قازۇۋ – مۇمكىندىككە تولى ءبىلىم ورداسى
قازاق ۇلتتىق ۋنيۆەرسيتەتىنىڭ نەگىزى 1934 جىلى 15 قاڭتاردا قالانعان. ەڭ العاش 1937 جىلى ءتورت جىلدىق وقۋ جۇيەسىنە نەگىزدەلگەن گۋمانيتارلىق شەت تىلدەر فاكۋلتەتى اشىلدى. قازاق ۇلتتىق ۋنيۆەرسيتەتى ءوز ءيميدجىن ءبىلىم بەرۋ جۇيەسىنىڭ بەتكە ۇستار كوركى، ۋنيۆەرسيتەتتىك داستۇرلەردىڭ، كاسىبي بىلىكتى عىلىمي جانە پەداگوگيكالىق مەكتەپتەردىڭ باستاۋ كوزى رەتىندە قالىپتاستىردى.
بۇگىنگى كۇنى قارا شاڭىراعىمىز 37 ماماندىق بويىنشا كادرلار دايارلايتىن جوعارى وقۋ ورنى جانە عىلىمي زەرتتەۋ ورتالىعىنا اينالىپ وتىر. ۋنيۆەرسيتەتتە ەكى مىڭنان استام جوعارى بىلىكتى وقىتۋشى جۇمىس ىستەيدى،سونىڭ ىشىندە 1000-نان استام عىلىم دوكتورى مەن كانديداتى، 100 اكادەميك پەن 50 فيلوسوفيا دوكتورى بار.
ءبىلىم ورداسىندا ستۋدەنتتەرگە جاعداي وتە جوعارى دەڭگەيدە جاسالعان. ءبىلىم الاتىنداردىڭ قاتارىنا تەك قازاق ەمەس، سونىمەن قاتار باسقا ۇلت وكىلدەرىنىڭ قىز-جىگىتتەرى دە كىرەدى. نەبىر اقىن-جازۋشىلار مەن دانىشپان عالىمدار وسى وردادان تۇلەپ ۇشقان. سوندىقتان مەن دە وسى قازۇۋ-دى تاڭدادىم.
مەيىرىمگە تولى شاڭىراق- جاتاقحانا ورىندارى، قازاق جانە الەم ادەبيەتتەرىمەن تولىقتىرىلعان كوزتارتار كىتاپحانا، «كەرەمەت» ستۋدەنتتەرگە قىزمەت كورسەتۋ ورتالىعى مەن ءتۇرلى ءىس-شارالار وتەتىن ءو.ا.جولداسبەكوۆ اتىنداعى ستۋدەنتتەر سارايى بار. وسىلاردىڭ بارلىعى ستۋدەنتتەردىڭ جان-جاقتى دامۋى ءۇشىن جاسالعان. سونداي-اق ءبىزدىڭ قارا شاڭىراعىمىز QS World University Rankings Results رەيتينگىندە 207 ورىندى قانجىعاسىنا بايلاعان. وسىنىڭ ارقاسىندا كوپتەگەن ستۋدەنتتەرىمىز شەتەلدەن ءبىلىمىن تولىقتىرىپ، قازاقستانداعى ەڭ قاجەتتى ماماندار قاتارىنا قوسىلۋدا.
قۇرمەتتى وقىرمان، توقسان اۋىز ءسوزدىڭ توبىقتاي ءتۇيىنى، ءوز بولاشاعىڭىزدىڭ جارقىن بولعانىن قالاساڭىز، «قارا شاڭىراق» اتتى وتباسىمىزدىڭ مۇشەسى بولۋعا شاقىرامىن. جارقىن بولاشاققا ايقىن بىلىممەن اتتانايىق، دوستار!
قازاق ۇلتتىق ۋنيۆەرسيتەتى
ەكونوميكا بيزنەس جوعارى مەكتەبىنىڭ بيزنەس جانە تەحنولوگيالار كافەدراسىنىڭ ءمۇعالىمى ابيشيەۆا.ق.ج
لوگيستيكا ماماندىعىنىڭ 2 كۋرس ستۋدەنتى امانجول ۇلى ادىلەت
You Might Also Like
-
قوڭىروۆ امىرە قارت ويىن-كۇلكىسى جاراسقان زامانداستاردىڭ ءوزارا قالجىڭى جايىندا ءبىر ەستەلىك ايتتى.
-
ساندىق وزەنى بويىندا مەكەندەيتىن باكەنەي قارتتىڭ ورتانشى ۇلى ابەن ويىنشى، ءازىل سوزگە، مىسقىلعا شەبەر جىگىت ەدى. بىردە ول وزىمەن كورشىلەس ەلدەگى سۇتەمگەن ۇلى توقسانباي دەيتىن زامانداسىنىڭ ءبىر «...
