سوعىس جىلدارى
قازاقستاننان 1941-1945 جىلدارداعى قاندى قىرعىنعا 1،5 ميلليون ۇل مەن قىز اتتانىپتى. 600 مىڭنان استام قازاقستاندىق بۇل سوعىستان ورالمادى. 500-دەن استامى ەلگە باتىر اتانىپ، اڭىزعا اينالا ورالدى.
بۇل سوعىسقا قازاقستان كەڭەستەر وداعىنىڭ ءبىر بولىگى رەتىندە قاتىستى.
قازاقستان سوعىس ۋاقىتىندا مايدان قاجەتىنە قاراي بەيىمدەلدى. كوپتەگەن اسكەري ديۆيزيالار مەن بريگادالار، ارتيللەريا، مينومەت، اۆياسيا پولكتەرى جانە دەربەس باتالوندار قۇرىلدى. قازاقستان جاۋىنگەرلەرى كەڭەس-گەرمان مايدانىنىڭ شەشۋشى شايقاستارىنا قاتىستى.
قازاقستان 1942 جىلدىڭ جازىندا ستالينگراد شايقاسىنىڭ ەڭ جاقىن تىلىنا اينالىپ، سوعىس قيمىلدارىنا باتىس قازاقستانداعى تەمىر جول ستانسالارى مەن ەلدى مەكەندەر كەڭىنەن تارتىلدى.
قازاقستاندىقتار پارتيزان سوعىسىنا دا بەلسەنە قاتىستى. لەنينگراد وبلىسىنداعى شايقاستاردا — 220، سمولەنسك جەرىندە — 270-تەن استام، ۋكراينا مەن بەلورۋسسيادا — 3000-داي قازاقستاندىق ەرلىك كورسەتتى. بۇلاردىڭ ىشىندە ق.قايسەنوۆ، ع.احمەدياروۆ، ب.جانگەلدين، ءا.ءشارىپوۆ، ن.بايسەيىتوۆا مەن ت.جۇمابايەۆا، ج.ساين، ع.وماروۆ سياقتى قازاقتىڭ ۇل-قىزدارى بولدى.
قازاقستاننىڭ اۋىل شارۋاشىلىعى مايدان مەن تىلدى ازىق-تۇلىكپەن، ونەركاسىپتى شيكىزاتپەن جابدىقتادى. 1942 جىلى مال باسى 2 ملن-عا، ەگىس كولەمى 8 ملن گەكتارعا جۋىق ارتتىرىلدى. رەسپۋبليكا 1941-1945 جىلدارى 5829 مىڭ توننا استىق، 734 مىڭ توننا ەت جانە باسقا ازىق-تۇلىك بەردى. سوعىس جىلدارى رەسپۋبليكا ەڭبەكشىلەرى مايدانعا كيىم-كەشەك، ازىق-تۇلىك جىبەرىپ، جەكە ازاماتتاردىڭ قارجىسىنا تانكتەر، ۇشاقتار، سۇڭگۋىر قايىقتار جاسالدى. رەسپۋبليكا حالقىنىڭ مايدان قاجەتىنە ەرىكتى جيناعان قارجىسى 4 700 ملن سوم بولدى.
You Might Also Like
-
سۋ — تابيعاتتىڭ تەڭدەسىز سىيى. ادامزات جاراتىلعالى بەرى سۋدى پايدالانىپ كەلگەنىمەن، ونىڭ قانداي قاسيەتتەرگە يە ەكەنىن ءالى دە تولىق بىلمەيدى.
-
مەملەكەتتىك قىزمەتشىلەردىڭ ەڭ باستى مىندەتى ول - حالىققا ادال قىزمەت ەتۋ. ءاربىر مەملەكەتتىك قىزمەتشى وسى قاعيدانى ەش ۋاقىتتا ۇمىتپاۋى ءتيىس. حالىققا جاقىن بولىپ، كەز-كەلگەن جاعدايدا ءادىل بولۋى ءتيىس....
