قامباشى توقسانباي
ساندىق وزەنى بويىندا مەكەندەيتىن باكەنەي قارتتىڭ ورتانشى ۇلى ابەن ويىنشى، ءازىل سوزگە، مىسقىلعا شەبەر جىگىت ەدى. بىردە ول وزىمەن كورشىلەس ەلدەگى سۇتەمگەن ۇلى توقسانباي دەيتىن زامانداسىنىڭ ءبىر «جاڭالىق» ءىسىن ايتىپ، كۇلدىردى. ول بىلاي ەكەن.
قىستىگۇنى قوياندار قار استىنان جەم الىپ جەي المايدى دا، ءۇيۋلى مايالاردان ءشوپ جەپ، قورەكتەنەدى. وسى جايدى پايدالانىپ، اۋىل ادامدارى مايالاردىڭ ىرگەسىندەي قالىڭ قاردان قامبا قازادى، ءشوپ سەبەلەيدى. مۇنى جەۋگە كەلگەن قويان قامباعا تۇسەدى دە، ادامعا جەم بولادى.
قامبا قازىپ، قويان ۇستاۋ ايلاسىن توقسانباي دا قولدانادى. قامبا قازىلىپ بىتكەننەن كەيىن، تۇسكەن قويان سەكىرىپ شىعىپ كەتپەۋى ءۇشىن ونىڭ ىشىنە وت جاعىپ، قابىرعالارىن مۇزداتۋ كەرەك. توسەكەڭ قولىنا قۇرعاق ءشوپ-شالام الىپ، قامبانىڭ ىشىنە تۇسەدى دە، دەرەۋ وت بەرەدى. لاپىلداپ جانعان جالىن ءوزىنىڭ كيىمدەرىنە ءتيىپ، ءولىم ءقاۋىپىن تۋدىرادى. جانى ىشقىنعان اششى ايقايعا سىرتتاعى ادامدار جينالىپ، قامبانى قۇلاتادى دا، ابسەتتە لاۋلاعان وتتى وشىرەدى. ءسويتىپ، اڭقاۋ «قامباشى» توقسان بايدى اجالدان قۇتقارادى.
You Might Also Like
-
قازاق ۇلتتىق ۋنيۆەرسيتەتىنىڭ نەگىزى 1934 جىلى 15 قاڭتاردا قالانعان. ەڭ العاش 1937 جىلى ءتورت جىلدىق وقۋ جۇيەسىنە نەگىزدەلگەن گۋمانيتارلىق شەت تىلدەر فاكۋلتەتى اشىلدى. قازاق ۇلتتىق ۋنيۆەرسيتەتى ءوز ي...
-
اشۋتاستى بويىنداعى ءبىر اۋىل مالدارىن كەزەكتەسىپ باعاتىن. ءوز كەزەگىندە مال جايىپ جۇرگەن قوڭىرباي كەنەت شىرالجىن ەتەگىندە جىلتىراعان ءبىر زات كوردى. الىپ قاراپ ەدى، ونىڭ بەتىنەن وزىندەي ءبىر جىگىت كورى...
