«بولاشاق» ستيپەندياسىنىڭ يەگەرلەرى انىقتالدى
شەتەلدە ماماندار دايارلاۋ بويىنشا رەسپۋبليكالىق كوميسسيا وتىرىسىنىڭ شەشىمى بويىنشا 234 ۇمىتكەرگە «بولاشاق» حالىقارالىق ستيپەندياسى تاعايىندالدى. ستيپەنديا يەگەرى اتانعاندار شەتەلدىك جوعارى وقۋ ورىندارىندا ماگيستراتۋرا، دوكتورانتۋرا باعدارلامالارى بويىنشا ءبىلىم الادى. سونداي-اق، الەمدىك عىلىمي جانە وندىرىستىك ورتالىقتارعا تاعىلىمداما بويىنشا دا جىبەرىلەتىن بولادى.
تولىق ءتىزىمدى مىنا سىلتەمەدەن كورۋگە بولادى.
ەسكە سالا كەتسەك، اقوردادا قىرىمبەك كوشەربايەۆتىڭ توراعالىعىمەن شەتەلدە كادرلار دايارلاۋ جونىندەگى رەسپۋبليكالىق كوميسسيانىڭ كەزەكتى وتىرىسى ءوتتى. كوميسسيا وتىرىسىندا ءبىلىم جانە عىلىم ءمينيسترى ا.ايماعامبەتوۆتىڭ شەتەلدە كادرلار دايارلاۋ جونىندەگى رەسپۋبليكالىق كوميسسيانىڭ حاتتامالىق تاپسىرمالارىنىڭ ورىندالۋى تۋرالى ەسەبى تىڭدالدى، سونداي-اق، «بولاشاق» باعدارلاماسىنىڭ ىسكە اسىرىلۋىنا قاتىستى ءبىرقاتار ماسەلە تالقىلاندى.
«بولاشاق» ستيپەندياتىنىڭ مۇلىكتىك كەپىلى جۇمىس بەرۋشى كەلىسىمشارتىمەن الماستىرىلۋى مۇمكىن. ورتالىق كوممۋنيكاسيالار قىزمەتىندەگى باسپا ءسوز ءماسليحاتىندا ق ر ءبىلىم جانە عىلىم ۆيسە-مينيسترى رۇستەم بيعاري وسىلاي ءمالىم ەتكەن ەدى.
سونداي-اق، 2020 جىلدان باستاپ «بولاشاق» ستيپەندياسىنا ارنالعان كۆوتانىڭ بارلىق ءتۇرى الىنىپ تاستالادى.
You Might Also Like
-
جانالعىش قورقىتتىڭ جانىن الماقشى بولىپ، وكشەلەي قۋىپ قويمايدى. سوندا قورقىت تاعى دا ءبىر امالىن كەلتىرىپ، وزىنەن اۋمايتىن قىرىق سۋرەت سالادى دا، قىرىق ءبىرىنشى بولىپ قاتارىنا ءوزى وتىرا قالادى.
-
اجالدان قاشقان قورقىت دۇنيەنىڭ ءتورت بۇرىشىن شارلاعاندا جانىنان ساۋعانى ءوزىنىڭ كىندىك جۇرتى سىردىڭ سۋىنان تاپقان عوي. جەلماياسىنىڭ جابۋىن سۋ ۇستىنە توسەپ، وعان جايعاسا وتىرىپ الىپ، قارا قوبىزىن بەبەۋ...
