InfoHub Logo

ءبىزدىڭ ويىمىزشا، جەر بەتىندەگى دۇنيەنىڭ ءبارى الدەقاشان زەرتتەلىپ قويعان. ال جاڭا، بەيمالىم زاتتارمەن تانىسۋ ءۇشىن، عارىشتى باعىندىرۋ كەرەك. الايدا مۇنداي وي يەلەرى جاڭىلىسادى. جەر شارىندا ادامزاتقا بەيمالىم تىرشىلىك يەلەرى كوپ. عالىمدار جىل سايىن جانۋارلاردىڭ جاڭا ءتۇرىن انىقتاۋدا. بۇل ورايدا بۇگىنگە دەيىن بەلگىسىز بولىپ كەلگەن جانۋارلارمەن تانىستىرماقپىز.

يەتي-تەڭىز شايانى

شاياننىڭ بۇل ءتۇرى 2005 جىلى بەلگىلى بولعان. ءبىر قاراعاندا تەڭىز شايانىنىڭ دەنەسىن قالىڭ ءجۇن باسقانداي. الايدا شاياننىڭ دەنەسىن «ءجۇن» ەمەس، ۇزىن قىلتاندار جاپقان.

بيرمالىقپۇشىق مايمىل

پۇشىق مايمىلدار 2010 جىلى بەلگىلى بولعان. ولار تەك بيرمادا مەكەندەيدى. مۇرىندارىنىڭ ەرەكشە قۇرىلىسى سەبەپتى، بۇل مايمىلدار جاڭبىر كەزىندە تۇشكىرەدى.

«كەرميت» باقا

2015 جىلى بەلگىلى بولعان باقاعا «Hyalinobatrachium dianae» دەگەن اتاۋ بەرگەن. ول باقانىڭ بۇل ءتۇرىن اشقان عالىمنىڭ اناسىدجەنەت ديانا كۋبيسكايانىڭ قۇرمەتىنە قويىلعان. الايدا باقا «ماپپەت-شوۋ» كەيىپكەرىنە ۇقسايتىندىقتان، ونى كوبىنە كەرميت دەپ اتايدى.

«ادەمى» شايان

شاياننىڭ ەرەكشە ادەمى ساۋىتىنا تاڭدانعان عالىمدار وعان «Cherax pulcher» دەگەن اتاۋ بەرگەن. لاتىن تىلىنەن اۋدارعاندا «Pulcher» ءسوزى «ادەمى» ماعىناسىن بىلدىرەدى. 

 «پينوككيو» باقا

بۇل باقا 2008 جىلى يندونەزيادان تابىلعان. ال ول تۋرالى دەرەكتەر تەك 2010 جىلى جاريالاندى. باقا وزىنە تونگەن قاۋىپ-قاتەردى سەزىنگەندە، پينوككيونىڭ مۇرنى تارىزدەس ۇزىن تۇمسىعى جوعارى كوتەرىلەدى.

دومالاق قۇلاقتى جەرتەسەر ءپىل

جەرتەسەر پىلدەردىڭ العاشقى وكىلى 2006 جىلى تابىلعان. ال جانۋاردىڭ جاڭا ءتۇرى رەتىندە 2014 جىلى سيپاتتالعان-دى. دەنەسىنىڭ كىشكەنتايلىعىنا، كەمىرگىشتەرگە ۇقساستىعىنا قاراماستان، بۇل جانۋار – پىلدەردىڭ الىس تۇقىمداسى.

ولينگيتو

ولينگيتو — باتىستا سوڭعى 35 جىلدىڭ ىشىندە اشىلعان ءبىرىنشى جىرتقىش. ونى ۇزاق ۋاقىت بويى جاقىن تۋىستاستارى ولينگومەن شاتاستىرىپ كەلگەن. تەك 2013 جىلى عالىمدار جەكە تۇرگە بولگەن. ولينگيتو تۋرالى دەرەكتەر از: جىرتقىشتارعا جاتاتىن جانۋار تۇندە تىرشىلىك ەتەدى جانە جاپىراقتارمەن، جەمىستەرمەن قورەكتەنەدى.

جيرەن ساقالدى تيتي

وكىنىشكە وراي، 2008 جىلى بەلگىلى بولعان بۇل پريمات جوعالىپ كەتۋدىڭ از-اق الدىندا. ولاردىڭ الەم بويىنشا سانى تەك 250-گە جەتەدى. عالىمداردىڭ پىكىرىنشە، بۇل مايمىلدار سەرىگىن ومىرلىككە تاڭداپ، جۇبىن الماستىرمايدى.

اناتوليالىق ايدارلى تريتون

بۇل قوسمەكەندى تاياۋ كۇندەرى جەكە ءتۇر رەتىندە بولىنگەن. ايدارلى تريتوننىڭ دەنەسى وزگە تۋىستاستارىنا قاراعاندا مىعىم كەلەدى. ال ۇزىندىعى 10-13 سم بولادى.

انكارانالىق ەرگەجەيلى لەمۋر

تەك سولتۇستىك ماداگاسكاردا مەكەندەيتىن ەرگەجەيلى لەمۋر 2014 جىلى بەلگىلى بولعان.

 «سيەۆەرۋس سنەيپ» تەڭىز شايانى

اقشىل سارى ءتۇستى ساۋىتتى بادىراق كوز تەڭىز شايانىن 1998 جىلى زەرتتەۋشى گارري كونلي تاپقان. تەڭىز شايانىنىڭ مۇنداي تۇرىنە سيپاتتاما بەرىلگەننەن كەيىن، وعان «Harryplax severus» اتاۋى تاعىلعان. وسىلايشا عالىم حوسە مەندوسا شاياندى العاش تاپقان ادام مەن گارري پوتتەر تۋرالى كىتاپتار سەرياسىنا ءوز قۇرمەتىن بىلدىرگەن.

لاوسستىق الىپ ۇشار

بۇل ۇشاتىن كەمىرگىش – الەمدەگى ەڭ ۇلكەن ءتيىن. ۇشاردىڭ «قاناتى» اۋادا قالقۋىنا كومەكتەسىپ، پاراشيۋت قىزمەتىن اتقارادى.

سارى ءتۇستى جاڭبىر باقاسى

باقانىڭ دەنەسىنە قولىڭىزدى تيگىزسەڭىز، تەرىسى اشىق سارى ءتۇستى داقتار پايدا بولادى. مۇنداي بوياۋ، ادەتتە، ۋلى جانۋارلارعا ءتان. ءبىراق، عالىمداردىڭ پىكىرىنشە، سارى تۇسكە بويالاتىن جاڭبىر باقاسىنىڭ ەش زيانى جوق.

كۇلگىن ءتۇستى تەڭىز شايانى

بۇل كىشكەنتاي تەڭىز شاياندارى دەنەسىنىڭ كۇلگىن تۇسىمەن ەرەكشەلەنەدى. الايدا تەك ۇرعاشىلارى مەن جىنىستىق تۇرعىدا جەتىلمەگەن اتالىقتارى عانا مۇنداي اشىق كۇلگىن تۇسكە يە. جەتىلە كەلە اتالىقتارى قىزعىلت ءتۇس الادى.

دونالد ترامپ كۇيە كوبەلەگى

كانادالىق بيولوگ ۆازريك نازاري تاياۋ كۇندەرى بەلگىلى بولعان كۇيە كوبەلەگىن اقش-تىڭ جاڭا پرەزيدەنتىنىڭ قۇرمەتىنە اتادى. عالىمنىڭ ويىنشا، كۇيە كوبەلەگىنىڭ باسىنداعى قابىرشاقتار دونالد ترامپتىڭ شاش ۇلگىسىن ەسكە سالادى ەكەن.

---