InfoHub Logo

2017 جىلى ءبىر ءمۇعالىمدى اعىلشىن تىلىنە وقىتۋدىڭ قۇنى ايىنا 131 مىڭ تەڭگەنى قۇرايدى. بۇل تۋرالى ق ر پارلامەنتى ءماجىلىسىنىڭ جالپى وتىرىسىندا ق ر ءبىلىم جانە عىلىم ۆيسە-مينيسترى بيبىگۇل اسىلوۆا ءمالىم ەتتى.

«ءبىر تىڭداۋشىعا شاققانداعى ورتاشا قۇن وقىتۋدىڭ دەڭگەيى مەن ساعاتتار سانىنا بايلانىستى 400 مىڭنان 570 مىڭ تەڭگەگە دەيىن جەتەدى. سونىمەن قاتار ساعاتتار سانىنىڭ ارتۋى، وقىتۋ قۇنىنىڭ ايىرماشىلىعى اعىلشىن ءتىلى مۇعالىمدەرىن، ونىڭ ىشىندە شەتەل ماماندارىن تارتۋمەن ءتۇسىندىرىلىپ وتىر. اتاپ ايتقاندا، بۇل باعاعا تىڭداۋشىلار مەن جاتتىقتىرۋشىلاردىڭ ءىسساپار شىعىستارى ەسكەرىلىپ وتىر، ونىڭ ىشىندە جول اقىسى، تاۋلىكتىك اقشا، باسپانادا تۇرۋ شىعىندارى قامتىلعان»، - دەدى ب. اسانوۆا.

ونىڭ سوزىنە قاراعاندا، ءىسساپار شىعىندارىن ەسەپتەمەگەندە، ءبىر تىڭداۋشىنىڭ ءبىر ايداعى وقۋىنىڭ قۇنى ورتاشا العاندا 131 مىڭ تەڭگە شاماسىندا.  

بۇل رەتتە شەتەلگە وسىلايشا وقىتۋعا جىبەرىلسە، جۇمسالاتىن قارجى ايتارلىقتاي جوعارى بولادى ەكەن. بۇل تۇرعىدا ۇلىبريتانيادا - 666 مىڭ تەڭگە، كانادادا - 1 ملن 365 تەڭگە، سونداي-اق قىتايدا 437 مىڭ تەڭگەنى قۇرايدى.

ۆيسە-مينيستردىڭ مالىمەتىنشە، 2017 جىلى 12،5 مىڭنان استام پەداگوگ اعىلشىن تىلىندە ساباق بەرۋ داعدىسىن جەتىلدىرۋ ماقساتىندا «بيولوگيا»، «ينفورماتيكا»، «فيزيكا»، «حيميا» پاندەرى بويىنشا بىلىكتىلىكتى ارتتىرۋدان وتەتىن بولادى.

---