىڭ ىشكى نيەتىمىزگە بايلانىستى ەكەندىگىن ۇمىتپاۋىمىز كەرەك.
كەڭەس وداعىنىڭ باتىرى ت.بيگەلدينوۆتىڭ سۇحباتىنان:
«...جاقىندادىم دا «مەحانيك، گوتوۆ ك پولەتۋ» دەدىم، ول ماعان پاراشيۋتتى كيگىزە باستادى. مەن پاراشيۋتتىڭ رەمەندەرىن تاعىپ تۇرىپ «ءلا ءحاۋلا ءۋا ءلا ءقۋۋاتا ءيللا ءبيللاھيل الييل ازيم، ءما ءشاا اللاھ كانا، ءۋا ءما ءلام ءياشا ءلام ياكۋن، ءال ءيمانۋ – يقرارۋن ءبيلليساني، ءۋا تاسديقۋن بيل-قالبي بي ءماا ءجاا بيھي مين ءينديللاھي مۋحاممادۋر راسۋلۋللاھي ساللاللاھۋ الەيھي ءۋاساللام» - دەدىم، مەحانيك ماعان قارايدى، سول دۇعانى وقىپ الدىم، ماعان وق تيمەيدى. 300-305 رەت وسى دۇعانى وقىدىم. سول دۇعانىڭ قۇدرەتى بولدىعوي، سونىمەن امان قالدىم. ءبىر سامولەتتى دە جوعالتپادىم، ءبىر ۇشقىشتى دا جوعالتپادىم».
You Might Also Like
-
1 مامىر بىرلىك كۇنى — قازاقستان حالقى ءۇشىن ەڭ ءىرى مەرەكەلەردىڭ ءبىرى. ەلىمىزدىڭ بارلىق وڭىرلەرىندە دەرلىك 1 مامىر تويلانادى. ماقساتى، ەل ىشىندەگى ءتۇرلى ۇلت پەن ءدىن وكىلدەرىنىڭ بىر-بىرىنە دەگەن...
-
اقپاراتتىق تەحنولوگيا كەڭ دامىعان زاماندا كەز-كەلگەن ادام ينتەرنەت الاياقتاردىڭ قۇربانى بولۋى مۇمكىن! قارا نيەتتىلەر بەتپە بەت جۇزدەسپەي-اق، تانىسپاي-اق تەلەفوننىڭ ارعى جاعىنان اقشا جىمقىرادى.
