بۇعان نەعىپ كۇلمەسسىڭ
قوجاناسىر جايىنداعى حالىقتىق اڭىزدا مىناداي ءبىر ەسكەرتپە بار: «قوجاناسىردىڭ مولاسى جاردىڭ ەڭكىش جاعاسىنا ەڭكەيتە سالىنىپتى، ونى كورگەندە كۇلمەي وتكەن ادامنىڭ بەتى، اۋىزى قيسايىپ كەتەدى ەكەن» دەيدى. مىنا ەستەلىك تە سونداي، مۇنى ەستىگەندە كۇلمەي تومسارىپ وتىرا المايسىڭ. ارينە، بەتىڭ، اۋىزىڭ قيسايىپ كەتپەيدى، تەك شەك-سىلەڭ قاتا كۇلەسىڭ.
ورازالين ءىلياس اۋىلدا جالدامالى مولدالاردان وقىدى. ودان كەيىن اتباسارداعى مەدرەسەدە وقىپ، ەداۋىر ساۋاتتاندى. 1916 جىلى مايدان شەبىندەگى قارا جۇمىسقا الىنعان قازاق جىگىتتەرىنە باسشى بولدى. سوۆەت وكىمەتىنىڭ العاشقى جىلدارىندا ساۋاتتى قازاقتار قىزمەتكە تارتىلعاندا، ول باستاۋىش مەكتەپتىڭ ءمۇعالىمى بولىپ تاعايىندالدى.
وقىعانى دا، توقىعانى دا بار، قالالاردا جانە «اسكەري» قىزمەتتە بولعان، ءمۇعالىم ورازالين ءىلياستىڭ ورىس تىلىندە ايتىلىپ جۇرگەن كەيبىر اتاۋلاردى بۇرمالاعانىنا تاڭداندىق، ءتىپتى ىلاجسىزدان كۇلدىك.
بىردە، مەكەمەدە قىزمەتتە وتىرعان كەزىمىزدە كەلىپ، سىرقات- تانىپ تۇرعانىن ايتتى. امبۋلاتورياعا بار، دارىگەرگە كورىندەدىك. شەك-سىلەسى قاتا كۇلدى: «امبۋلاتوريا» دەگەن ءسوز وعان ۇياتتى ءسوز بولىپ ەستىلدى.
ەرتەڭىندە مەكەمەگە كىرىپ كەلىپ، سىلقىلداپ كۇلدى، كوزىنەن جاس اعىپ، ايتقالى كەلگەن ءسوزىن بىزگە دۇرىس جەتكىزە المادى. ول بىلاي ەكەن:
سول كۇنى قالالىق الاڭدا كوپ ادام قاتىسقان ميتينگ بولعان. وندا ۋەزدىك پارتيا كوميتەتىنىڭ ناسيحات ءبولىمىنىڭ مەڭگەرۋ ءشىسى سۆەتليچنىي جولداس حالىقارالىق جاعداي تۋرالى ءسوز سويلەگەن ەدى. سول سوزدەرىندە ول امستەردام قالاسىن بىرنەشە رەت اتاعان- دى. بۇل اتاۋدىڭ امبۋلاتوريا اتاۋى سياقتى، باسقى ەكى ءارىپى ءىلياستىڭ قۇلاعىنا عاۋرات اتى بولىپ ەستىلىپتى. ول سوعان كۇلسە، ءبىز ونىڭ ورىنسىز كۇلگەنىنە كۇلدىك.
You Might Also Like
-
اتباسار ۋەزىندەگى نايمان ىشىندە ءار ىستە ۇقىپتى، تىلىنە شەبەر، سوزدە ۇتىمدى، ءوز ەلىندە جانە كورشىلەس ەلدەردە بىلىكتى ادامداردىڭ ءبىرى. مۇقىش اتتى زيالى قارت ءومىر ءسۇردى.
-
قىزبەن تىلدەسۋدى ارمان ەتكەن جىگىتتەر ەرتەڭىندە قىزدىڭ ۇيىنە كەلىپ تۇسەدى. قىز مەيماندارعا تاعام قامداۋ ءۇشىن تىسقا شىعىپ كەتەدى. ونىڭ ارتىنشا جىگىتتەردىڭ ءبىرى تىسقا شىعادى. قىز ساماۋىر ىشىندەگى وتت...
