InfoHub Logo

بۇگىنگى جۇلدىز جۋرنالى ءتۇرلى بولىمدەردەن تۇرادى. باسپا ءسوز بەتىندە ءار بولىمگە ساي جاريالاناتىن ماقالالار جيىنتىعى قۇرالعان. ماسەلەن: جاس تولقىن، تۇرىك دۇننيەسى، سىرساندىق، ءسوز ساۋلەسى، پروزا، پوەزيا بولىمدەرى. پوەزيا بولىمىندە   كەزىندە قازاق پوەزياسىنا قۇبىلىس بولىپ كەلگەن كورنەكتى اقىندار جايىندا، ولەڭ-شۋماقتارى مەن سول مانىسىندە ماقالالار جاريالانادى. جۋرنالدىڭ العاشقى رەداكتورى قازاقتىڭ ءبىرتۋار اقىنى ساكەن سەيفۋللين بولعاندىقتان ساپالى ءارى مازمۇندى باسىلىم دەڭگەيىنە كوتەرىلدى دەپ نىق ايتا الامىز. سوناۋ باستاۋىنان-اق باسىلىم بەتىندە قازاق ادەبيەتىنىڭ كلاسسيكتەرى ب.مايلين، ءى.جانسۇگىروۆ، م.اۋەزوۆ، س.مۇقانوۆ كوپ ەڭبەك سىڭىرگەن. ال قازىرگى جۇلدىزدىڭ مازمۇنى دا، ديزاينى دا جاڭاشا وزگەرىپ، رۋحاني جاڭعىرا تۇسكەن. جۇلدىز جۋرنالىنىڭ ەڭ ءبىر ەرەكشە تۇسىن ايتىپ وتسەم،  بۇل جۋرنال-ەڭ العاشقىلاردىڭ ءبىرى بولىپ لاتىن قارىپىنە كوشۋدى باستاعان باسىلىم بەتى. مەنىڭ “ جۇلدىز” جۋرنالىن شولۋ بارىسىنان تۇيگەنىم باسىلىم بەتىنە بوس ءسوز، قيسىنسىز، مازمۇنسىز جازىلعان ماقالالارعا جول جوق ەكەندىگى. باسپا ءسوز بەتى تەك قانا ءمان-ماعىناسى اۋقىمدى، اۋىز تولتىرىپ قوزعارلىقتاي ماسەلەلەرگە تولى. جۇلدىز جۋرنالىنا 93 جىل تولعالى وتىر، وسى مەرزىم ارالىعىندا سوناۋ “جاڭا ادەبيەت” دەگەن اتاۋىنان باستاپ وقىرماندارىن تانىمدىق ماتەريالدارىمەن قاشان دا قۋانتىپ كەلەدى. مۇنداعى ماقالالاردى وقي وتىرىپ جان-جاقتىلىققا جانە بىلىمگە قۇشتارلىعىڭ اشىلادى.. ماسەلەن جۋرنالدىڭ “ءبىلىم” اتتى بولىمىندەگى “ءۇش تۇعىرلى ءتىل” اتتى ماقالاسىن وقىپ، سول ويمەن تولىقتاي قوسىلدىم. ياعني بۇگىنگى تاڭنىڭ بالالارىنا اعىلشىن ءتىلىن باستاۋىش ەمەس ءتىپتى بالاباقشا جاسىنان باستاپ ۇيرەتۋدى ءجون سانايدى. مەن بۇل ويمەن تولىقتاي قوسىلامىن، سەبەبى اعىلشىن ءتىلىن ەرتە وقىعان  وقۋشى  ءتىلدى ەمىن-ەركىن قولدانىپ، قارىم-قاتىناس جاساي الۋدى مەڭگەرەتىن بولادى دەپ ويلايمىن. جانە ايتار ويىم ەرتە جاستان اعىلشىن ءتىلىن وقىتۋ وقۋشىلاردىڭ كوممۋنيكاتيۆتى دامۋ بىلىكتىلىگىن ارتتىرادى، وعان دەگەن قىزىعۋشىلىعىن وياتۋعا مۇمكىندىك بەرەدى، بىردەن كوپ تىلدە سويلەۋگە قۇشتارلىعى اشىلادى دەپ ويلايمىن. كەلەسى كەزەكتەن كوزىمە وتتاي باسىلىپ وقۋعا قۇشتار بولعان ماقالا ءوزىمىزدىڭ قازۇۋ-ىمنىڭ دەكانى ساعاتبەك مەدەۋبەك ۇلىنىڭ “سىرساندىق” بولىمىندە جاريالاعان “اقىن ءتىلىن اداقتاعان سوزدىك” اتتى ماقالاسى بولدى. ماقالا ساعاتبەك اعامىزدىق ابيتۋريەنت اتانۋىنان باستاۋ الادى. ال جالپى مازمۇنى— مۇقاعاليدىڭ ەڭ بولماسا ءبىر ولەڭىن جاتقا بىلمەگەنى ءۇشىن ۇيالىپ، جانىن جەگەن ساعاتبەك اعامىز تۋرالى.ابيتۋريەنت  بولۋ ساتىنەن باستاپ مۇقاعالي ولەڭدەرىنە ماحابباتىنىڭ اشىلۋى بولدى. بۇل ماقالاداعى اعامىزدىڭ “مۇقاعاليدى بىلمەۋ – ابايدى بىلمەگەنمەن بىردەي نامىس” دەگەن سوزىمەن تولىقتاي قوسىلامىن. سەبەبى ءمۇقاعاليدىڭ ولەڭدەرى جانىڭدى ىنتىقتىرار جىر، جۇرەگىڭنىڭ سوناۋ تورىنەن ورىن الار قۇدىرەت دەپ ايتا الامىن. باسىلىم بەتى اتاۋى ايتىپ تۇرعانداي جىر جۇلدىزى مۇقاعالي تۋرالى كوپتەگەن ماعلۇمات جازادى ەكەن. وعان تاعى ءبىر دالەل نۇرلان سارسەنبايەۆتىڭ ماقالاسى. بۇل ماقالا مازمۇنى  قازاق تاريحىنداعى ەڭ وقىرمانى كوپ، قالىڭ حالىق باستى جاناشىرى بولعان جىر سۋرەتكەرى بولعان مۇقاعالي قۇدىرەتى تۋرالى جەتكىزەدى.“ مۇقاعاليداي ۇلى تۇلعانىڭ قىرى مەن سىرىن شىنايى تانۋمىز ءۇشىن ىزدەنىس جانە ءالى دە زەرتتەۋ قاجەت”،- دەگەن ويىمەن قوسىلامىن. جۇلدىز جۋرنالىنىڭ 2020 جىلدىڭ قازان ايىنداعى 10 سانى ۇلى ابايدىڭ “ وتكىنشى كوپ ءومىر كەتكەن ءوتىپ” اتتى ولەڭىمەن جانە ون جەتىنشى ءھام ون سەگىزىنشى قارا سوزدەرىمەن اشىلعان. جۋرنالدىڭ ءاربىر سانىن  وقي وتىرىپ ناعىز جىر جۇلدىزدارى تۋرالى جازىلعان كەرەمەتتەي ماقالالار وقىرىپ، وقىپ قانا قويماي ساناعا ءبىراز نارسە توقىپ، جان دۇنيەڭىزدى بايىتار قازىنا تاباتىندىعىڭىزعا كامىل سەنىمدىمىن!

بۇركىتبايەۆا اقبالا امانگەلدى قىزى

---