اققۋ (III نۇسقا)
اجالدان قاشقان قورقىت دۇنيەنىڭ ءتورت بۇرىشىن شارلاعاندا جانىنان ساۋعانى ءوزىنىڭ كىندىك جۇرتى سىردىڭ سۋىنان تاپقان عوي. جەلماياسىنىڭ جابۋىن سۋ ۇستىنە توسەپ، وعان جايعاسا وتىرىپ الىپ، قارا قوبىزىن بەبەۋلەتكەندە اڭدىعان اجال ماڭايىنا جولاي الماعان.
قورقىت قوبىزدى تىنىمسىز تارتقان. ول قوبىز تارتقاندا سۋ اعىسىن توقتاتىپ، جەل تىنىپ، جان-جانۋار انتالاپ كەلىپ ۇيىپ تىڭدايدى ەكەن.
بىردە قورقىت ادەتتەگىدەي كۇي سازىن سارناتىپ وتىرسا، كوكتە ۇشىپ بارا جاتقان ءبىر توپ اققۋ ەستىپ، اينالا ۇشىپ، اقىرى قانات بۇگىپتى دەيدى. اققۋلار مۇڭلى كۇيدىڭ داۋىسىنا ەلتىپ، قارا قوبىزعا ءۇن قوسا بىرگە سۇڭقىلداسىپ، قورقىتپەن بىرگە مۇڭايعان ەكەن.
كوڭىلىندەگىسىن كۇي ەتىپ شالاتىن قورقىت قۇستىڭ تورەسى اققۋدىڭ مەيىرىمدى قاسيەتىن قوبىزىنا سالادى.
ۇرپاق ەسىندە «اققۋ» كۇيى بولىپ ساقتالعان كۇي سول ەدى دەيدى.
You Might Also Like
-
شەتەلدە ماماندار دايارلاۋ بويىنشا رەسپۋبليكالىق كوميسسيا وتىرىسىنىڭ شەشىمى بويىنشا 234 ۇمىتكەرگە «بولاشاق» حالىقارالىق ستيپەندياسى تاعايىندالدى. ستيپەنديا يەگەرى اتانعاندار شەتەلدىك جوعا...
-
حالىقتىڭ ايتۋىنا قاراعاندا، قورقىت دەگەن اتتىڭ قويىلۋى كەزدەيسوق ەمەس كورىنەدى. قورقىت تۋعان كەزدە جينالعان جۇرت بالا ورنىنا ءپىشىنسىز «قۇبىجىقتى» كورىپ، قورقىپ قاشادى. اناسى بالا تۋعانى...
