بۇگىن - قازاقستان رەسپۋبليكاسىنىڭ تاۋەلسىزدىك كۇنى
بۇگىن - قازاقستان رەسپۋبليكاسىنىڭ تاۋەلسىزدىك كۇنى. وسىدان 25 جىل بۇرىن (1991) قازاقستان رەسپۋبليكاسىنىڭ پرەزيدەنتى ن.ءا.نازاربايەۆ «قازاقستان رەسپۋبليكاسىنىڭ مەملەكەتتىك تاۋەلسىزدىگى تۋرالى» كونستيتۋسيالىق زاڭعا قول قويدى. ءسويتىپ، قازاقستاننىڭ مەملەكەتتىك تاۋەلسىزدىگى جاريالاندى.
رەسپۋبليكا ءوز بەتىنشە ىشكى-سىرتقى ساياساتتى جۇرگىزەتىن، ءوز اۋماعىندا بيلىكتى تولىق يەلەنگەن تاۋەلسىز دەموكراتيالىق جانە قۇقىقتىق مەملەكەت مارتەبەسىنە يە بولدى. دەموكراتيالانۋ جولىنداعى باعىت قازاقستاندى ەگەمەن، تاۋەلسىز مەملەكەت رەتىندە، قازاق حالقى ۇلتتىق ءتىلىن، مادەنيەتىن، ءداستۇرىن ساقتاپ، ءوز باستامالارى مەن ەرەكشەلىكتەرىن جاڭعىرتا الاتىندىعىن جاريا ەتۋگە مۇمكىندىك بەردى.
بيىل قازاقستاننىڭ ءوز الدىنا دەربەس ەل بولىپ، حالىقارالىق دەڭگەيدە تولىققاندى مويىندالعان مەملەكەت رەتىندە ءومىر ءسۇرىپ جاتقانىنا 25 جىل تولىپ وتىر.
«25 جىلدا ءجۇرىپ وتكەن اۋىر دا ابىرويلى جولىمىزدىڭ ءمانى تۇتاس عاسىرعا تەڭ دەپ ايتۋعا بولادى. ق ر تاۋەلسىزدىگىنىڭ شيرەك عاسىرى - ەۋرازيا جۇرەگىندەگى ۇلى دالادا جازىلعان مىڭ جىلدىق تاريحتىڭ جاڭا ءداۋىرى. ءبىزدىڭ كەڭ-بايتاق دالامىز - عاسىرلار بويى سان الۋان وركەنيەتتەردى توعىستىرعان 9 جولدىڭ تورابى. باتىس پەن شىعىس، سولتۇستىك پەن وڭتۇستىك وسىندا ۇلى جىبەك جولى بويىندا تۇيىسكەن. قاسيەتتى قازاق جەرىنىڭ جىلناماسى - كۇللى ادامزاتتىڭ تاريحىنداعى تالاي-تالاي ۇلى وقيعالاردىڭ شەجىرەسى. مۇندا سان ءتۇرلى تايپالار مەن حالىقتار، ولاردىڭ قۇدىرەتتى وداقتارى مەن يمپەريالارى پايدا بولىپ، اسقاقتاعان. مىڭجىلدىقتار تولقىنى بىزگە سول زاماننىڭ كوپتەگەن عاجايىپ جادىگەرلەرى مەن كونە داۋىرلەردىڭ تەڭدەسسىز مادەنيەتى جايلى كوپ تىلسىم جاڭالىقتاردى جەتكىزدى. ءبىزدىڭ ۇلى دالامىز قازىرگى تۇركى تىلدەس حالىقتاردىڭ ءبارى وربىگەن الىپ بەسىك ىسپەتتى»، - دەدى ەلباسى نۇرسۇلتان نازاربايەۆ قازاقستان تاۋەلسىزدىگىنىڭ 25 جىلدىق مەرەيتويىنا ارنالعان سالتاناتتى جيىندا.
You Might Also Like
-
بۇگىن ءبىلىم جانە عىلىم ءمينيسترى ەرلان ساعادييەۆ جەتى عالىمعا عىلىم سالاسىنداعى مەملەكەتتىك سىيلىقتار تابىستادى. سالتاناتتى شارا بارىسىندا راتباي مىرزاقۇلوۆ، ماينۇر بورىبايەۆا، گۇلناس احمەتوۆا، كۇلاش ...
-
(مەكتەپ شاكىرتى ءۇشىن جازىلعان) ول قازاق دالاسىنىڭ شالقار كوگىندە كۇمبەز بولىپ كوتەرىلگەن ەدى. ايبىنىن اسىرعىسى كەلىپ، مەيماناسىن تاسىتپاق بولعان ءنوپىر جاۋعا قاس باتىردىڭ تىلىمەن رۋح بولىپ اتتاند...
