«بولاشاق» باعدارلاماسىنىڭ 30 ستيپەندياتى قازاقستانعا ورالۋعا دايىن
«بولاشاق» باعدارلاماسىنىڭ 30 ستيپەندياتى قازاقستانعا ورالۋعا دايىن.
قازاقستاندىق ستۋدەنتتەر قاشىقتىقتان وقىتىلىپ، مەكتەپ وقۋشىلارى كوكتەمگى دەمالىسقا ەرتە شىعادى. بۇل تۋرالى ورتالىق كوممۋنيكاسيالار قىزمەتىنىڭ باسپا ءسوز كونفەرەنسياسى بارىسىندا ق ر پرەمەر-مينيسترىنىڭ ورىنباسارى ەرالى توعجانوۆ مالىمدەدى. باسپا ءسوز كونفەرەنسياسىنا ق ر ءبىلىم جانە عىلىم ءمينيسترى اسحات ايماعامبەتوۆ تە قاتىستى.
اسحات ايماعامبەتوۆتىڭ ايتۋىنشا، بۇگىنگى تاڭدا «بولاشاق» باعدارلاماسى بويىنشا 857 قازاقستاندىق ءبىلىم الۋدا، ونىڭ ىشىندە كورونوۆيرۋس بويىنشا قولايسىز جاعدايى بار ءبىرىنشى ساناتتاعى ەلدەردە – 19 (قحر – 9، وڭتۇستىك كورەيا – 3، يتاليا – 7).
«كوپتەگەن شەتەلدىك جوعارى وقۋ ورىندارى قاشىقتىقتان وقىتۋ نىسانىنا كوشەدى، وسىعان بايلانىستى ستۋدەنتتەردىڭ بەلگىلى ءبىر بولىگى ۇيلەرىنە قايتىپ ورالادى. سونىمەن قاتار، ءبىز ستۋدەنتتەردى اكادەميالىق ۇتقىرلىق باعدارلاماسى بويىنشا وقۋعا جىبەرمەۋدى ۇيعاردىق. ستۋدەنتتەر شەتەلدە وقۋ ءۇشىن ءبىر سەمەسترگە شىعۋى كەرەك بولاتىن. اعىمداعى جاعدايعا بايلانىستى ءبىز باعدارلامانى ۋاقىتشا توقتاتۋ تۋرالى شەشىم قابىلدادىق»، – دەدى مينيستر.
كوپتەگەن شەتەلدىك وقۋ ورىندارى قاشىقتىقتان ءبىلىم الۋعا كوشەدى جانە ستۋدەنتتەر ءوز قالاۋى بويىنشا جوسپارلى تۇردە ۇيلەرىنە قايتاتىندىعىن ايتا كەتكەن ءجون.
بۇگىنگى تاڭدا «بولاشاق» باعدارلاماسىنىڭ 30 ستيپەندياتى تىلدىك كۋرستار، اكادەميالىق وقۋ جانە تاعىلىمدامانىڭ اياقتالۋىنا بايلانىستى (ۇلىبريتانيا – 10، اقش – 10، جاپونيا – 3، ليتۆا – 7) 2020 جىلدىڭ ناۋرىز ايىندا قازاقستانعا ورالۋعا دايىن.
You Might Also Like
-
ءوز تاريحىن تەرەڭ ۇعىنىپ، ۇلتتىق قۇندىلىقتارىن شىن باعالاي بىلەتىن حالىقتىڭ عانا بولاشاعى ماڭگى بولماق. بۇگىنگى الپاۋىت جاھاندانۋ داۋىرىندە كەز-كەلگەن ۇلتتى ساقتاپ قالاتىن دۇنيەلەر – سول...
