بولاشاق بۇگىننەن باستالادى
ءار ادام ءوز بولاشاعى ءۇشىن جاۋاپتى. ال جاس جەتكىنشەكتىڭ بولاشاعى اتا-اناسىنا تىكەلەي بايلانىستى. انانىڭ ويى -بالادا، بالانىڭ ويى-دالادا.بۇلدىرشىندەردىڭ ۇنەمى ويىنعا، قىزىققا ۇمتىلىپ تۇراتىنى بەلگىلى. بالاسىنىنىڭ قىلىقتارىنا اشۋلانعان انا: «ساباق وقىماساڭ كوشە سىپىرۋشى بولاسىڭ»،- دەپ ۇرساتىنى وتىرىك ەمەس.وسى ءسوزدىڭ ءوزى دۇرىس دەپ سانايسىز با؟ جاس بالاعا قازىرگى ەڭبەگىنىڭ ەرتەڭ جەمىسىن كورەتىنىن جۇيەلى،تۇسىنىكتى تىلمەن جەتكىزۋ كەرەك. نەگاتيۆتى سوزدەردى، ءوز تاراپىنا جاعىمسىز پىكىرلەردى ەستىپ وسكەن بالا قانداي بولادى؟ ءوقۋ-بىلىمنىڭ دە، سپورتتىڭ دا كەلەشەگىنە كەرەك ەكەنىن ۇعىنۋى ءتيىس. اكەسىنىڭ كىتاپ وقىپ وتىرعانىن كورمەگەن بالا قالاي ونى پاراقتايدى؟ «بالاپان ۇيادا نە كورسە، ۇشقاندا سونى ىلەر». وتباسىنداعى جاعدايدى كورىپ وسكەن بالا ۇنەمى سولاي بولۋ كەرەك دەپ ويلايدى.
سوندىقتان بالاعا كىشكەنتاي كەزىنەن قاراپايىم كۇن ءتارتىبىن جوسپارلاۋدى ۇيرەتۋ كەرەك. اراسىندا ويىن-ساۋىققا، دەمالىسقا بولىنگەن ۋاقىتتىڭ بولۋى شارت. ۋاقىتتى ءتيىمدى جوسپارلاپ ۇيرەنگەن ادام ءار كۇنىن پايدالى وتكىزەدى. بۇگىن ناقتى ىستەۋ كەرەك نارسەنى ەرتەڭگە قالدىرمايدى. ىنتا بار بولسا 1001 امال،ىنتا جوق بولسا 1001 سىلتاۋ تابادى. «مەن بۇگىن بيزنەس جايىنداعى كىتاپتى وقيمىن، سەبەبى ەرتەڭ ماماندىعىما كەرەك بولادى»،- دەگەن ءسوزدىڭ ءوزى ماقساتتىڭ بار ەكەندىگىن بىلدىرەدى.
بولاشاققا ناقتى جوسپار قۇرۋ ماقسات قويۋدان باستالادى. كەشە ارماندادىم، بۇگىن ماقسات قويدىم، ارەكەت ەتۋدەمىن. ال ەرتەڭ ارمانىما جەتەمىن. مىنە، وسى پرينسيپپەن ءومىر سۇرگەن ادام كوپ نارسەگە جەتە الادى. ىنتا، ىقىلاس، ەڭبەكسۇيگىشتىك-بارلىعى ءوزارا ۇندەستىك تاپسا، ول ادام ءسوزسىز ماقساتىنا جەتەدى.
ول ءۇشىن ءقازىر ارەكەت ەتۋ قاجەت. ءدال ءقازىر ورنىڭىزدان تۇرىپ بارىپ، بولاشاققا جوسپاردى قاعاز بەتىنە ءتۇسىرىڭىز. 24 ساعات ىشىندە بولاشاعىڭىز ءۇشىن قانشا قادام جاساي الاسىز؟ بولاشاق جاستاردىڭ قولىندا. جاستارعا ۇلكەن ءۇمىت ارتىپ وتىرعان ۇلكەندەر جوعارىدا ايتىلعان نارسەلەردى ەستەن شىعارماسا ەكەن. قۇرمەتتى جاس دوس! بولاشاعىڭ ءۇشىن ارەكەت ەت. ويتكەنى، بولاشاق بۇگىننەن باستالادى.
You Might Also Like
-
قورقىت ولىمگە بويۇسىنباي، اجالدان قۇتىلماقشى بولىپ، قاشىپ دۇنيە ءجۇزىن كەزەدى. قايسى جەرگە بارسا دا، الدىنان قازىلىپ جاتقان كور شىعا بەرەدى. اقىرى ولىمنەن قۇتىلماسىن بىلگەن قورقىت اتا سىرداريانىڭ اع...
